Aberastasun biologiko eta geologikoaz gain, altxor artistikoak ere gordetzen dituzte Bizkaiko zenbait kobak. Laperrako haitzuloaren kasuan (Karrantza), Aurignac-Perigord aldian egindako margoak aurkitu zituzten 1904an. Hortaz, Euskal Herrian aurkitu diren margolanik zaharrenak dira. Lau bisonte, abelgorri bat, hartz bat eta marra multzoak ikus daitezke bertan. 1973an, berriz, hamar orein emeren irudiak topatu zituzten Arenatzako koban (Galdames). Ostera, Bizkaiko kobarik ezagunena Santimamiñe da (Kortezubi). 1916an aurkitu zituzten bertako margoak: bisonteen irudiak nagusi izan arrren, zenbait zaldi, orein bat eta uro bat ikusi daitezke leizeko hainbat gelatan.