Lan kontuak direla-eta hegaldi asko egin ditut azken hilabetean: Dublin, New York, Minneapolis, Madril, Boise, San Frantzisko, Bakersfield... Autoan inoiz zorabiatzen ez den horietakoa izanik, arraroa bada ere, mareatu egiten naiz hegaldietan eta lozo...

• BECek iaz sortutako milioi euroak. BECek iaz burututako jardunak 72,05 milioi euro sortu zituen. 2.284 erakusle eta 1.026.820 bisitari izan zituen.

Hilabete da Iñaki Lejarreta Berrizko txirrindularia auto batek harrapatuta hil zenetik. Haren senide eta lagunek joan den asteburuan beste omenaldi bat egin nahi izan diote. Horretarako, Lejarretak diseinatutako mendi bide batean gora abiatu ziren hainbat eta hainbat txirrindulari. Domekan hotza zen nagusi inguruetan, baina Berrizera joandakoek ez zuten atzera egin. Agurra dantzatuz eman zioten hasiera saioari, eta ostean hasi zuten Oizerako martxa.

Bakioko Udalak aldundiari eskatu dion bost milioi euroko maileguaren aurkako protesta egin zuten joan den domekan 200 lagun inguruk. Eltzeak eskuan, Bakiok bizi behar du leloa zuen pankartaren atzean egin zuten mailegu eskaera horren aurkako aldarrika...

• Etzi Gernika-Lumon omenduko dituzten beharginak. Gernikako Tailerretan eta Astra lantegian lanean aritutako 2.000 behargin ingururi omenaldia egingo diete etzi Gernika-Lumon.

• Iaz Bilbon abandonatu ondoren aurkitutako txakurrak. Bilboko Udalak txakurrak ez abandonatzeko kanpaina abiatu du Gabonei begira. Iaz 530 aurkitu zituzten kalean, eta horietatik %54k ez zeramaten txipik. Aurkitutako erdiak euren jabeei bueltatu zizkieten.

Maddi hipnotizaturik gelditzen da Gabonetako opariak agertzen diren telebistako iragarkiei begira. Maddik lau urte baino ez ditu, eta, bere gurasoen desesperaziorako, ezin da bost minutu geldi egon. Telebistan Gabonetako iragarkiak botatzen dituztenea...

Iñigo Cabacas gaztea Ertzaintzaren pilotakada baten ondorioz hil zenetik zortzi hilabete bete direla, haren lagunek eta senideek elkarretaratzea egin dute, gazteari omenaldia egiteko. Asteburuan egin zuten elkarretaratzean, "justizia" aldarrikatu zuten bertaratutakoek. Heriotza hura oraingoz argitu gabe ez dagoen honetan, Rodolfo Ares Herrizaingo sailburu ohiak "zuhurtzia" eskatu dio Iñigo Lamarca arartekoari, eta gaineratu du afera hori ez dela haren eskumena .

• Eskolaz kanpoko euskarazko jarduetarako dirua, Getxon. Getxoko Udalak 40.000 euroko dirulaguntzak onartu ditu euskara bultzatzea helburu duten eskolaz kanpoko jardueretarako. Jarudera horiek ikastetxeetan eta gurasoen elkarteek antolatutakoak izango dira.

Din-dan-don, din-dan-don! Eguberri on eta Zorion! Ziutateko karrikak, gauez ere, argitsuak dira asteotan. Bilboko Kale Nagusian, gaueko zortzietan, dena da kolore, irri, gaztaina usain eta melodia. Gabon kantak entzuten dira El Corte Inglés, Zara, Sphera eta Pull & Bear-eko enbaxadetako erakusleihoetatik. Baina doinurik ederrena Banco Santander-en sukurtsaletik dator. Emakume ahots gozo batek ingelesez, gazteleraz, italieraz eta euskaraz epeltzen dizkigu barneak, sentimendurik onena tonalitate desberdinetan gure baitan piztuz: love, maitasuna, amorea.

Baina ahotsa ez da Santanderrek jarria. Immigrante baten ahots gozoa da. Eztia. Bere azal-hezurrak hotzak ikaratuta dituela, geure barneak epeltzen saiatzen da banku horrek bere egin duen Moyua plazako izkinetako batetik. Bere aurretik pasatzen gara denak, ordutegi malguagoa duten enbaxadek kobratu diguten zorion fashionable-a poltsetan daramagula, pozarren. Eta hurbil dagoen nerabe batek barre egin du gure atzerritarrak bere euskara ederrean (ba al da euskara ez-ederrik?) Hator, hator abesten hasi denean. "¡Y en euskera también, tú!", konpartitu du gogoeta neskalagunarekin gure gazteak. Bitartean, etorkinaren gabon kantak jarraitzen digu gaua geuretzen. Geuretzen, bai, Zarak Merry christmas-ak opa dizkigulako.

Hau guztia lagun bat itxaroten nengoela ikusi nuen. Eta izugarria iruditzen zait irudia. Miguel Brievaren ilustrazio bat ematen du: dena da gehiegikeria kapitalista, eta barre egiten dugu pertsonaien bizitza neurribakoekin. Baina barrea, lagun batek esan zidan legetxe, eztarrian trabatzen zaigu, geure inkontzientea konturatzen denean txotxongilo horiek geu garela. Brievaren binetak ispiluak dira.

Egunotako erosketak mustur aurretik ibiltzen dizkiegu geure txiroei, geure bankuen itzalpe hotzetan kantatzen diguten horiei. Gabonetako opariak eta Gabonetako pariak. Errebaletan immigranteak daude izkinetan; erdigunean bankuak eta multinazionalak. Denek gura dute ahalik eta gehien kontrolpean izan, baina batzuk ematen dute eta besteak kendu. Batzuk geurera hurbiltzen saiatzen dira eta besteak gu beraienera erakartzen. Baina zein zaigu arrotzagoa? Zeini egiten diogu jaramon eta zeini ez ikusiarena?

Bi euro bota dizkiot saskira geure abeslariari. "Grasias", eta lanean jarraitu du. Ez! Eskerrak zuri, joder! Eta abesten diguzun amore horretatik pixkatxo bat zeuretzat ere gera dadila. Ez eman amore.