Zer salbatuko da errazago: euskara ala fedea? Erraz, ez bata eta ez bestea. Nekez, biak, eta hori ziur.

Gehien errepikatzen duzun bekatua? Perfekzionista naizela eta pazientzia falta dudala; biak lotuta doaz.

Iñaki Mallona, Venancio Orbe eta zu zeu: zer du Fruizek hiru gotzainen sorterri izateko? Espiritu Santuagaz hitzarmen berezi bat daukagu. Gu hiruron aitak lagun minak ziren, eta domeketan gisatua jateko elkartzen ziren.

Inoiz damutu zara abade egin izanaz? Abade izanaz, behin ere ez. Gotzain izanaz, behin baino gehiagotan.

Begoñako Ama ala Arantzazukoa? Arantzazuko Amaren irudia Fruizen daukat, neure jaiotetxeko logelan. Begoñakoa, hemen, Bilbon, neure egongela eta bulego den leku honetan. Biak ederto konpontzen dira.

Jaungoikoarekin haserretzen zara? Ezta momenturik larrienetan ere. Nire adiskide handiena da, eta adiskide handienagaz ezin haserretu.