Duela hiru urte sortu zuten Hamaika Kale elkartekoek Urduña Hiria museoa. Hiriko ofizio garrantzitsuenei eskainitako aretoetan barrena, tokiko historia ezagut daiteke.

Dolomia minerala ustiatzen hasi ziren Karrantzan, 1956an. Harrobitik herrira aireko tranbiaren bidez ekartzen zuten. Deskarga leku izandakoan Dolomitas Fabrika Zaharraren Museoa dago egun.

Euskal Herria museoa Gernikako herrigune historikoan dago, bonbardaketatik salbatu zen gunean. Batzar Etxea eta Gernikako arbola ditu inguruan. Museoaren izenak berak dioen bezala, Euskal Herria zer den ulertzen laguntzea du xede.

Simon Bolivar Museoa Ziortza-Bolibarren dago. Ameriketako hainbat herrialderen independentzian ezinbestekoa izan zen militarraren historia kontatzen du.