Iratxe Etxeandia, Ane Berriotxoa eta Markel Suarez argazkilari gazteek Kandela espazioa ireki dute, Zornotzan, arte zaletasunak konpartitu eta sormena garatzeko.

Zeta zinekluba sortu dute Ondarroan, igaro berri den otsailean, eta dagoeneko programazio luzea diseinatu dute. Herri txiki eta ertainentzat "erronka" bat bada ere, aukera berri moduan ikusten dute taldeko kideek.

Abrako eta Gorlizko badietan ia desagertuta dauden batelak zaharberritzen eta berreskuratzen ibiltzen dira Itxas Egurra Haizean elkarteko kideak, 2009tik.

Enkarterriko billanoa galtzeko zorian dagoen txakur arraza bat da. Arraza ez galtzeko eta etorkizuna bermatzeko, Enkarterriko Billanoen Klubak hainbat jarduera eta ekitaldi egiten ditu.

Lekitto Bedarra elkarteak elikagaiak banatzen dizkie janaria lortzeko zailtasunak dituztenei. Herriko orubeak landuz, taldeak etxeko produktuak sustatu nahi ditu, eta jakintzaren transmisioa bermatu.

Ingurugiroarekin harremanak estutzeko aukera eskaini nahi du Zintzilik Emozioen Laborategiak. Era askotako txangoak antolatuz, emozioak landu nahi dituzte, "osasunean" eta "gozamenean" oinarrituz.

Inguruko ekoizleekin sarean produzitzearen alde egiten du Hemen proiektuak. Eskulan tailerrak antolatzen dituzte Bilbon, Errondako egoitzan, pedagogikoa den artean sinisten baitute.

Txumuluxueta elkarteak hainbat jarduera egin ditu mende laurden batean: besteak beste, gazteei mitologia transmititzekoak eta Dimako memoria historikoa lantzekoak.

Ane Gabilondo, Uribarri Atxotegi eta Maider Etxegibel durangarrek osatzen dute Bagara kolektiboa. Dantza eta arte eszenikoak komunikatiboki ikertzea dute helburu.