• Lehen hiruhilekoan Bizkaian sortu diren enpresak berriak. 2013ko lehen hiruhilekoan 504 enpresa sortu dira Bizkaian. Iazko garai berean baino 36 gutxiago izan dira. %82 zerbitzuen alorrean sortu dira.

• Bizkaiko Caritasek eskatu dituen etxebizitzak. Bizkaiko Caritasek etxebizitza hutsak eskatu ditu, doan edo alokairu sozialaren truke. Mila inguru beharko lituztekeela azaldu dute erakundeko ordezkariek, 4.000 pertsona ingururi aterpe duina eman ahal izateko.

Domeka arrastietan —Bilbo ezagutzen ez duenak ez du zertan jakin— munstro bat bizi da kaleetan. Ez ezazu barrerik egin, egia da eta. Munstro isil eta ikusezina da. Munstroa, baina. Milaka eta milaka biztanledun hiria —bai, Bilboz ari naiz— ahitu egiten da apurtxu bat. Domeka arratsaldeetan. Jendea beldur da. Jendea beldur denez, ez da etxetik ateratzen. Hustasun nabarmena eragiten du horrek. Bazkalostetik gorakoa izan ohi da; munstroaren tempo-a. Zazpiak, zortziak aldera basamortu bilakatzen dira kaleak. Lastozko gurpil zoroak baleude western batean gaudela pentsatuko nuke. Bilbo baino ez da. Igandeko azken orduak baino ez dira. Norberaren zapata-hotsak entzuten dira ozen. Bakartasun horretan zoazela beste norbaitekin egin zenezake topo. Bai. Seguruen, ez duzu ezagutuko. Eta ezagutuko bazenu ere, etxean amaituko zenuke. Zurean, edo berean. Zergatik? Tabernariak eta dendariak direlako beldurrik gehien dutenak, eta ez dute komertziorik zabaltzen. Bestetik, zertarako? Bizilagun guztiak etxeko gozoan kikilduta baitaude. Munstroa ez da ikusten, sentitzen da soilik. Badut lagun bat deprimitu egiten dena igande arrastietan. Hori esaten du. Nik, ordea, badakit gezurra dela. Izan ere, ez dizut esan, irakurle maitea, baina munstroarenganako beldurra ez da aitortzeko kontua. Telebista zaborra kontsumitzea edota irakurtzeko gogo txikia aitortzen ez diren bezala. Kale batzuetatik dabiltzan turista eta atzerritarrak harrituta daude. Norbait hil ote den galdetu didate. Ezetz esan diet, hau domeka arrastietako kontua dela. Ez diet munstroaz ezer esan, iruditu zitzaidan turista gehiegi erakar litzakeela kaleetan dabilen munstroaren kontuak. Atera kontuak zer izango litzatekeen! Gero eta turista gehiagoren etorrerak kaleak hustuko lituzke, eta dena tabernak eta dendak zarratzen dituen munstroa ezagutzeko asmoz. Eta agian okerrago zatekeen, alegia; agintariek pentsa lezakete: "Eta larunbatetan ere itxiarazten baditugu dendak, eta, hortaz, hustu kaleak, munstroa aterarazi?". Eta pentsatuko balute, "zergatik ez zarratu hiria eta munstroari asteko zazpi egunetan bide egin?". Turismoaren alde, betiere. Beldur naiz ni ere bai. Beldur naiz ez ote dituzten lastozko gurpil zoroak atrezzo gisa ekarriko. Zer egin genezakeen? Adorea. Ausardia. Kuraia. Kemena. Okupa ditzagun hiriko kaleak domeka arratsaldeetan!

Durango bonbardatu zutenetik 76 urte bete ziren domekan. Gerediaga elkarteak, Kriskitin dantza taldeak eta Durangoko Udalak oroimen ekitaldia egin zuten, Andra Mari elizpean, urtero legean. Aurtengoan erbestera ihes egin behar izan zuten umeak eta gerra sasoian frankismoak jazarritako maisu eta maistrak izan dituzte bereziki gogoan. Aurretik, goizean, 1936ko gerran hildako durangarrak gogoratu zituzten hilerrian egindako ekitaldi ofizialean —irudian—.

Bolo-bolo dabilen berba da escrache. Aspaldi aspaldikoa omen. Biniloekin zerikusia duen zeozer izango zela pentsatu nuen hasieran, eta norbait diskoteka piuragaz irudikatzen nuen. Plastiko beltz distiratsua, kapel cool bat eta atzamarrekin keinuka. Ye...

• Martxoan lana galdu duten bizkaitarrak. 100.399 langabeturekin bukatu da martxoa Bizkaian. Izan ere, bukatu berri den hilean 1.183 bizkaitarrek galdu dute lana. Iazko martxotik aurtengora, 9.344k galdu dute.

• Pazko asteleheneko hegaldien jaitsiera Loiun, iaztik. Pazko astelehena izaten da Loiuko aireportuan bidaiari gehien igarotzen den eguna. Iaz, 17.500 lagun aireratu ziren edo lurreratu ziren. Aurten, berriz, %20 gutxiago izan dira.

• Bilbobusen erabiltzaileak, egunero. 2012ko lanegunetan 85.955 lagunek baliatu zuten Bizkaibus, batez beste. Halere, aurreko urtearekin alderatuta, %2,88ko beherakada izan zuten autobuson erabilerak. Hiriburu osoan 481 geltoki daude: bilbotarren %95ek badute bat 250 metrora edo gutxiagora.

Hizkuntza gutxituen biziraupenaz badakigu euskaldunok zerbait; plaza horretan bai, plaza horretan eserleku onenak ditugu gertatzen dena gertutik ikusteko. Askotan boxeo konbate batean lehen lerroan esertzen direnak legez, borrokaren izerdi eta odol ta...

• Trapagarango hondakinak, tonatan. Etxeko hondakinak murrizteko kanpaina abiatu du Trapagarango Udalak. Biztanle bakoitzak 1,1 kilo zabor sortzen du egunero, Bizkaiko batez bestekotik gora. Guztira, 5.000 tona hondakin sortzen da urtean.