Gizarte Zerbitzuen Mungialde Mankomunitateak adikzioen plana onartu du. Prebentzioa eta osasunaren aldeko apustua ditu ardatz. Diagnostikoan ikusi dute ohiko drogen kontsumoa apaldu dela.

Anbotoko Bentanetan eta Azkilar begietatik sartzen diren eguzki izpiak urtean bi aldiz ikus daitezke Arrazolako San Roke ermitatik. Jorge Hernandez astronomoak fenomeno astronomiko hori ikertu du.

Ikuspegi behatokiak Galdakaoko populazio migratzaileari buruzko ikerketa bat egin du, udalak eskatuta bIkerketan parte hartu dutenek "bizikidetza giro inklusiboa" eskatu dute.

Hainbat protesta egin dituzte Bilboko Zazpikaleetako Goienkaleko auzokideek azken urteotan, euren ustez kaleak bizi duen "narriadura" salatzeko. Udalari eskatu diote polizia bidaltzea ez den irtenbide bat bilatzeko arazoari.

Barakaldo Naturalak salatu du Argalario mendian lindanoarentzat egin zuten segurtasun biltegiak estankotasun arazoak dituela. Eusko Jaurlaritzak esan du biltegia segurua dela.

Altzaga auzoko azken berdegunean 400 etxebizitza egiteko proiektua geldiarazi nahi du Tartanga Berdea plataformak. "Azkeneraino" borrokatuko direla ohartarazi dute.

Derioko elkarte eta norbanakoentzako lokal bat zabaltzeko asmoa agertu zuen talde batek azaroan, eta, herriaren erantzun ona ikusita, oraintxe ari dira Marikobaso Gune Askea atontzeko lanetan. Besteak beste, tailerrak, hitzaldiak eta bilerak egin nahi dituzte bertan, eta denentzat irekiko dute martxoan.

Bandera hautatzeko prozesua abiatu du udalak. Hainbat kirol talderen horia eta beltza erabilita, bost aukera sortu dituzte. Herritarrek etzi arte bozka dezakete.