105 urte bete ditu asteon Basurtuko Unibertsitate Ospitaleak. Asteazkenean, azaroaren 13an bete zuen, hain zuzen, urteurren hori. Bilboko bizilagunen donazioen bidez eraiki zuten ospitalea. 1908an inauguratu zen. 1992an, Osakidetzara sartu zen. 2013-2...

• Txorierriko lasterbidea handitzeko onartu diren milioiak. Txorierriko eskuineko galtzadaren edukiera handitzeko 42 milioi inbertituko ditu aldundiak. Kukularrako loturaren aurretik hasi eta Asua-Enekuri lotura arteko zatia handituko da.

Ez da gauza bera neskek belarritakoak eramatea eta tatuaje bat egitea". Kontu zaharra da, ohikoa amarentzat neskek belarritakoak eramatea eta, egia esan, ez zaio arrazoia falta. Betiko kontua da, aspaldikoa bai behintzat. Eta gaur egunean mutilek ere daramatzate, eta inork ez du inor arraro begiratuko horregatik, lehen gertatu bezala, kontu berria zenean bezala.

Behin baino gehiagotan hitz egin dugu honi buruz etxean: arrakadak, piercingak, tatuajeak… Eta zinez geure ama modernoa dela, irekia dela belaunaldi berrien egiteko moduekin, pentsamoldeekin, bizitzeko erekin… Baina berak botatako esaldi hori etorri zitzaidan gogora aurrekoan, gaia jorratzen duen Idurre Eskisabelen Itxaron gelan zutabea irakurri nuenean. Eta amaren esaldiaren atzetik, tropelean, tatuajeen inguruan entzuten diren guztiak: esaldi tipikoak, estigma topikoak, gogoeta interesgarriak ere tarteko, baina guztiak gaitz berarekin: markak neurgailu desberdinekin epaitzeko ajea.

Badaukat balet dantzari profesionala den lagun bat eta esango nuke ordu gehiago eman dituela puntak jantzita oinetako normalekin baino. Horrela ditu oinak, minduta eta oinen edertasun kanonetik urrun. Baina balet dantzariei estatus bat ematen die gizarteak eta onartzen dizkie estigmak. Eta amatxi masajista izan zen urteetan zehar eta horrela ditu eskuak: artritisak jota, tendoiak hantuta eta atzamarrak kaskailduta. Lanbidearen ajeak.

Ez ditut maila berean jartzen lanak utzitako markak eta, nahita, geure buruari eragindakoak, ez baitira gauza bera. Baina betikotasunaren itzalak iluntzen ditu biak ala biak: tatuajeez ari garenean beti agertzen den betikotasunaren mamua. Halere betiko markak utziko dizkiguten erabakiak hartzen ditugu egunero: erretzea ala ez, edatea ala ez, orojalea ala begetarianoa izatea. Onuragarriagoak zein kaltegarriagoak izan, erabaki guztiek uzten dute betirako markarik.

"Eta zahartzaroan, azala biguntzen denean zer?", galdera tipiko eta topikoa. Bada, tintaz zikindutako azal eroria izango da, Gorbatxoven orbanaren antza izango duena agian. Eta horrekin joango naiz hondartzara, bilobekin espero dut. Baina eurek ez dute galdetuko aititek zergatik duen beso erdia beltz-urdinxka eta beste erdia beilegi, aitite betidanik izango delako horrela. Betidanik. Ohiko. Zahar. Ze hurbil dauden ohiko eta ezohiko, zahar eta berri, antonimo diren neurrian. Tatuajeak daramatzatenak eta ez daramatzatenak bezain hurbil. Ez daramatzatenek ikusi nahi ez duten arren.

• Foru aldundiak Edesari emango dizkion milioiak. Jose Luis Bilbao ahaldun nagusiak hiru milioi hitzeman dizkio Fagorren zuzendaritzari, Basauriko Edesa fabrika hartzekodunen konkurtsotik ateratzeko.

Urtebete beteko da bihar etxetik kaleratzera zihoazela Amaia Egaña Barakaldoko bizilagunak bere buruaz beste egin zuenetik. Herriko hainbat gizarte eragilek eta sindikatuk gogora ekarri nahi izan dute egoerak ez duela hobera egin; aitzitik, "berbera edo okerragoa" dela. Horregatik, Caixaren sukurtsal bat okupatu zuten astelehenean —kaleratzea egin zuen bankua—. Bestalde, elkarretaratzera deitu dute gaurko, 19:30ean, Barakaldoko Justizia Jauregian.

Imanol Ieregi eta Ariane Otxoa —irudian— nagusitu ziren joan den asteburuan lehiatu zen Euskaltel Euskal Herriko Surf Txapelketan. Bakioko olatuetan batak zein besteak erakutsitako abileziak eman zieten garaipena. Gipuzkoako eta Bizkaiko surflari onenek zeukaten ordua jarrita bertan. Azkenean, emakumezkoen kategorian, bizkaitar bat nagusitu zen; gizonezkoenean, gipuzkoar bat. Asteburuko olatu onak eta hego haizea lagun izan zituztela azaldu dute antolatzaileek.

Ana Maria Matute elkarrizketatu nuen behin. Irabazi berria zuen Cervantes literatura sari ospetsua, eta Bilbora etorria zen beste sari askoz txikiago bat jasotzera.[...] Idazlearen prentsaurrekora joan nintzen andre hura zelakoa ote zen jakin guran. E...

• Zainduz programari aldundiak emango diona, eurotan. Menpekotasuna dutenak etxean jagoteko Zainduz programa Durangalde, Galdakao eta Barakaldon mantentzeko 47.000 euro onartu ditu aldundiak.

• Durangaldeko Lanerako Prestakuntza Zentroan emakumeen beherakada. Durango Merinaldeko Mankomunitateak duen Lanerako Prestakuntza Zentroan behera egin du andreen izen emateak. Hain zuzen ere, aurreko ikasturtean baino %18 gutxiago daude orain.

Laurogeita hamargarren hamarkadan famatu egin zen La ruta del bakalau; bozgorailuetatik musika teknoa topera entzuten zen, gazteak ostegunean kotxean sartu eta diskoteka batetik bestera joaten ziren igandera arte. Musikaz, alkoholaz eta drogez bustita...