LEMOA. Cementos Lemona enpresako langile batzordeak —ELA eta LAB sindikatuek osatzen dute— lege iruzurtzat jo du Portland Valderivas taldeko langile kopurua gutxitzeko sinatutako akordioa. Cementos Lemona talde horren barruan dago. ELAk eta LABek salatzen duten lana erregulatzeko espediente akordioa CCOOk, UGTk eta USOk sinatu zuten astelehenean. Lemoako lantegiko 34 beharginengan du eragina.

Bizkaidatz literatura saria aurkeztu zuen Bizkaiko Foru Aldundiak joan den eguaztenean. Bi idazlek euskaraz eta gaztelaniaz hasi dituzten kontakizunei jarraipena ematean datza sariketa. Euskarazko kontakizuna Goizalde Landabasok hasi du, eta, gaztelan...

Herrietan eta etxeetan sortzen diren hondakinek gero eta kezka handiagoa sortzen dute garaiotan. Ahalik eta zabor gehien birziklatu nahi da, baina, orain arte, material organikoaren alorrean ezer gutxi egin da. Durangaldeko bi herritan, Izurtzan eta Mañarian, konpostatzearekin lotutako esperientzia bat jarriko dute martxan. Hain zuzen, norberak bere etxean konposta egiteko proiektu bat abiatu dute. Eta, arduradunen berbetan, arrakasta izan du herritarren artean.

Mañarian, konposta egiteko hogei aparatu eskaini ditu udalak, eta hogei familia aurkeztu dira horiek jasotzeko. Orain arteko emaitzarekin, beraz, "oso pozik" azaldu da Mari Pui Inzunza Kultura eta Agenda Lokaleko arduraduna.

"Bakoitzak etxean dauzkanhondakinak nola edo hala birziklatzea da helburua", adierazi du Inzunzak. Esperientzia horretan parte hartu nahi zutenek izena emateko epe bat jarrita egon da, eta eskaintzen zituzten aparatu guztiak hartzeko beste lagun apuntatu dira. "Ikastaro bat ere eman dugu, konpostatzea zelan egin behar duten azaltzeko", esan du udaleko ordezkariak.

"Orain, konposta egiteko makinak banatzen hasiko gara etxez etxe. Horrez gain, Azterlan enpresak jarraipena egingo du, erabiltzailez erabiltzaile, lehen urtean. Arazorik sortzen den edo jendeak konposta ondo egiten duen aztertuko dute, besteak beste. Baita esperientzia behar bezala ez badoa zelan hobetu ere", adierazi du.

Konposta, azkarrago

Makina kutxatxo bat da, eta horri buelta emateko tramankulutxo bat ere badaukala azaldu du Mañariko Udaleko Kultura eta Agenda Lokaleko arduradunak. "Konpostatzearen emaitzak ikusteko denbora asko behar denez, jendeak emaitzak azkarrago ikus ditzan —animatzeko modu bat ere izango da hori— prozesua azkartzen duen produktu bat ere emango zaie parte hartzen duten guztiei".

Birziklatzeko kopuruei dagokienez, helburu zehatzik ez du ezarri udalak. "Zenbakirik ez dugu finkatu. Hori bai, konposta egiteko makinak dituzten etxeetan aztertu egingo dugu lehenago zenbat zabor ateratzen zuten kontainerretara eta konpostatzearen bitartez zenbat gutxitu den", azaldu du Inzunzak.

Emaitzak zer-nolakoak diren ikusi behar dute oraingoz, baina udalean pozik daude orain arteko erantzunarekin. "Ikastaroan ere jendea oso gustura egon zen, parte hartu zuen; beraz, oraingoz, oso pozik gaude", adierazi du ordezkariak.

Ikastaroak eta materiala

Mañarian bezala, Izurtzako Udalak ere materia organikoa birziklatzeko esperientzia horren aldeko apustua egin du. Joan den eguaztenean izan ziren Azterlaneko teknikariak udaletxean, batetik, ikastaroak emateko, eta, bestetik, konposta egiteko materiala banatzeko.

Datorren astean jarriko dute martxan proiektua. Horretarako, parte hartuko duten familiei konposta zelan egin behar duten azaldu diete: prozesua zelan gauzatzen den, konposta egiteko makina zelan muntatzen den eta zeintzuk hondakin eta zelan bota behar dituzten aparatu horretara azaldu zieten, besteak beste, batzarrean.

Proiektu horretan parte hartzen duten herritarrek zalantzaren bat baldin badaukate, gainera, telefono zenbaki bat izango dute euren esku, galderak argitzeko.

Azterlaneko teknikariak abenduan eta urtarrilean ariko dira, etxez etxe, konposta zelan egiten duten aztertzen. Zer hobetu daitekeen ere jakinaraziko diete proiektuan parte hartzen duten familiei.

Mañarian zein Izurtzan esperientzia horretan parte hartzen duten herritarrek euren zaborrak jaso eta ongarriak etxean bertan egiteko aukera izango dute, beraz. Proiektua Bizkaiko Foru Aldundiak emandako diru laguntza batekin jarri dute martxan herri bietan.

Espainiako Kontuen Epaitegiaren arabera, Bizkaiko Foru Aldundiak ez zien inongo kalterik egin funts publikoei Karrantzan mindak tratatzeko instalazioa eraikitzeko proiekturako bi milioi euroko diru laguntza onartu eta ordaintzeagatik. Hala iragarri du Irene Pardo Nekazaritza foru ahaldunak, Bizkaiko Batzar Nagusietako Ingurumen eta Nekazaritza Batzordearen aurrean egin duen agerraldian.

Pardoren esanetan, "ez da sortu inolako kontabilitate erantzukizunik, funts publikoei ez baitie ekarri ez eraginik, ezta kalterik ere. Hala esan du epaitegiak, gainera". Horrez gain, Nekazaritza Sailak azaldu du emandako bi milioi euroko diru laguntzak bueltatzeko eskaera egin duela. Horretarako, 5/2005 foru arauaren 33.1.b artikuluaren babesa duela deritzo foru ahaldunak, "proiektuaren helburuaren atal bat edo berau oso-osorik gauzatu ezean aukera hori jasotzen duelako".

2007tik bueltaka

Pardok Karrantzako minda plantarekin gertatutakoa ekarri du gogora eguazteneko agerraldian. 2007ko otsailaren 19an Eusko Jaurlaritzak, Karrantza Haraneko Nekazari Elkartuak izeneko elkarte kooperatiboak, Karrantzako Minda S. L. enpresak eta Bizkaiko Foru Aldundiak haraneko hondakin organikoak kudeatu, tratatu eta baloratzeko eta bertako ingurumena leheneratzeko asmoen protokoloa sinatu zuten, herri horretako abereen gorotzen arazoari irtenbide bat emateko asmoz.

Diputatuak zehaztu duenez, Nekazaritza Sailak konpromiso bakarra hartu zuen. Hain justu, aurrekontuan bi milioi euro jarriko zituen udalerrian mindak tratatzeko instalazioa eraikitzeko proiektuaren formula babesteko. Pardoren esanetan, Nekazaritza Batzordeak berak eskatu zion sailari laguntzak emateko izapideak arindu zitzala, premiazkoa zela argudiatuta. Horren aurrean, Nekazaritza Sailak 2008ko abenduaren 8ko Gobernu Kontseiluari proposatu zion bi milioi euroko diru laguntza ematea.

Bi urtean, foru aldundiko Gobernu Kontseiluak erabakitakoaren arabera ordaindu ziren diru laguntzak, Nekazaritza Garatzeko Zerbitzuak aldeko txostena eman ondoren. Pardok adierazi du Nekazaritza Sailak, Nekazaritza Garatzeko Zerbitzuaren bitartez, laguntzaren jarraipena egin zuela. Diru laguntza emateko eta ordaintzeko erabakiaren baldintzak betetzen zirela ondorioztatu zuen organu horrek.

Foru aginduan ezarritakoaren eta Nekazaritza Garatzeko Zerbitzuak egindako azterketaren arabera, egiaztatu da diruz lagundutako inbertsioak gauzatzeko erritmoak ez zuela bermatzen diru laguntzaren helburua beteko zenik. Horrexegatik tramitatu da, orain, laguntzok itzultzeko espedientea.

Bildu eta PP alderdiek eskatuta egin du agerraldia Pardok. Diru laguntzok berreskuratzeko ekin eta ekin egin behar duela adierazi dio foru aldundiari PPko Arturo Aldekoak, eta gehitu du Karrantzan gertatutakoa ezin daitekeela errepikatu.

Bilduk, bestalde, erantzukizuna leporatu dio foru aldundiari. Zenbait pertsona eta enpresaren poltsikoak aberasten lagundu duela leporatu dio Aitor Torrek foru gobernuari. "Kudeaketa txarrak doan ateratzera ohitu gara", esan du. PSEko bozeramaile Iñaki Egañaren ustez, "eskandalua da" minda plantaren eraikuntzaren gaineko kontrola pertsona bakar baten eskuetan utzi izana.

BILBO. Premioumfest festaren agertoki bihurtuko da Bilbo azaroan. Hain zuzen, aukerako produktuen nazioarteko industriaren jaialdia egingo dute han azaroaren 8tik 10era bitartean. Hainbat tailer eta pasarela izango dira jaialdian parte hartuko duten 5...

Erralde hiltegiaren itxierak atzera bueltarik ez dauka. Ahaleginak ahalegin, Erralde elkarte publikoa desegitea erabaki zuten joan den astean hura osatzen zuten hamabost udaletako ordezkariek. Egoera lar zaila dela iritzita hartu zuten erabakia.Mikel ...

Dimako Udalaren egoera ekonomikoa "larria" dela ohartarazi du hango alkate Rafa Ugaldek. Joan den martitzenean egin zuen iragarpena prentsaurrekoan. Egoera hori zailtzen duten zenbait faktore ere aipatu ditu. Batetik, esan du foru aldundiak finantza a...

Auzoaren lekuko" izateaz gain, "bertako zaharrena" ere bada Zaratamoko Burbustu auzoan dagoen haritza. Laurehundik gora urte dauzka eta bertako bizilagunek Aldundiak Bizkaiko arbola bereizi izendapena eman diezaion nahi dute. Horretarako, lanean hasi ...

Bizkaibus eta Bilbobus autobus zerbitzuetako kioskoen etorkizuna kolokan dagoela salatu dute UGT sindikatuak eta Bildu koalizioak. Barik txartela martxa jarrita, arrisku hori ikusten dute. Bizkaibusen 42 kiosko daude herrialde osoan banatuta, eta Bilb...

Bi urterekin iritsi zen Fatima Elkhalloufi (Maroko, 1983) Bizkaira. Bertatik bertara ezagutzen du zer esan nahi duen norberaren herrialdea utzi beharrak. Eta ikastetxeetan kultura artekotasuna eta errespetua lantzen ari da, Biltzen integrazio eta elk...