Igandean egingo dute 2014ko Euskaltel Euskadiko Nesken Surf Biltzarra. Bakioko hondartza hautatu du Euskal Herriko Surf Federazioak aurtengo lehiaketarako. Emakumeen arteko txapelketa izango da igandekoa, eta, 08:30ean hasita, oholaren gainean jarri e...

SESTAO. Herriko beharrizan sozial eta ekonomikoei buruzko plan bat osatuko du Sestaoko Udalak. Horren ostean, bere gainetik dauden erakundeetara bideratuko du lan hori, beste herri batzuekaz alderatuta dituen desorekak arintzeko laguntza eskatzeko.

Lagatzu Eguna ospatuko dute bihar, Larrabetzun. Euskal jaia egingo dute, hain zuzen. Lehenago, gaur iluntzean motorrak berotuko dituzte. Duo Deno taldeak kaleak girotuko ditu, 20:00etan hasita.Bihar goizean abiatuko dituzte jarduerak. 11:00etan, Cup S...

Nazio, estatu zein futbol taldeen ereserkiak ezagunak izan ohi dira eta asko, erraz identifikatzekoak. Herri batek eta bertako auzo bakoitzak ereserki bana izatea, ordea, bitxiagoa eta bereziagoa da. Bada, galdakoztarrek badute. Bihar aurkeztuko du Juan Carlos Irizar konposatzaileak hamalau abesti horiek biltzen dituen diskoa. "Txistu, soinu eta Bizkaiko dultzainerako" osatutako abestiak dira Irizarrenak, eta hiru urte behar izan ditu lan horiek guztiak amaitzeko. "Auzo guztiei egin diet ereserki bana, bandagaz lekuotara joan naizenean pasatu ditudan une on guztiengatik eskerrak emateko", adierazi du Udal Musika Bandako zuzendari eta ereserkien konpositore denak.

Galdakao herriaren eta bertako futbol taldearen ereserkiak egiteko eskaera jaso zuen Irizarrek. "24 urte bete behar ditut bandako zuzendari gisa. Eta, lan hori bukatuta, bururatu zitzaidan opari bat egin behar nuela. Musikagile gisa, auzo bakoitzari kantu desberdin bat egitea pentsatu nuen". Eremu bakoitzarentzako kantu desberdin bat osatu du. Konpositorea bera ondo sentiarazteko baliagarria izan da lan hori eta "ohorea" izan da beretzat behar hori egitea.

"Batzuei kalejira, jota bat beste bati, zortzikoa, vals-a, balada...". Bakoitzari mota bateko kantua egin dio. Denak ala denak, baina, "sentikorrak, dira, politak", egilearen beraren esanetan. "Toki desberdin bakoitzari doinu bereizi bat eskaintzea erronka bat zen niretzako", azaldu du. "Hainbat bandek elkarregaz jotzen dutenean gozatzeko" moduko musika izango dela aurreikusi du. "Kantu politak dira; hemengo eta hango bandek zein txarangek jotzeko modukoak".

Nori zer konposatu aukeratzeko prozesua, berriz, "lan erraza" izan dela azaldu du bandako zuzendariak. "Auzo horretatik pasatzen nintzenean, galdetzen nien ea zein doinu mota gustatuko litzaieken konposatzea". Plazakoetxeren auzoko konposizioa egiteko prozesua, ordea, bereziagoa izan dela nabarmendu du: "Bandak bertan elkartu ohi gara, herrira sartzeko, eta pasagune modukoa egiten digute. Bikoteak han geratu ohi dira, zain. Beraz, auzo hari balada erromantiko bat egitea pentsatu nuen". Estilo zirikatzailea edo gogorragoa gura izan dutenentzako ere konposizioak egokitu ditu. "Irekita nago ni denera. Ez zait axola". Nahi izan duten estilora moldatu da, beraz, Irizar.

Musika estiloaz haratago, konposizioari dagokionez, bestalde, "teknika barruan" darmala dio. "21 musika tresna ingururentzako konposizioak egin ditut. Jotzen hasi aurretik, baina, badakit nik zelako soinua izango duen abestiak. Bekatu hori barruan sartuta daukat nik; drogen antzerako kontua da. Aspalditik daukat teknika hori barneratuta", esan du.

Lana oraindik amaitu gabe dauka, ordea. Auzo handietarako musikak konposatu ostean, "orain txikietatik" egin baitiote eskaera Irizarri. Edozein modutan, proosamen horiei erantzuteko denbora beharko duela azaldu du, horiei ere ereserki bana egin beharko baitie. Denera, beste lauzpabost abesti sortzeko erronka badu, beraz.

Ereserki horiek herrian entzutea eta erabiltzea "oso polita" izango litzatekeela deritzo Irizarrek. Biharko aurkezpenean diskoa banatuko dute, eta gero salgai jartzeko asmoa dute. Hala ere, bandari zein gura duenari partiturak helarazteko prestutasuna agertu du konposatzaileak. "Nire lana artxiboan sartzerik ez dut nahi", adierazi du. Erabiltzea gurago du.

12:00etan jarri dute biharko hitzordua, Urreta kiroldegian. Udal Bandak eta koruak Galdakaoko eta Aupa Galdakao futbol taldea kantak interpretatuko dituzte. Bi horiek letra dute, eta gainerakoak instrumentalak dira. Kontzertuan dultzaina, soinu eta txistuaren laguntza ere izango dute. Hala ere, hiru edo lau kanturi letra ipintzeko asmoa badute, "auzoetakoek hala eskatu baitute", Irizarren arabera. Abesti guztiak interpretatuko dituzte biharko aurkezpenean, eta auzo bakoitzari ereserkiaren partitura eta CD bana emango dizkie konposatzaileak berak.

Jaiotzez oñatiarra den arren, Aizarnazabalen bizi da. Hala ere, "bihotzez galdakoztarra" dela dio "argi eta garbi". "Bizkaia Gipuzkoa baino gehiago maite dut nik", aitortu du. 1985ean, bere lehenengo diskoa, Donosti Romantico, Xoxoa diskoetxean grabatu zuen eta "orduz geroztik, Bizkaiagaz maitemindu nintzen ni, Benito Lertxundi bezala. Sentimenduen aurka ezin dut ezer egin", adierazi du.

Urtebeteko liskar eta tirabiren ondoren, maiatzaren hondarrean eseri ziren mahai beraren bueltan lau sindikatu nagusiak —ELA, Euskadiko CCOO, LAB eta UGT-Euskadi— FVEM patronalarekin. 2013ko uztailaren 7an berritu gabe zeuden lan hitzarmenak indarrik gabe geratu ziren, urtebete lehenago sinatu zen lan erreformak hala biltzen zuelako. Eta, epemuga hori baino lehen, itun berri bat sinatzeko ahalegina egin zuten CCOOk, LABek eta UGTk patronalarekin. Eusko Jaurlaritza ere sartu zen auzian, baina akordiorik ez zen lortu.

Urtebete igarotzera doa orduz geroztik, eta epaitegiek gero eta zeresan handiagoa hartu dute hitzarmenen auzian. Baita metalekoan ere. Hain zuzen ere, sindikatu guztiek adostu zuten 2001-2003 urte arteko hitzarmenak gaur egun oraindik indarrean jarraitu behar zuela ebatzi zuen EAEko Auzitegi Nagusiak urte honetako martxoaren 18an. Bestetik, Bilboko merkataritza arloko epaitegiak esan zuen CCOOk eta UGTk hitzartutako 2008-2011 arteko itunak indarrean jarraitzen zuela. Joan den aste hasieran, ordea, EAEko Auzitegi Nagusiak patronalaren alde egin zuen. Sindikatu biek helegitea jarri diote azken ebazpenari. Edozelan ere, une honetan Bizkaian lurralde mailako bi hitzarmen daude indarrean.

Hitzarmenen gorabeherak epaitegietan bukatu beharrean, negoziazio mahaietara itzultzeko proposamena egin zuen maiatzean UGT-Euskadi sindikatuak Bizkai, Gipuzkoa eta Araban. Orain arte, bi aldiz batzartu dira Bizkaiko eragileak, baina jarrera denak ezberdinak dira. Hori bai, sindikatuak bat datoz patronalaren proposamena gehiegizkoa dela. Izan ere, enpresek langileen lanorduak aldatu ahal izateko 250 orduko bermea eskatzen du FVEMek, soldata igoerarik ez proposatzeaz gain. Horren aurrean, sindikatuek ez daukate mobilizazio agenda bateraturik, ezta proposamen bateraturik ere. Datorren asteartean bilduko dira lau sindikatuak patronalarekin, baina inor gutxik espero du aurrerapausorik negoziazioetan.

droga mendekoDrogen zaintzapeko kontsumo gela 2003an zabaldu zenetik 3.000 erabiltzaile izan ditu lokalak.450 heriotza ekidin. Kontsumo gelako langileen arabera, 450 heriotza eragotzi dira, ihesaren transmisioa ere apalduz.

La Llamada antzezlana taularatuko dute bihar, Campos Eliseos antzokian. Macarena Garcia protagonista duen musikalak fedea du abiapuntu. Rock musika talde bat zuzenean ariko da ikuskizunaren zehar.Nerabezarotik heldutasunera ematen den pausoari buruzko...

Jabego publikokoa da Mendexako Marierrota eraikina, eta interpretazio zentroa da gaur egun. Azken denboraleen ondorioz, baina, itxi egin behar izan zuten, enbatek sortutako kalteak konpontzeko. Lanak amaituak dituzte, baina oraindik ez dute zabaldu.XV...

ERAKUNDE BANATZAILEAK Bizkaiko Elikagai Bankuarekin lanean dihardute 250 erakundek. Elikagai Bankuak Basaurin duen pabiloian batzen du jateko guztia, eta gero erakunde horiei banatzen die, banaketa "ahalik eta errukitsuen bihurtzeko asmoz".

Uztailaren 1erako zen epe muga, baina hilabetez gehiago egongo da zabalik. Hala ere, "malgu" jokatuko dutela argi utzi gura izan du Jagoba Zallo Munduko Medikuak gobernuz kanpoko erakundeko zuzendaritzako kideak. Bilboko Bailen kalean drogen zaintzape...