Santiago eguna da gaur, eta hainbat herritan ospakizunak izango dituzte asteburuan. Busturiko Axpe auzoan, esaterako, dantzak eta trikiti doinuak izango dira gaur goizean, eta Egan taldea ariko da gauez. Bihar, dantza, sukalkia, eta Exaixu, Urtz eta Urratsen emanaldiak izango dituzte. Domekarako, umeen parkea eta idi probak prestatu dituzte.
Lemoa, Dima, Garai, Zeanuri eta Urduñan ere ospatuko dute eguna, besteak beste. Urduñan, Txarlazo mendira igoera antolatu du gaurko Txarlazo mendi taldeak. 09:00etan aterako dira, eta txosna bat izango dute.
Hainbat herritan ospatuko dute Santiago eguna egunotan: besteak beste, Busturian eta Urduñan.