BARRIKA. Piraguismoaren nondik norakoak bertatik bertara ezagutzeko eta kirol horretan hastapeneko pausoak doan emateko aukera izango da etzi, Barrikako Piragua Taldearen eskutik. Klubaren instalazioak 10:00etatik 14:00etara zabalik egongo dira, Larretxe auzoan. Familiako kide guztiei eta 9 urtetik gorako gazteei egin diete gonbita. Uretako arropak eraman behar dituzte interesatuek.