Bilboko Arrantza Eskola arrantzan zelan egin irakasten hasi zaie 5 eta 16 urte arteko gazteei. Domeketan ematen dute aukerari hori, 11:30etik 13:30era bitartean. Maiatzaren 25era arteko domeka guztietan —apirilaren 8an izan ezik— egongo da zabalik eskola.

Parte hartu gura dutenek ez dute ezer eraman behar, Bizkaiko Arrantza Federazioak eramango baititu beharrezkoak diren elementu guztiak: kainaberak, txirrikak, kirol materiala, karnata... Hogei begirale inguru izango dira bertan arrantzan irakasteko eta gazteei laguntzeko.

Arrainak harrapatu eta askatu

Flotagailuaren modalitatearekin arrantzatzen dutela jakinarazi dute antolatzaileek. Horrez gain, harrapatutako arrainak berehala uretara itzuliko dituztela azaldu dute.

Bederatzi urte daramatza zabalik eskolak. Azaldu dutenez, urtero, 1.500 gazte inguruk hartzen dute parte jarduera horretan. Parte hartzeko ez da ezer ordaindu behar, doakoa da. Eskola Bilbao Bizkaia Ur Partzuergoak antolatzen du, eta Bizkaiko Arrantza eta Casting Federazioak kudeatu, Bilboko Udalaren eta aldundiaren laguntzarekin.

Igeriketa sinkronizatuaren erakustaldi eta lehiaketa hartuko du gaur hasi eta domekara bitartean Galdakaoko Urreta kiroldegiak. Bertan egingo dute Igeriketa Sinkronizatuaren Espainiako Junior Asisa lehiaketa. 8 eta 15 urte arteko 124 igerilarik hartuk...

Bizkaiko eta, zehazki, Basauriko langileen antzinako etxeei buruzko erakusketa bat zabaldu dute Basaurin bertan, San Migel auzoan, Taberna Mayor deritzon aretoan. Hain zuzen, 1911. eta 1936. urteen artean eraikitako "etxe merkeei" buruzko erakusketa b...

Elkartasun EgunaMallabiaLodosa eta Sartagudako (Nafarroa) Ibaialde ikastolaren aldeko eguna ospatuko dute bihar Mallabian. Herriko kultur eta kirol elkarte guztiek, hainbat herritarrek eta udalak bat eginez antolatu dute biharko Elkartasun Eguna.Errib...

Negua bukatzear eta udaberria hastear dagoela, indabak eta horiek prestatzeko putxerak hainbat ekimenen oinarria bihurtuko dira Bilbon martxoan, Bilbao Historiko fundazioaren eskutik. Biharko, Bilbao Historikoren Nazioarteko Putxera Lehiaketa antolatu dute, Marzana kaian. 09:00etatik 17:00etara bitartean, han bat egingo dute putxera onena egiteko lehian parte hartu gura dutenek.

Baina indabak presente jarraituko du hiriburuan aste osoan, bihartik datorren asteko domekara bitartean Indabaren I. Astea egingo baitute Zazpikaleetan, Atxurin, Erriberan, Bilbo Zaharrean, San Frantziskon eta Zabalan. Biharko lehiaketa abiapuntu hartuta, antolatzaileen helburua da indabek auzo eta kaleotako taberna, jatetxe eta janari dendetan presentzia izatea. Bestalde, hilaren hasieratik, zabalik dago ExpoGelan —San Frantzisko kaleko 23. zenbakian— Iraganeko eta gaur egungo putxerak erakusketa. Hainbat garai, material, jatorri eta erabilerako putxerak dituzte han, zenbait artistak eginak, bisitariek hobeto ezagut dezaten janaria prestatzeko modu eta tradizio hori. Era guztietako putxerak aurki daitezke: antzinakoak eta modernoak.

Sopelako Aitxu, Getxoko Egizu eta Erandioko Berbots euskara elkarteek urteko lehenengo Berbatxangoa antolatu dute domekarako. Txango horretan, inguruko lehenengo ur azpiegituren historiari buruz hitz egingo du Artearen Historiako doktore Ainara Marti...

Berrogeita hamar txistulari inguruk bat egingo dute datorren domekan, Berrizen, Durangaldeko 57. Txistulari Eguna ospatzeko. "Gehienak Durangaldekoak dira, baina kanpokoak ere etortzen dira, gonbidatuta —Bilbo, Gasteiz, Ondarroa eta abar—. Horiek, ordea, gutxiengoa izaten dira", azaldu du Jon Aldekoa Berrizko txistulariak.

1956tik datorren ohitura horri jarraituko diote aurten ere txistulariek. Orduan, Abadiñon elkartu ziren Durangaldeko txistulariak. "Helburua jai bat ospatzea da, inguruko txistulariak batzeko", gogorarazi du Aldekoak. "Lehen, San Josef egunean ospatzen zen beti. Urte batzuetan, gobernadoreak debekatuta, ez zen egin, baina aurtengoa 57.a da", esan du, ekitaldiak sortu duen ohiturari aipamen eginez.

Berrizen, amezuatarren familia izan zen txistularien artean aitzindaria. Hori dela eta, kalejiran, haiek sortutako doinuak joko dituzte domekan. "Haiek asmatutako abestiak dira, baina ez zekiten solfeorik: aitak semeari erakusten zizkion doinuak; partiturarik ez zuten idazten. Ustez, Alejandro Aldekoak jarri zituen partituretan Amezua familiak asmatutako doinu horiek", azaldu du Jon Aldekoak.

Kalejira horretan, Balentin Lasuenenak asmatutako biribilketa doinu bat ere joko dute: Iru. "Bera ez da txistua jotzen etorriko, oso nagusia delako. Baina, berriztarra denez, haren abesti bat interpretatuko dugu", adierazi du. Gero, kontzertu bat izango da koru, baxu elektriko eta metal talde eta guzti.

Hamahiru urtean behin

Jaildi hori "ziklikoa" dela gogorarazi du Aldekoak. "Hamahiru urtean behin egokitzen zaio herri berari, urte bakoitzean Durangaldeko herri batek hartzen baitu". Berrizen, beraz, duela hamahiru urte egin zuten azkenengoz.

EGITARAUA

11:00. Amezuatarren kalejira eta Balentin Lasuenena txistulariaren Iru doinua interpretatuko dituzte.

13:00. Kontzertua San Joan Ebanjelaria elizan. Ama begira zazu, Goizian argia astian, Iturengo arotza, Isil-isilik, Alejandrona, Araban bagare, Artillero dale fuego, Herri maite eta Mendigoizaleak kantak joko dituzte. Iratxe Uribelarrea eta Eleder Iturrieta ariko dira zuzendari lanetan. Durangaldeko txistulariek, Mendibil abesbatzak, Igone Amestik, Durangaldeko metalak eta Iremiñe dantza taldeak parte hartuko dute. Gero, Erregelak izango dira eliza aurreko plazan.

Jaki berezien feriaDurangoDastamenarekin gozatzeko aukera izango da bihar Landako gunean, Durango Ardo Saltsan azokan. 11:00etatik 15:00etara eta 17:00etatik 21:00etara hainbat ardo eta jaki dastatzeko aukera izango dute bisitariek. Bosgarren urtez an...

Arkitektura gustuko duen orok huts egin ezinezko hitzordua dauka bihar Enkarterrian. Izan ere, Bizkaia eta bere etxe merkeak. Enkarterriko arkitektura izeneko erakusketari bisita egiteko azken eguna izango baitu.

Erakusketak bukaerako eguna duela aitzakiatzat hartuta, eskualdeko hainbat txokotako arkitektura ezagutzeko bisita gidatua antolatu dute Enkarterriko museoak eta Bizkaiko Batzar Nagusiek. Herri batetik besterako bidaia erosoagoa izan dadin autobusak jarri dituzte, gainera.

Gerturatutakoek ikusiko duten aurreneko tokia Sopuertan dagoen Enkarterriko museoa da. Ondoren, Zallara joango dira. Bertan, Kadagua etxe saila bisitatuko dute, bertako etxebizitza baten barrualdea ere ezagutuz. Hirugarrenik, eta Sopuertara itzuli aurretik, Gueñesetik pasatuko dira, eta bertako etxe merkeak izeneko etxebizitza sailean geratuko dira.

Bisita gidatuan parte hartu nahi duena 11:00etan Sopuertako Avellaneda auzoan egon beharko da. Goiz joatea komeni da, kopurua mugatua baita. Itzulerako bidaia, berriz, 14:00 aldera egingo dute. Bisitaldia egiteko, gutxienez hamabost pertsona bildu beharko dira, eta doakoa izango da.

Eguneroko tresnek erakartzen dute Iñigo Arregi artista arrasatearra. Horregatik, sarri askotan, ateak, leihoak, giltzak eta halako elementu arruntak dira haren eskulturen eta erliebeen protagonistak. Arregik sortutako lanak Durangoko Museoan daude ikusgai hilaren 25era arte.

Adituen ustez, arrasatearraren lana "indarrez betea" eta "hausnartua" da. Askok ikusten dute XX. mende hasierako euskal eskultoreen oinordeko gisa. Arregiren eskulturek Jorge Oteizaren lanekin lotura nabarmena dutela adierazi dute behin baino gehiagotan. "Bien ardura izan dira hutsa, bolumenek sortzen dituzten efektuak, betetasuna eta zuloak", adierazi du Arantza Otadui arte adituak. Oteiza miresten duenez, gaur egungo artisten eta Oteizaren eskulturen arteko zubi lana egiten du.

Hausnartzeko bidea

Arregiren arteak ikuslea xurgatu eta pentsatzera bideratzen duelakoan dago Otadui: "Iñigoren lanak aurrean dagoenaren garuna lanean jartzen du, zirrara sortzen du". Sorkuntzari esker, artelanei begira dagoen pertsonaren espiritua elikatzeko balio du. Hori dela eta, objektu zena benetako arte adierazpen bihurtzen dela dio Otaduik.