Adur Letamendia zarauztarrak irabazi du aurten Punta Galea EVE Challenge surf lehiaketa. Lehiaketako olaturik onena hartu zuen martitzenean Letamendiak. Surflaririk onenaren saria, berriz, Kantabriako (Espainia) Pablo Solarrek jaso zuen. Jaitsierarik onenaren saria ere Zarautzera joan zen, Indar Unanueren eskutik. Hamasei surflari aritu ziren lehian. Gehienak bizkaitarrak ziren (zazpi); guztiak ere, olatu handiak hartzeko trebezia duten surflariak. Getxon egin zuten txapelketa, Galea itsaslabarraren parean. Lehiaketan lau eta bost metro bitarteko olatuak egon ziren oro har, baina, batzuetan, sei metroko batzuk ere iritsi ziren.