OROZKO. San Antolin jaiak bukatzear dira Orozkon. Gaur Umeen Eguna ospatuko dute. 10:00etatik aurrera, pintura lehiaketa izango dute, eta, gero, haurrentzako parkea. Herri bazkaria eta Xaiborren ikuskizuna ere prestatu dituzte haientzat. Mozorro lehia...

AUTO SALMENTEN IGOERA2014ko lehen zortzi hiletan %16,8 igo da Bizkaian autoen salmenta. Saltzaileen ustez, egoera ekonomikoa hobetzeak lagundu du.Beherakada. Abuztuan %9,8 gutxitu dira matrikulazioak Bizkaian.

Bukatu berri da Bilboko Aste Nagusia. Hamar gaueko astea posible egiten duten guztiei zoriontzeko gogoa izan dut. Azken urteetan ezin, baina aurten bai, plazak eta kaleak betetzen ibili gara, eguna eta gaua biziz, momentu oro aprobetxatzeko nahian. Ha...

Uztailean eta abuztuan beti ibiltzen dira larri. Baina, aurten, abuztuaren lehen hamabostaldian, are estuago sentitu dira. Donejakue Bidearen Lagunen Bizkaiko Elkarteak kudeatzen dituen sei aterpetxeetan ez dute behar beste leku izan bi aste horietan jasotako ohe eskaera guztiei erantzuna emateko. "Pobeñakoan [Muskiz] aterpetxe barruan baino jende gehiago izan dugu kanpoan lo", ekarri du gogora Juan Jose Mateu elkarteko kideak. Ostatu arloaz arduratzen da. Elkartea irabazi asmorik bakoa da, eta boluntario bidez lan egiten dute. Galiziara bidean Bizkaitik igarotzen diren erromesei doan ematen diete aterpea, "borondatearen truke".

Aitortu du euren arazoa jendea hartzeko gaitasuna mugatua izatea dela. "Daukagun lekua daukagu, eta jende gehiago badator, ezin dugu ezer egin". Azken urteetan, erromesen kopuruan gorakada nabaritzen ari dira. "Iaz, 15.200 laguni eman genien aterpe Bizkai osoan. 2012. urtean, berriz, 13.000 izan ziren. 2.000ka igotzen ari da. Aurten, daborduko, 13.000 pasatxo izan dira, eta espero dugu iraila bukatzerako iazko marka gainditzea, nahiz eta behin abuztua pasata apur bat moteldu egiten den kontua. Bilakaera ikusita, datorren urtean are gehiago izatea espero dugu".

Mateuren esanetan, 2000. urtean hasi zen indarra hartzen kostaldeko bidea deritzona. Administrazioek lan handia egin dutela dio, ezagutzera emateko eta sustatzeko orduan. "Turismo kanpainetan, gidetan, hedabideetan... Beti dute ahotan Donejakue bidea. Eta hori oso ondo dago. Baina jendea etortzea nahi baduzu, horretarako prest egon behar duzu". Hau da, publizitate arloan egindako lana "sekulakoa" izan dela iruditzen zaio. Baina ohartarazi du erromesentzako azpiegituretan ez dela "behar beste" inbertitu. "Gure elkartea asko laguntzen dute; hori aitortu behar diegu. Baina aterpetxeen beharrari ez diote erreparatu. Datozenek non egingo dute lo? Parkean? Kutxa automatiko batean? Erromesak ez du besterik gura: aterpea lo egin ahal izateko. Askotan oherik ez badute ere ez die leba".

Elkarteak zabaldu duen azken aterpetxea Gernika-Lumokoa da. "Udalek lokal bat uzten digute denbora tarte baterako, eta gu oheak jartzeaz eta kudeatzeaz arduratzen gara. Normalean ikastetxeak izaten dira". Hori da Busturialdekoaren kasua ere. Allende Salazar eskola publikoaren kiroldegian ipini zuten estreinakoz duela hiru urte. "Udalek mantentze lanak egiteko aprobetxatzen dituzte opor hilabeteak. Beraz, hasieran hamabost egunerako baino ez ziguten utzi. Aurten, abuztu osorako baimena lortu dugu". 35 ohe ipini dituzte, eta gauero bete dira. "Aurten ondo portatu garela uste badute, agian datorren urtean bi hilabeterako baimena ematea erabakiko dute", esan du itxaropentsu.

Maiatz hasieran ekiten diote denboraldiari. Orduan zabaltzen dituzte Markina-Xemeingo eta Pobeñako aterpetxeak. Lezamakoa ekainetik aurrera egoten da irekita. Portugaletekoa, berriz, uztailean eta abuztuan bakarrik. Izan ere, lokal guztiek beste erabilera bat izaten dute urtean zehar. Salbuespena Bilbokoa da. Altamira auzoko eskola zaharren egoitza eman zien udalak. Hartara, urte osoan izan dezakete erromesak hartzeko prest. Eta, bide batez, beste aterpetxeetan jarriko dituzten oheak eta enparauak gordetzeko biltegia ere bertan dute atondua. "Egokiena horixe izango litzateke herri guztietan: beharra dagoen aldiro erabil daitekeen leku bat izatea eskura". Urtero egiten duten legez, urtarrilean berriro joko dute udaletara, 2015eko kanpainan aterpetxea jartzeko baimen eske. "Ea urterik urtera eskaintza handitzeko aukera dugun. Erromesen mesederako izango da".

Gero eta gehiago dira gurtzeruetan Bilboko Portuak Getxon duen kaira iristen diren bidaiariak. Joan den maiatzean, berbarako, markak hautsi ziren. Horregatik, Getxoko Udalak itsasoz iritsiko diren turistentzako autobusa ipintzea erabaki du. Doako zerb...

Ferixa Nagusikoak iritsi dira Elorriora. Hasiera ofiziala bihar arte egingo ez bada ere, aukeren azoka antolatu du Merkatarien Elkarteak gaur, elizpean. Bigarren eskuko produktuak, artisautza elementuak zein trukerako denetariko gauzak aurkituko dituz...

GETXOKO ARGAZKILARITZA JAIALDIKO ARGAZKILARIAK Borrokei buruz duten ikuspegia erakusten duten nazioarteko hogei argazkilariren lanak daude Getxon, Getxophoto nazioarteko argazkilaritza jaialdiaren barruan. Irudiok leku publikoetan daude, edonork ikust...

BARAKALDO. Astelehen goizean, 49 urteko barakaldar bat hil zen Bilbon, lanean. Barakaldo eta Bilboko udalek eta sindikatuek hainbat elkarretaratze deitu dituzte. Eguaztenean, Barakaldoko gizarte eragileek salatu zuten heriotza, eta lan baldintzek, oro...

BILBO. Pintura, argazkia, komikia eta marketeria ardatz dituzten bederatzi erakusketa ibiltari zabaldu dituzte Expodistritoren eskutik, Bilboko zortzi udaltegitan: Abando-Barrainkua, San Ignazio-Ibarrekolanda, Otxarkoaga, Begoña, San Frantzisko, Castaños, Burtsa eta Errekaldeko udaltegietan, hain zuzen. Urtarrilaren erdi aldera arte izango dute herritarrek horiek ikustera joateko aukera.

DURANGO. Ikasturte hasiera errazteko, Durangoko Udalak eskola bonua sortu du, 3 eta 12 urte arteko umeak dituzten 2.200 familientzako. Eskolarako erropa, oinetakoak eta kirolerako arropa erosteko balioko dute 10 euroko bonuek, eta, gutxienez, 20 eurok...