BILBO. Ekologistak Martxan Bizkaiak eta Bizizaleak kultur elkarteak antolatuta, Bolintxutik ibilaldi ekologiko bat egingo dute bihar Bilbon. Ibilaldiaren helburua da Bolintxu ibarraren balore naturalak ezagutzea, Bilbo Hegoaldeko saihesbidea handitzeko ibilbidea ikustea, eta autobide horrek sortutako inpaktuak bertatik bertara ezagutzea. Parte hartu nahi dutenek izena eman behar dute; beranduenez, gaur, barikua, 12:00ak baino lehen. Horretarako, bizkaia@ekologistakmartxan.org helbidera idatzi behar dute. 09:30ean aterako dira Zabalburu plazatik, eta 14:00etan itzuliko dira.