Gernika-Lumoko Lekuek jaialdia egingo dute bihar hasi eta martxoaren 21era arte. Aurten eskaintza murriztu dute: asteburuetan, kontzertuak; eta aste barruan, zinema emanaldiak.

Durangaldea Uztabarritzen bertso zirkuitua ondu du Durangaldeko bertso eskolak. Eskualdeko gazteei kantatzeko aukera eman nahi diete. 11 saio egingo dituzte bihartik uztailaren 10era bitarte.

Musika-Musicak Viena inperialeko doinuak eskainiko ditu gaurtik etzira. Alondegira, Filarmonikora eta Bizkaia aretora ere hedatuko da aurten.

VII. Loraldia kultur festibala egingo dute martxoaren 9tik 28ra, Bilbon. Jaialdia, besteak beste, emakume sortzaileentzako eta artista gazteentzako plaza izatea nahi dute. Hiriko hamahiru gunetan egingo dituzte ikuskizunak.

Martxoaren 1etik 14ra izango da zinema jaialdia Bilbon eta, lehen aldiz, Lekeition, identitate eraikitzaileak ardatz. Aretoetan ez ezik, sarean eskainiko dituzte filmak.

Herriko adinekoei ume sasoiko aratusteez galdetu, eta Arteagako lagun talde batek lozorrotik esnatu ditu 'kokomarroak' izeneko pertsonaiak. Joan den barikuan atera ziren berriro kalejiran dantzara.

Bidaiarien Txokoa programa egingo da Bilboko Begoña eta Santutxu auzoetan. Hilaren 16tik 26ra bidaiak oinarri dituzten ikus-entzunezko eta hitzaldiak antolatu dituzte.

Taupaka sortzaileen elkarteak kultur ereduaren aldaketa bultzatu nahi du. Sortzaileei dena eskura eman beharrean, tresnak eskaintzen dizkie, kolektiboan oinarrituta.