Hiriko komertzioa sustatzeko bisita gidatuak antolatu ditu aurten ere Bilbo Dendak elkarteak. Jarduera "dibertigarri eta parte hartzaileen" bidez, erosketak egiteko toki bereziak ezagutuko ditu publikoak. 'Hemengo Shopping' izena jarri diote ekintzari, eta abendura arte iraungo du.
Diruaren kontrola herritarren eskuetan egotea nahi dute Ekhilur kooperatibakoek. Visa, Bizum eta halako sistema orokortuei aurre egitea du helburu egitasmoak. Bilbon 40 saltokik dute sistema hori.
Urduñan Orduener energia komunitatea sortu dute, energiaren arazoari ingurumen, gizarte eta ekonomia arloetatik erantzuteko. Herriko egoera aztertzen ari dira orain.
Ardiak mozteko garaian murgilduta, ile moztaileak lanez lepo dabiltza. Profesionalak ez dira asko. Gaur egun, ohikoa bihurtu da animaliei ilea urtean bi aldiz moztea, haien ongizatearen mesedetan; lehen, behin mozten zitzaien.
Bizkaiko ostalaritza sektoreko lan hitzarmenak pandemia aurretik daude berritzeke. Sindikatuek salatu dute patronalak ez duela bildu negoziazio mahaia, eta ez duela asmorik konponbiderako. Lanuzteak egin dituzte, blokeoa amai dadin; akordiorik ezean, protesta gehiago izango dira.
BIPE Bizkaiko Irudi Pertsonaleko Elkarteak azaldu duenez, pandemia hasi zenetik 3.000 lanpostu inguru galdu dira irudi pertsonalaren sektorean. Hori dela eta, hiru urte daramatzate mobilizatzen. Haien ustez, BEZa %21etik %10era jaistea da sektoreko krisia konpontzeko bideetako bat.
Herri txikietan ezinbestekoak dira tabernak, hartu-emanen sustatzaile ere badirelako. Gehienetan, bakarra egoten da, eta, sarri, udalarena izaten da. Badakite zerbitzu publiko bat direna, eta saiatzen dira herriko bestelako gabeziak ere asetzen. Bizirauteko laguntza eskatzen dute.
Bilbo Dendak elkarteko zortzi denda aplikazio bat erabiltzen hasi dira. Esan dute zerbitzu "bizkorra, jasangarria eta eragin sozialekoa" dela.
Bilboko suhiltzaileen kolektiboak dio udalak "engainatu" egin duela, eta iaz hitzartutakoa ez betetzea leporatu dio. 2022an legez, udal anbulantziaren zerbitzua berreskuratzea dago muinean.
Abendutik protestak egin dituzte Bilboko Urkixo kaleko bulego nagusian. Bizkaiko 1.100 lanpostuetatik erdiak baino gehiago hutsik daudela salatu dute sindikatuek.