• Ur partzuergoaren aurrekontua, datozen hiru urteetarako. Bilbo Bizkaia Ur Partzuergoak 2014-2017ko eperako aurrekontua onartu du asteon. Osotara, 268 milioi euroren inbertsioak egingo ditu. Besteak beste, Urdunagako urtegiko hoditerian badaezpadako hobi berri bat egingo dute, matxurarik dagoenerako edo urtegia hustu behar denerako. Maiatzean hasiko dira, eta 12,9 milioi euroko aurrekontua izango du. Horrez gain, Enkarterriko ur-hornidura sarearekin jarraituko dute. Las Carreras-Arenao tartea eraikiko dute, fase bitan.