Gaur hasiko da Musikaire jaialdia, Elorrion. Uztail osorako 11 kontzertu antolatuko ditu Arriola antzokiak; dohainik izango dira, herriko plazan eta Lariz jauregian. Jaialdiaren helburua da normalean entzuten zailak diren doinuak ekartzea, betiere adin guztietako publikoak kontuan izanda.
Urdaibaiko Guggenheim museoak 60.000 metro koadro beteko ditu eta jatetxe bi izango ditu, proiektu zirriborroaren arabera. Guggenheim Urdaibai Stop plataformak Europako Alderdi Berdera jo du proiektuaren aurkako babes eske. Ernaik deituta, manifestazioa izango da gaur, Gernika-Lumon.
Balea baten begia ikertzeko prozesua islatzen du Bilboko Itsasmuseumeko 'Balearen begia' mostrak. Zelulen argazkiak daude, mikroskopioekin handituak. Irailaren 10era arte bisitatu daiteke.
XVI. Haizetara jaialdia egingo dute, gaurtik domekara. Zortzi banda lehiatuko dira, eta beste lau gonbidatuk ere joko dute. Publikoak ere gustukoena hautatuko du.
Askotariko proposamenez beteta, XX. Zinegoak jaialdiak 50 ekintza batuko ditu Bilbon, datorren astean. Nortasun aldakorrak aldarrikatuko dituzte.
Astelehenetik domekara bitartean egingo dute Bilboko Kalealdia, kaleko arteen jaialdia. Antzerkia, dantza eta memoria historikoa uztartuko dituzte. 34 ikuskizun egongo dira; horietako hiru, euskaraz.
Euskal Herria Kantuz eguna egingo dute larunbat honetan Bilbon. Kantujira taldeetako 800 lagun pasak eman dute izena. Bai Euskarari kanpainaren 45. urteurrenari egingo diote keinu kantuetan.
Euskadiko Artxibo Historikoa 2014an inauguratu zuten, Bilbon. Eusko Jaurlaritzaren agiri eta irudiak gordetzeko sortu zen, baina hainbat enpresa, erakunde eta familiaren dohaintzak ere jaso ditu. Dena digitalizatu eta sarean jartzen dute eskuragarri.
Balmasedako La Encartada fabrika-museoak La Encartada Moda hartuko du gaur eta bihar. Jasangarritasunean ardaztu dute aurtengo aldia. Bertoko eta nazioarteko sortzaileak egongo dira.
Hamazortzi bertsolarik hartuko dute parte, Busturialdean. Ekainaren 25ean egingo dute finala.