Emakumeen kontrako indarkeriaren aurka “tolerantzia zero” aldarrikatzen duen Bilboko Udaleko Berdintasun, Lankidetza eta Hiritartasun Sailaren programa saritu du Nazio Batuen Erakundeak. Hain zuzen, programa horren koordinaziorako eta parte hartzerako zerbitzuaren “bikaintasuna” aintzatetsi du NBEk, 2012ko United Nations Public Service Award (UNPSA) sariaren bigarren golardoa emanda.

Oihane Agirregoitia Berdintasun, Lankidetza eta Hiritartasun zinegotziak azaldu duenez, nazioartean zerbitzu publikoaren bikaintasuna aintzatesten duen “sari ospetsuena” da UNPSA, eta “kudeaketa publikoaren jarduera onak eta berrikuntzak eta administrazio eraginkor eta profesionalagoaren aldeko lana” saritzen ditu.