Bukatu berri den denboraldian, OLBE Txiki egitasmorako euskarazko lan bat ekoizten hasi da OLBE, Arriaga antzokiarekin batera. Aurten, Bost axola bemola lanaz gozatu ahal izan dute, otsailaren 11, 12 eta 13an. Hurrengo denboraldian, Sergei Prokofieven...
EHZagutu
Orain dela pare bat urte gertatu zitzaigun. Habanako hotel bateko azken solairuan geunden gosaltzen, sabaitzat urtarrileko hodei zoragarriak baino ez. Euskaraz geniharduen, eta alboko mahaiko emakumeak berehala zorroztu zituen belarriak. Alde egiteko zorian geundela, ezin izan zion galderari eutsi: "Euskaraz ari zarete, ezta?". Guk baietz. Bere burua aurkeztu zuen, eta baita alboan zuen alaba nerabearena ere bai. Argentinarrak ziren, jakin-min handikoak eta, hau bai harrigarria, jatorrak. Solasean jarraitu genuen tarte batez, bizitzaz eta politikaz. Banandu aurretik, azken galdera bota zigun: "Beraz, separatistak zarete, ezta?". Ezetz, irrikitan geundela bat egiteko Bidasoaz bestaldekoekin, izatekotan baterazaleak ginela. "Bitxia da, inoiz ez dut planteatu afera ikuspuntu horretatik", erantzun zigun.
Egia esan, errazagoa da esaten egiten baino. Badago ikasleekin urtero egiten dudan ariketa bat. Berriketaldiari ekin aurretik, Erramun Baxok Suhuskuneko euskaltzaleak idatzi zuen artikulu bat banatzen diet. Bertan, Baxokek kontatzen du zelan ibili zen Ipar zein Hego Euskal Herrian galderak egiten hiri batzuen arteko distantziei buruz. Bere asmoa mugaren eragin psikologikoa aztertzea zen; adibidez, baionarrei galdetzen zien ea zein zegoen hurbilago, Paue (100 km) edo Donostia (50 km). Ez da zaila emaitza irudikatzea, ezta? Donostiar askok, esaterako, Tutera (200 km) Maule (130 km) baino hurrekoago sentitzen dute. Mugaren ondorioz euskal herritar gehienok buruan daukagun EHko mapa nahiko distortsionatua dago: hegotik begiratuta Euskal Herri buruzabala ikusten dute (ia Garonarainokoa!); iparretik, aldiz, tripa-handia (Gasteiz ia Burgosen parean, Tutera Soriako goilautadan…). Hurrengo minutuetan izaten dugun solasaldian beti konstatatzen dut gauza bera: ikasle gehienentzat, Frantzia Bidasoan hasten da.
Beraz, prakak bete lan daukagu gure pentsalari batek oinarrigintza deitu zuen arlo zabal honetan. Zelan indartu harremana Lapurdi, Nafarroa Behere eta Zuberoako biztanleekin? Ziurrenik, bide bakarra beste arlo guztietan funtzionatzen duen berbera izango da: eurei buruz daukagun ezagutza handituz. Ezagutzak interesa pizten du, eta interesak inplikazioa dakar. Horretarako mila aukera daude, baina nik neuk EHZ festibalera hurbiltzea proposatzen dizuet. Eta, aukeran, laguntzaile moduan joatea. Ez zaizue damutuko. Ez duzue lo askorik egingo, lan-txanda surrealistaren bat egokitu zaizue eta zortearen arabera blai eginda edo egosita amaitu ahal duzue egonaldia. Baina, hori bai, aukera profitatzen baduzue, hurrengoan ere bueltatuko zarete Heletako plazan izaten den giro magikoaz gozatzera.
Orain, murgiltze sakonagoa nahi duenarentzat badaukat beste bi proposamen alternatibo: bata, Baionako bestetan galtzea (adi! aurten uztailaren amaierara aurreratu dituzte); bestea, aparta benetan, udaldia Zuberoako Altzürüküko baserri batean ematea behiei eta ardiei azpiak egiten. Bertzerik ez bada, kantuan behintzat ikasiko duzue.
Abestien egun handia
Abesbatzen egunaMungiaMusika erritmo eta doinuek hainbat bazkaloste, zeremonia eta ekitaldi girotu dituzte Bizkaiko herri askotan. Bada, etzi Mungiako bazter guztietan abestiak entzungo dira. Izan ere, urtero egiten den Bizkaiko Abesbatzen Eguna ospat...
Gitarrak markatutako kolpeak
Bilbao 700 Fundazioak, Bilbao Flamenco elkartearekin lankidetzan, flamenko jaialdia antolatu du asteburu honetarako. Bart entzun ziren hiriburuan aurreneko gitarra doinu eta takoi kolpeak. Gaur, eta bihar ere, musika eta dantza estilo horretaz gozatzeko aukera egongo da. Aurrenekoz egin den jaialdi honetako artista gonbidatuak dira Miguel Poveda, Manuela Carrasco eta Vicente Amigo. Povedak bart ireki zuen egitaraua asteSano izeneko emanaldiarekin. Campos Eliseos antzokiko oholtza gainean izan zen, bere gitarrak lagunduta
Gaur, berriz, Manuela Carrasco flamenko dantzariak eta bere konpainiak hartuko diote lekukoa. 20:00etan hasita Suspiro flamenco izeneko ikuskizuna taularatuko dute, Guggenheim Bilbao museoaren auditoriumean. Carrascoren beraren dantzak, konpainiako flamenko dantzari laukotearen dantzak eta La Susi izeneko abeslariaren kantak tartekatuko dira ikuskizunean. Agertokian, alde batean cante kantariak, bestean gitarrista eta kutxa, eta erdian Enrique el Extremeño kantari ezaguna izango dituzte lagun.
Biharkoan Bilboko Elkarte Filarmonikoaren antzokia izango dute erakusleku. Vicente Amigo abeslari kordobarra igoko da oholtzara. Flamenko tradizionala beste musika estilo batzuekin nahastea gogoko izan du betidanik. Une honetan flamenko musikarien artean entzutetsuenetakoa da. 2009an grabatu zuen azken diskoa: Paseo de Gracia. Orain hurrengoarekin dabil.
Kontzertu nagusi horietaz gain, Hesperia hotelean eta Secotel Coliseo hotelean gaueko emanaldi intimoagoak izango dira gaur eta bihar, 23:00etan hasita. Horrez gain, igandera bitartean, Secotel Coliseo hotelean Retratos flamencos izeneko argazki erakusketa dago ikusgai. Erakusketarako sarrera doakoa da.
@sarean
OLBEk antolatzen dituen kontzertuen, jardunaldien eta ikastaroen berri izateko, albisteak irakurtzeko, argitalpenak eskuratzeko, elkarteko kide egiteko, sarrerak erosteko eta beste hainbat gauza egiteko aukera ematen du webguneak.
• www.abao.org
Mila kilometro eginez hasiko dira Igorreko jaiak
Gaur iluntzean botako dute Igorreko San Antonio jaiei hasiera emango dien txupina. Ekainaren 17ra bitartean, egunero-egunero izango da zertaz gozatua. Bihar, kasurako, ekitaldi berezi bat egingo dute: Euskeraren alde 1.000 km baietz. Intxaurbizkar elk...