Gizartea

Kutsatu tasa altuena du Basaurik
2020-04-032020-04-02Albisteak, Bizkaia, Gizartea

Kutsatu tasa altuena du Basaurik

Ibai Maruri Bilbao

Atzo Barakaldok eta asteburuan Getxok postua kendu arren, kutsatu gehien dutenen zerrendan Bizkaiko bigarren herria izan da egun gehienetan Basauri, Bilboren atzetik. 40.897 biztanle ditu, zoritxarreko lehiakideek baino dezente gutxiago; Barakaldok 296, Basaurik 271 eta Getxok 262 kutsatu zeuzkaten atzo. Beste datu batek erakusten du argiago koronabirusak Bizkaian gogorren jotako herria dela. Osasun eremu bitan banatuta dago: Ariz eta Kareaga. Arizek %0,62ko kutsatu tasa du, eta %0,68koa Kareagakoak. Kareagakoa da Bizkaiko tasa handiena. Gasteizko osasun eremu batzuetan baino ez dira neurtu handiagoak; larrienak, Abetxukon (%1,2), Sansomendin (%1,2) eta La Habanan (%1,1). Hain zuzen, Kareagakoa zen Euskal Herrian hildako lehen kutsatua: 82 urteko gizona Galdakaoko ospitalean zendu zen, martxoaren 5ean. Egun batzuetara hil zen emaztea.

Bakartuta igarotako egunak
2020-03-272020-03-27Albisteak, Asteko Gaiak, Bizkaia, Gizartea

Bakartuta igarotako egunak

Peru Azpillaga Diez Ibai Maruri Bilbao Natalia Salazar Orbe

Legearen arabera, presoen bakartzea zigor puntual bat da, eta ezin daiteke hamalau egun baino gehiago luzatu. Horretarako, espetxe guztietan bakartze moduluak daude, baxuak eta hezetasun handikoak. Patio txikiak dituzte, eta ziegetako leihoak hesituak izaten dira; baxuak direnez, bistak ere oso murritzak izaten dira, eta, normalean, metro batera dagoen horma bakarrik ikus daiteke". Arantza Zulueta abokatuak (Lekeitio, 1960) hiru urte egin zituen egoera horretan espetxean. Azaldu du hamalau egun horietan presoa soilik bi orduz atera daitekeela patiora; legezko egunak gainditzen dituzten presoei lau orduz uzten diete patioan egoten. Gainontzeko denbora guztia ziegan igaro behar du. Eta han barruan arauak oso zorrotzak dira. "Arropa eta liburuak izan ditzakezu, baina ez ziega garbitzekorik —goizetan, 15 minutu ematen dizkizute garbiketa lanak egiteko—; ezin duzu azazkalak moztekoa edo orrazi bat izan".

Iritzia: Larrialdi egoerari aurre egiteko, auzodefentsa eta auzo-boterea
2020-03-272020-03-26Albisteak, Bizkaia, Gizartea

Iritzia: Larrialdi egoerari aurre egiteko, auzodefentsa eta auzo-boterea

Auzoetatik Piztu Bilbo

Auzoetatik Piztu Bilbotik krisialdi eta salbuespen egoera honi buruzko hausnarketa batzuk banatu nahi ditugu elkarrekin, berotan eta lubakitik idatzitako hausnarketak.

Euskal Herri osoan, COVID-19 izurri larrialdiaren aurrean, behetik gorako zaintza mugimendu autogestionatuak sortzen hasi dira, zaintzaren autogestiotik eta auzoetatik hazitako borroka. Instituzioetatik "sare kutsakorrak" sortzen ari garela dioskue. Eta hala da, sare kutsakorrak sortzen ari gara, elkartasun kolektiboa kutsatzen gabiltza auzo eta herrietan. Klase elkartasunaren birusa Euskal Herri osotik hedatzen ari da abiadura esponentzialaz eta geldiezin bihurtzen dabil.

Busturialdearen ur hornidura bermatzeko plana onartu dute
2020-03-202020-03-18Albisteak, Asteko Gaiak, Bizkaia, Ekonomia, Gizartea

Busturialdearen ur hornidura bermatzeko plana onartu dute

Natalia Salazar Orbe

Busturialdea ez da gai ur agorraldi garaietan horniduraren beharrari erantzuteko. Ez, behintzat, emari ekologikoak errespetatuta, gaur egun dituen azpiegiturak egokitu gabe. Aspaldi antzemandako gabezia horri aurre egiteko, Urdaibai Biosfera Erreserbako Horniduraren Lurralde Ekintza Plana onartu dute aurten Busturialdeko Ur Partzuergoak, Uraren Agentziak eta Bizkaiko Foru Aldundiak. Planak bederatzi aukera jasotzen ditu. Bi nabarmendu dituzte: bata, Ibarrurin (Muxika) Oizeko akuiferoaren zundaketen baliabideak aprobetxatuko lituzkeena; bestea, Busturialdeko hornidura Sollubetik Bilbo Bizkaia Ur Partzuergoaren hoditeriara konektatzea aurreikusten duena.

Bizkaiko kultura ere kutsatu du koronabirusak
2020-03-132020-03-13Albisteak, Bizkaia, Gizartea, Kultura

Bizkaiko kultura ere kutsatu du koronabirusak

Natalia Salazar Orbe, Iñigo Astiz

Kultur programazioa ere doministikuka jarri du koronabirusak. Haren eraginak zalantza hedatu du kultur programatzaileen artean. Erakundeek birusaren hedapena geldiarazteko ekitaldi guztiak bertan behera uztea erabaki ezean, programatutako ekintzek martxan jarraituko dute, baina antolatzaileek ziurgabetasuna azaldu dute aste honetan egindako prentsaurrekoetan. Izan dira bertan behera gelditu diren ekitaldiak ere. Datozen bi asteburuetan egitekoa zen MAZ Basauri jaialdia erori egin da, adibidez, eta atzeratu egin dituzte beste emanaldi batzuk. Ekainaren 6rako programatu dute, esaterako, berez bihar Barakaldoko BEC erakustazokan egitekoa zen Izal taldearen kontzertua. Eta irailaren 18ra pasatu dute bihar Bilboko Miribilla kiroldegian El Barrio taldea eskaintzekoa zen kontzertua.

Sopelako Zipiriñe eskola leku falta konpontzear dago
2020-03-132020-03-12Albisteak, Bizkaia, Gizartea

Sopelako Zipiriñe eskola leku falta konpontzear dago

June Prieto

Ikasleen guraso elkarteak zortzi urte baino gehiago daramatza Sopelako Zipiriñe eskola publikoko leku arazoak salatzen. Aurten egoeraren larritasunak gora egin duela ohartarazi dute: jantokian ume guztientzako lekurik ez, eta zerbitzurik gabe geratuko direla hainbat ikasle. Horri aurre egiteko, 700 familia baino gehiago kalera atera ziren duela bi aste, Eskola berria orain lelopean. Martxoaren 3an bildu ziren Eusko Jaurlaritzaren Hezkuntza Sailarekin, eta, bertan, arazoa aitortu zuten, eta konponbide bat bilatzeko pausoak zehaztu zituzten. Orain, udalak erabaki beharko du Jaurlaritzari zein proiektu aurkeztu.

Gogoetaz betetako sare bat
2020-03-062020-03-05Albisteak, Asteko Gaiak, Bizkaia, Gizartea

Gogoetaz betetako sare bat

June Prieto
Erasoei erantzun indartsu eta antolatu bat emateko eta egun zehatzetako borrokak aurrera ateratzeko, hiriburuko hainbat talde feministak Bilbo Feminista Saretzen (BFS) koordinakundea osatu dute. Auzoetako emakumeez gain, sindikatuetako, gobernuz kanpoko erakundeetako eta alderdi politikoetako emakumeek ere hartzen dute parte koordinakundean.