Ahozko iturriek balio handiagoa hartu dute azken hamarkadetan: izan gertakariak zuzenean bizi izan dituztelako, izan xehetasun batzuen berri izateko modu bakarra direlako. Euskarazko berba eta esamolde andana biltzeko balio izan dute, baita 36ko gerran Bizkaian eraildakoen arrastoan jartzeko ere.
Bultzatu fundazioak lankidetza hitzarmena dauka Bizkaiko udalerri batzuekin, hala behar duten herritarrei material ortopedikoa emateko, elkartetik sustatzen duten Laguntza Teknikoen Bankuaren bidez.
Elikadura burujabetza eta jasangarritasuna bultzatzeko, Elikaldia egingo dute urriaren 16tik 21era, Bilbon. Kontzeptuak finkatu eta horien kontzientzia hartu nahi dute ekinaldiarekin.
Arduraz bizi ditut euskararen inguruan azkenaldian entzuten direnak. Ez da berria, baina etsigarria da behin eta berriro diskurtso bertsuak plazan entzutea; alegia, euskara inposatu egiten dela, aukeratzeko askatasuna behar dela, baina betiere gaztelaniaren mesedetan. EAEko Hezkuntza Lege berria dugu horren adibide: emaitzek erakusten dute gaur egungo ereduekin ez dela bermatzen euskararen ezagutza; baina euskarari leku...
Irailaren 21ean agertu zen gaixotasun hemorragiko epizootikoaren lehen kasua Bizkaian. Behi infektatuen %10 gaixotzen dira, eta %1 hiltzen. Ez du arriskurik gizakientzat.
Bizkaiko Foru Aldundiko eta Bilboko Udaleko suhiltzaile zerbitzuek informazio kanpaina bat abiatu dute, etxean suterik piztuz gero nola jokatu jakiteko. 28.600 kartel egin dira.
Bilboko Udalak eta Energiaren Euskal Erakundeak BilboEner sortu dute, hirian energia trantsizioa bultzatzeko.
Andres Espinosa alpinista zornotzarra jaio zenetik 120 urte bete dira. Mundu mailako hainbat lorpen izan zituen. Etzi ibilaldi batekin gogoratuko dute, haren sorterrian.
Sarea Sound System Ugaoko musikazaleen elkarteak hogei urte bete ditu aurten. Herria musikaz blaitzen du elkarteak, hilabetero antolatzen dituzte kontzertuak Jane jauregiko ganbaran. Hortik pasatu dira, besteak beste, Gorka Urbizu eta Anari. Urteurrena ospatzeko jaialdia egingo dute datorren astean..
XVIII. mendean eraiki zuten Bilboko Yohn jauregia. Haren parean dago 'txikiteroen itsulapikoa', 1960ko hamarkadatik. Txikiteroek inguruan egiten dute euren festa.