Kolore zuri-gorria ez da elastikoan soilik geratzen den zerbait. Hain da garrantzitsua Athleticeko zale askorentzat, non kaleek bere izena hartzen duten. Hori izan da Barbollan (Segovia, Gaztela eta Leon, Espainia) gertatutakoa. 140 bizilagun dituen udalerriak joan den larunbatetik izen berri bat du kale izendegian: Athletic Club kalea.

Espainian egon arren, kalearen izena euskaraz idatzi du Barbollako Udalak. Kalearen izena iragartzen duen plakak, gainera, Bilboko kaleetakoak gogorarazten ditu. Barbollaneko peñaren alboan jarri dute.