Ur falta eragin du azken hil hauetako sikateak. Busturialdean eta Lea-Artibain jarduera batzuetarako erabiltzea debekatu dute, eta, Busturialdean, edatekoa bermatzeko itsasontziz ekartzea aztertzen ari dira. Zenbait sektore ekonomikotan, gutxiago kontsumitzeko neurriak hartzen hasi dira.

Batzar Nagusiek oniritzia eman diote herrialdeko bost errepidetan ibilgailu astunei bidesaria ezartzeari; garraiolariek eskatu dute autobideak doako egiteko.

Zezen plaza ipiniko dute Durangoko sanfaustoetan, bi urteko etenaldiaren ostean. Herriko hiru gaztek aurkeztu zuten eskaera, eta joan den astean onartu zen. Durangaldea Antiespezista udalaren erabakiaren kontra agertu da.

Bilboko Udal Etxebizitzak erakundeak obra txikiak behar dituzten 50 etxe eskainiko ditu alokairuan. Maizterrek aurreratu beharko dute lanotarako dirua. EH Bildu kontra azaldu da.

Gaur hasi eta igandera bitarte, Bilbao Blues Festival jaialdia egingo dute Bilbon, lehenengoz. Askotariko egitaraua prestatu dute, eta herritarrak blues generora hurbiltzea izango da asmo nagusia. Bob Stroger musikariak aitortza jasoko du