Alkate independenteak. »

2011ko hauteskundeetan 39 alkatetza lortu zituzten independenteek Araba, Bizkai eta Gipuzkoan. Eskaintzen duten gertutasunak arrakasta lortzeko aukera ematen die herri txikietan. Abadiño, Orozko eta Karrantza dira horren adibide.

Errugbiaren pizkundea »

Ezkerraldean errugbiak zuen indarra berreskuratzeko beharrezko oinarria lortu du Bizkaiko Errugbi Federazioak. Hain zuzen, Abantoko Gallarta auzoan, Federico Balbuena errugbi zelaia martxan jartzeko lanak ia bukatuak dituzte. Hala azaldu du federaziok…

Ikune Eguna ospatu zuten joan den azaroaren 9an »

Bostehun metro koadro baino gehiagoko karpa batean ospatu zuten lehen Ikune Eguna, azaroaren 9an. Laudioko Aldai plaza izan zen aukeratutako lekua, eta gonbidatuen artean Garbiñe Biurrun EAEko Auzitegi Nagusiko epailea izan zen. Proiektuaren aurkezpen publikoa egin zuten egun hartan.

Euskal Herriko mapak ikusgai, hil bukaera arte »

MUNGIA. Jose Mari Esparza Zabalegiren Euskal Herriko mapak izeneko erakusketa atondu dute Torrebillela kultur etxean. Kartografian eta testigantza historikoetan Euskal Herriaz esana bildu du. Otsailaren 27ra arte egongo da.

Foru aldundiak 20 milioi emango ditu enplegua sendotzen laguntzeko »

“2014a Bizkaiko enpresa txiki eta ertainen urtea da”. Hala azaldu du Imanol Pradales Ekonomia Sustatzeko foru diputatuak. Iragarri duenez, 20 milioi euroren laguntzak emango dituzte berrikuntzarako, inbertsiorako eta enpresak nazioarteko bihurtzeko, E…

Arte Eder museoa martitzenetan itxiko dute »

BILBO. Bilboko Arte Eder museoa astelehenetan zabalik izango da aurrerantzean. Martitzenak izango dira museoak atseden hartzeko egunak. Bertako arduradunek jakinarazi dute helburua dela hiriburuan egunero museoren bat zabalik egotea bermatzea. Joan de…

Errauste plantaren ondoko bizilagunek “osasunerako bermeak” eskatu dituzte »

Zumalakarregin, Bilbo hirigunean dagoen Bilbaina errauste plantak baimena lortu du bere jarduerarekin beste zortzi urtez jarraitzeko. Bizilagunek erabakiaren kontrako elkarretaratzea egin dute asteon, martitzenez, udaletxearen aurrean. “Auzotar guztion osasunerako bermeak aldarrikatu ditugu”, esan du Carlos Ruizek, Gure Etxea auzo elkarteko idazkariak. “Materia organikoa erretzen dute hainbat osagai kimikorekin. Horiek, partikula ñimiño bihurtuta, biriketan sartzen dira, eta arnasteko arazo arinak eta minbizia sor ditzakete. Merkurioa, kromoa, kadmioa eta pareko metal astunak ere igortzen dituzte, hortzetako eta aldaketako protesietan eta taupada markagailuetan dauden elementuengatik”, azaldu du.

Ana Oregi Jaurlaritzako Ingurumen sailburuak, EH Bilduk hala eskatuta, azalpenak eman ditu Eusko Legebiltzarrean: “Errauste plantak ingurumen araudia betetzen du, eta ez du eraginik inguruko airearen kalitatean”. Ingurumen Sailak azpiegitura horri buruzko sei txosten egin ditu, eta probetako batek ere ez du erakutsi “mehatxurik sortzen duenik”.

Gure Etxea elkartekoek haserre berba egin dute: “Nola egin ditzake baieztapen horiek, Bilboko airearen kalitatea kontrolatzen duten kabinetako batzuk erabiltzerik ez badago, eta beste batzuk kontrolik gabe badaude?”.

Oregiren esanetan, Bilbaina ehorztetxeak zenbait konpromiso ere hartu ditu. “Errausteko gutxieneko tenperatura batzuk erabiltzeko” prest azaldu da, betiere, “monitorizatuta eta automatikoki erregistratuta”. Horrez gain, ez dituzte erreko melaninak, kloroa eta metal astunak dituzten kutxak, eta, errausketa baino lehen, kaxei heldulekuak eta apaingarriak kenduko dizkiete.

Gasen araztailea

Ehorztetxeak berak, prentsa ohar baten bidez jakinarazi duenez, “gasen araztaile bat” ere jarriko du beilatokian. Urte honetan bertan jarriko duten sistema horrekin “ingurumena babestu” gura dutela esan dute.

Ruizek ez ditu ontzat jo: “Ehorztetxeari eskatzen zaizkion neurriak kosmetika hutsa dira. Europako Batasunak osasuna bermatzeko eskatzen dituen neurriak inposatuko balizkieke, ezin izango lukete hirigunean egon”. Horrez gain, uste du “enpresarien interesak” lehenetsi dituztela, “osasun publikoaren gainetik”.

Oregik gogora ekarri du baimena ez dela “kontzesio berri bat egiteko, ezta luzapen bat emateko ere”. Haren arabera, “labeen jarduera arautzen duen dekretu berria indarrean sartu zenean Bilbaina ehorztetxeak jardueraren egokitzapenari buruzko txosten bat aurkeztu zuen, dekretuak jasotzen duen bezala”.

Gure Etxea elkarteak, baina, kritikatu egin du: “1975eko araudiak ezarrita berritu zaio baimena; hau da, oraindik errauste plantarik ez zegoeneko araudia eskuan. 2007ko Jaurlaritzaren araudia ezarri behar zioten, baita hirigunean errauste plantak jartzea debekatzen duen HAPOk ezartzen dituen mugak ere”.

Bilbotarrekin hiri berria definitu nahi du EH Bilduk »

Aldaketa abian lelopean, prozesu parte hartzailea abiatu du Bilboko EH Bilduk. Hainbat lagunek gaur egungo Bizkaiko hiriburua definituko dute, eta, ondoren, auzoetako bizilagunek zer-nolakoa izatea gustatuko litzaieken zehaztuko dute. Hartara, aldaket…

Eztabaidarako gaiak Ikuneren webgunean »

Teknologia berriek eta sare sozialek berebiziko garrantzia dute Ikuneren funtzionamenduan. Beren atarian —Euskadi.ikune.org— eztabaida gunea prestatu dute interesatuta dagoen edonork parte har dezan. Fracking-aren, LOMCEren eta alderdiei ematen zaizkien laguntzen inguruan hitz egiten dute.

Bilboko auzoen asteburua »

Asteburu honetan Auzo Eguna egingo dute Bilboko Areatzan. Bizkaiko hiriburua osatzen duten auzoetako jai batzordeen koordinakundea da Auzotarrok, eta talde horrek antolatu du. Asteburu honetarako prestatu dutena hausnarketa prozesu baten emaitza dela …