Kultura

Liburu, hitzaldi eta hausnarketak nagusi, Liburu Anarkisten Azokan
2019-05-172019-05-16Albisteak, Bizkaia, Kultura, Politika

Liburu, hitzaldi eta hausnarketak nagusi, Liburu Anarkisten Azokan

Aitziber Laskibar Lizarribar

Ideia libertarioak zabaltzea. Horixe du helburu CNT sindikatuak urtero antolatzen duen Liburu Anarkisten Azokak. Euskal Herrian egiten den halako egitasmo handienak hamabosgarren aldia du aurten, eta, hazten ari den seinale, Bilboko Areatza pasealekua hartu du kokagune. Bertan jarri duten karpan askotariko liburuak erosteko aukera izango da asteburuan, eta mahai inguru, hitzaldi eta solasaldietan parte hartzekoa. Sindikatuarekin batera, Emakume Askeak elkarteak antolatu du aurtengo saioa, eta nabarituko da eragina: emakumeen presentzia handia izango da hausnarketa sustatzeari begira egingo diren ekitaldietan.

Kaleko arteen plaza nagusia
2019-05-172019-05-16Albisteak, Asteburuko proposamena, Bizkaia, Kultura

Kaleko arteen plaza nagusia

Peru Azpillaga Diez
Dantza, antzerkia, akrobaziak, magia... Umore Azokak mota eta estilo guztietako kaleko arte ikuskizunak bilduko ditu Leioan. Hala, asteburu osoan zehar 120 ikuskizun baino gehiago eskainiko ditu, Leioako herrigunean zehar sakabanatutako hamahiru gunetan.

Bertsoaren uztarik onena
2019-05-102019-05-09Albisteak, Bizkaia, Kultura

Bertsoaren uztarik onena

Natalia Salazar Orbe

Urtaroek eta jai egunek bezala, hainbat ekitaldik leku berezia dute bertsozaleen barneko egutegietan, paperean gorriz markatuta ez egon arren. Udaberriko Bertso Saioak dira jarduera horietako batzuk, Bilboko Santutxu auzoan. Arrakasta handia lortu dute, inguruko bertsozaleentzat huts egin ezineko bilakatzeraino. Saiook puntako bertsolariak ikusteko aukera emango dute. Bihar izango da aukera horietako bat.

Ahozko irakaspenei adi
2019-05-032019-05-02Albisteak, Bizkaia, Gizartea, Kultura

Ahozko irakaspenei adi

Natalia Salazar Orbe

Txurrut bat, txurrut bi, konturatzeke, zilipurdi". Bada hitzez azaltzerik esaera zahar horren esanahia. Eta bertsotan? Zer-nola jaso esaera horren muina, eta bertsotara eraman? Are erronka korapilatsuagoa izango dute bihar Sopelan, Esaera Zaharren Txapelketan: bertso bat entzun, ondo ulertu, interpretatu, eta zer esaera zahar dagokion ebatzi beharko dute AEK-k antolatutako lehiaketan parte hartzen dutenek.

Gizartearen isla arte bihurtuta
2019-05-032019-05-02Albisteak, Asteburuko proposamena, Bizkaia, Kultura

Gizartearen isla arte bihurtuta

Natalia Salazar Orbe
Hondarren artean zanpatuta, bizirik iraun guran, azaleratu egin nahi duen hiri bat. Berandu da. Lurrak eta harriek estali dituzte inguruak. Baita herritarrak ere. Ia-ia. Herritar horiek guztiak ageri dira hondakinen artean mimetizatuta. Noraezean dauden negozio gizon txikiak dira denak.

Jaialdi herrikoia, handien pare
2019-04-262019-04-25Albisteak, Asteburuko proposamena, Bizkaia, Kultura

Jaialdi herrikoia, handien pare

Zihara Jainaga Larrinaga

Herrian dagoen kultur eskaintza osatzeko asmoarekin sortu zen MAZ Basauri festibala. Hasieran, musika taldeen kontzertuetan soilik oinarritzen zen jaialdia, baina, urteak pasatu ahala, tamaina handitu du, eta bestelako esparruetara hedatu da: haurrentzako tailerrak eta zine emankizunak ere egiten dituzte egun. Gaur abiatuko da zortzigarren edizioa, eta euskal musikak irekiko du gaur gauean jaialdia. Anari bakarlari azkoitiarra izango da Sozial antzokiko oholtzara igotzen lehena, hain zuzen. Haren atzetik, Christina Rosenvinge pop-rock abeslari espainiarraren txanda izango da. 21:30ean irekiko dituzte antzokiko ateak, eta handik ordu erdira hasiko da lehen emanaldia.

40 urteko haria eten ez dadin
2019-04-192019-04-17Albisteak, Asteburuko proposamena, Bizkaia, Kultura

40 urteko haria eten ez dadin

Peru Azpillaga Diez
Euskal Herriko bazter guztietatik hurbildutako milaka gaztek egingo dute bat, gaur, Lemoan, Gazte Topaguneari hasiera emateko. Askatasun Bulkadak Independentziara lelopean, Ernai eta Aitzina gazte antolakundeek kudeatutako egitasmoa astelehenera arte luzatuko da, batik bat, hitzaldiak, tailerrak eta kontzertuak uztartuz. Denbora tarte horretan, gazte antolakundeen berrogei urteko historia aldarrikatzeko eta belaunaldi berriak etorkizunera begira jartzeko asmoa azaldu dute Ernaik era Aitzinak.

Iragana oroituz, geroaren atea ireki
2019-04-192019-04-17Albisteak, Bizkaia, Gizartea, Kultura

Iragana oroituz, geroaren atea ireki

Natalia Salazar Orbe

Bero handia zegoen, sabaia oso baxua zelako. Ez zegoen aireztatze sistemarik. Ezta argirik ere. Minutu gutxira zail egiten zen arnasa hartzea. Airea arnasten saiatzen nintzen, baina ez zen iristen biriketara. Itota hilko ginela pentsatu nuen. Eraikitzen ari zirela erori zen babeslekua ere gogoan nuen, eta ikaratu egin nintzen, lehergailu bat gainean eroriz gero zer gerta zitekeen pentsatuta". 1937ko apirilaren 26an Gernikako bonbardaketatik bizirik atera zen Luis Iriondoren oroitzapenak dira. El chico de Gernika lanean jaso zituen. Datozen egunetan Gernikako Bakearen museoak babesleku horietara egingo dituen bisitetan parte hartzen dutenek norbere erraietan sentituko dituzte beldur eta estutasun horiek. Hegazkinen erasoen aurkako babeslekuak eta herrian bonbardaketa eta biktimak gogoan egin diren monumentuak ezagutzeko ibilbideak jarri dituzte martxan bertan.

Zentzugabekeriaren arrazoia
2019-04-192019-04-17Albisteak, Bizkaia, Kultura

Zentzugabekeriaren arrazoia

Natalia Salazar Orbe
Pozaren sentimendua muturreraino irudikatuta. Tristuraren goibeltasunik goibelena aurpegian islatuta. Barre algara; negar geldiezina. Keinu adierazgarriak, zainduak, lortuak, histrionismoaren antzezleek taularatutakoak.

Folklorea, sarera erakartzeko
2019-04-122019-04-11Albisteak, Asteburuko proposamena, Bizkaia, Kultura

Folklorea, sarera erakartzeko

Aitziber Laskibar Lizarribar
"Euskal kulturaren jaia". Hala esaten dio Bilboko Udalak Basque Fest jaialdiari, euskal folklorearen erakusleiho izan nahi duen ekitaldi sorta erraldoiari. Asteazkenean hasiko da urteko apusturik indartsuenen zerrendan kokatua duen jaialdia; Aste Santuko egunetan Bizkaiko hiriburura turistak erakartzeko helburuz jaio zena, eta bertokoentzat ere gogoan izateko ekitaldi bilduma bihurtu dena.