Eusko Jaurlaritzaren etxebizitzari buruzko ekainaren 18ko 3/2015 legeak etxebizitza bat legez eta modu egonkorrean okupatzeko eskubide subjektiboa onartu zuen, esplizituki. Gizarte eskubideetan sakontzeko “mugarri garrantzitsu” gisa aurkeztu zuten. Legearen arabera, eskubide hori izango dute etxebizitza “duin eta egoki bat eskuratzeko beharrezkoak diren baliabide ekonomikorik ez dutenek”. Babes publikoko etxebizitza parkea ez denez nahikoa etxebizitza beharra dutenei erantzuteko, legeak eskubide hori modu subsidiarioan gauzatzeko aukera eskaintzen du: laguntza publiko ekonomiko bat aurreikusten du onuradunek merkatua babestuz, kanpoko alokairua ordaintzeko modua izan dezaten. Norbaiti etxebizitza duin eta egoki bat legez okupatzeko eskubide subjektiboa onartzeko zenbait baldintza bete behar ditu:

Baldintzak

• Adinez nagusia edo adingabe emantzipatua izatea.

• Etxebizitza Babestuen eta Zuzkidura Eskatzaileen Erregistroan izena emanda egon behar da, eta alokairuko eskatzaile moduan lau urteko antzinatasuna izan behar da.

• Urteko diru sarrerak muga batzuen barruan izan behar ditu.

• Eskaera aurkezteko unean bizikidetza unitatea osatzen duten denek etxebizitza falta izan behar dute. Badaude salbuespen batzuk.