Gaur hasiko da Athleticeko Peñen 49. Nazioarteko Kongresua, Bilbon. Etzi bitartean, laurehun zale inguru bilduko dira futbol klubaren inguruan, solastatzeko eta haien arteko harremanak estutzeko. Athleticekin lotutako hamaika ekitaldi antolatu dituzte peñetako bazkideentzat.
Abendutik protestak egin dituzte Bilboko Urkixo kaleko bulego nagusian. Bizkaiko 1.100 lanpostuetatik erdiak baino gehiago hutsik daudela salatu dute sindikatuek.
Bizkaiko Medikuen Elkargoak aholkularitza zerbitzua jarri du martxan herritarrek Aurretiazko Borondateen Dokumentua egin ahal izateko prozesuan laguntzeko asmoz.
2019tik lan ituna iraungia dute Bizkaiko Foru Aldundiko gizarte zerbitzuetako langileek. Diputazioak proposatzen die soldata Espainiako aurrekontuek ezarritakoa igotzea.
48 bertsolarik parte hartuko dute 'Udabarria bertsotan' fasean. Horien artean, gutxienez 26k jokatuko dute txapelketa, udazkenean. Bederatzi bertsolari berri daude.
Artoteka artelanak mailegatzeko proiektuaren harira, bost obra ipini dituzte Sestaoko hainbat lekutan. Helburua da artea irisgarriagoa egitea, eta hiriburutik kanpo sustatzea.
BBK aretoan egingo dute Euskal Herriko Txistulari Gazteen I. Txapelketa , 11:00etan hasita. 16 urtera arteko hogei txistularik hartuko dute parte, bi mailatan banatuta.
XVII. mendean eraikitako bizileku biko baserria da Leioako Mendibile jauregia. Gaur egun, Bizkaiko Txakolina jatorri izenaren egoitza da, eta txakolinaren inguruko jarduerak egiten dituzte.
Bilboko Erriberako merkatuak 'Asteazkenetako Saskia' izeneko kanpaina abiatu du: merkatuko 30 postutan produktu bat merkatzen dute eguaztenero, bezeroei elikagaien garestitzeari aurre egiten laguntzeko. Ezagutzen duten bezeroek ondo hartu dute neurria, baina gutxi iruditzen zaie.
Balmasedako eta Abantoko independenteen koalizioa da Enkartazioak Birizik, baina eskualdeko "beste independenteen babesa" ere badu. Bihar aurkeztuko dute, Avellanedan.