I

Ezteietako Ozeana, uharteen

[gerri:

alboan ipini, abestu

[desagertuen eresiak niri,

zeinuak, erreka irrikatuaren

[zenbakiak…

Ikusezina entzun nahi dut,

[palmondoek

eutsitako ekinozioaren

[paliora denboratik jausi

[zena.

Eman niri silaba orok

[gordetzen duen ardo

[sekretua:

aparren joan-etorria,

[arrezifeetako itsas-pegarrera

isuritako ezti guztien

[leinuak.

(…)

XI

Ez ba, Ozeana, Hegoaldeko

[anbar txairoa,

ene arima, ez ba itzuli zure

[itsas harrira…

Itsasontzi gurean, gure

[lurrean hartu ditugu

urruneko irletako polena

[eta arraina;

adi, belarria, adi xuxurlari

[eta uhin-doinuari,

arrain galduen goizetako

[errituari, adi.

Ozeana, balizko itsasargi

[baten dorrean

zure zain zen norbait baino

[ez naiz ni;

ez da ipuin honetan zure

[itsaspeko bularrena beste

marearik igotzen gauaren

[argipean.

Bi egia baino ez sonata

[honetan ageri:

zure begi ilun biak, uretan

[zabal-zabalik.

Itzultzailea:. Harkaitz Cano