Azken urteetan kaioak nabarmen ugaritu dira Bizkaiko kostaldean. Hazkunde hori mugatzeko, udalek habiak eta arrautzak kentzen dituzte teilatuetatik.

Maiatzaren 30ean egingo dute Bizkaiko ikastolen jaialdia, Sopelan. Bihar, Irrintzi Deiadarra egingo dute Leioako Betiko eta Sopelako Ander Deuna ikastolen artean.

Burdinurtu teknikarekin eginda, zutik geratzen den Europako zubi bakarrenetakoa da. 1848an inauguratu zuten zubia Bilbon, eta 1876an Leioara eraman zuten haren zati bat.

Memoriaren Ibilbidea osatu dute Galdakaon, 1936ko gerran esanguratsuak izan ziren lekuekin. Oraingoz bost geraleku ditu, eta aurrerantzean handituz joango da. Toki bakoitzean panelak ipini dituzte: gune bakoitza izan zenaren ezaugarri nagusiak biltzen dira, herritarrek "herriko historiaren berri" izan dezaten.

Bizkaiko Foru Aldundiak bertoko hainbat zuhaitz espezie landatuko ditu Erandioko Akarlandako parkean. 1,5 kilometroko ibilbide gidatua antolatuko dute, herritarrek aukera izan dezaten espezie horiek ezagutzeko.

Q sukarrarekin gaixotu dira Dimako inguru horretan ibili diren hainbat lagun. Lehen kasua urtarrilekoa da. Haitzuloa garbituko du diputazioak. Baliteke gaitza ahuntz batzuek eroan izana.

Durangoko Merindadearen Mankomunitateak Landue egitasmoa ipini du martxan. 12 enpresa handik eta 30 enpresa txikik hartuko dute parte, hizkuntza ohiturak aldatzeko.