“Bilboko azken gune naturala” arriskuan dagoela ohartarazi dute »

Peru Azpillaga

Bizkaiko Foru Aldundiak aurreikusten du Bilboko hegoaldeko saihesbidearen bigarren fasea urtarril aldera abiatuko dela. 2011n estreinatu zen saihesbidearen lehen fasea, Peñascal eta Santurtzi lotzen dituen hamazortzi kilometroko errepidea. 2001ean, diputazioak Bilboko trafikoa arintzeko asmoz jarri zuen martxan proiektua, eta 465 milioi euroko inbertsio aurreikuspena zuen. Lanak, ordea, espero baino gehiago luzatu ziren, eta gainkostuarekin amaitu zituzten hamar urteren ostean: 821 milioi euro inbertitu ziren azkenean.

Iurretako paper lantegiari zigor espedientea ireki dio Jaurlaritzak »

Natalia Salazar Orbe

Iurreta parean Ibaizabal erreka beltzez tindatzen duten isuri kutsagarri batzuen berri eman berri du EH Bilduk. Errekaren emarian putzu beltzak erakutsi zituen joan den astean Mikel Otero legebiltzarkideak, bideo batean. Smurfit Kappa paper lantegiaren produktu kimikoak dira errekara iristen ari direnak. Laginak hartu, eta Iñaki Arriola Jaurlaritzako Ingurumen sailburuari azalpenak eskatu dizkio koalizioak. Izan ere, egoera ez da berria. Joan den apirilaz geroztik, jakinaren gainean zegoen administrazioa. Arriolak jakinarazi du lantegiari zigor espedientea zabaldu diola Uraren Euskal Agentziak.

Esperantza frontoia San Nikolaseko geltokiaren gainean berreraikiko dute »

Natalia Salazar orbe
Itxaropen kaleko eraikinen artean ez ezik, auzoaren eguneroko giroan ere hutsune handia utzia zuen Esperantza frontoiaren eraisteak. Bilboko metroaren hirugarren linea gauzatzen ari zirenean zailtasun handiak aurkitu zituzten Zazpikaleetako geltoki berria eraikitzeko. Eta ETSk Esperantza frontoia eraitsi zuen lanak gauzatu ahal izateko.

Mundu modernorako atea »

Natalia Salazar Orbe
Zalaparta handia. Bolanderak eta txistu soinua, trenaren lehen ke boladak iritsi baino lehen. Euforia nagusi da. Trena iritsi da. 1893ko irailaren 4a zen, Plentzian. San Antolin festak ospatzen ari ziren.

Elikagaiak “modu duinagoan” banatzeko gune bat zabaldu dute »

Aitziber Laskibar Lizarribar
Denda itxura du; auzoko supermerkatu txiki baten antolaera, autozerbitzua oinarri duena. Elikagaiz betetako apalategiek osatzen dute gunea. Eta elikagai sorta bakoitzak bere txarteltxoa du, produktuaren balioa jakinarazteko.

Bilboko San Frantziskon “sarekada arrazistak” areagotu direla salatu dute »

Aitziber Laskibar Lizarribar

Ez da gauza berria, SOS Arrazakeriaren esanetan. Etorkin eta migratzaileen aurkako sarekadak ohikoak dira Bizkaian, batez ere hiriburuan: geldiarazteak, identifikazioak, miaketak. Elkarteak sarri salatu ditu poliziek horien aurka egindako gehiegikeriak; ohituta dago lan horretan. Baina oraingoan bereziki kezkatuta agertu da, eta hedabideengana jo du: “Azken asteetan nabarmen areagotu dira sarekada arrazistak San Frantzisko auzoan”.

Faxismoaren biktimak omenduko ditu etzi Durango 1936 elkarteak »

Peru Azpillaga

Egia, justizia eta ordaina. Hori da, hain zuzen ere, Durango 1936 elkarteak urteetan aldarrikatu duena. Faxismoaren aurka altxatu ziren eta errepresioa bizi izan zuten pertsona guztientzako egia. Lege eta epaitegi faxistek zigortutako pertsona guztientzako justizia. Eta herriari eta herritarrei egindako kalteen ordaina. Hiru ideia horiek aldarrikatzeko 11 urte daramatzate, besteak beste, Agurrik Gabeak ekitaldia antolatzen. Aurten, azaroaren 11n izango da, igandean, Durangoko Plateruena kafe antzokian.

Belarri eta ahoak askatzeko prest »

Aitziber Laskibar Lizarribar
Gehienak: Bizkaiko 112 herrietatik 93. Milaka pertsona. Prest, edo prestaketarako azken lanetan. Bi aste barru hasiko da Euskaraldia, hilaren 23an, ostiralarekin. Eta bertan parte hartzeko izena eman duten 93 herrietan sortu diren batzordeak ahobizi izango diren pertsonak eta belarriprest izango direnak biltzeko lanetan dabiltza.

Etxegabeen kopurua bikoiztu egin da bi urtean: 264 lagun bizi dira kalean »

Natalia Salazar Orbe

Tenperaturek behera egin dute. Hego haizeak ihes egin du, eta iparra gogotik sartu da. Termometroetan gero eta zenbaki baxuagoak ageri dira. Hotzak eta euriak hartu dituzte kaleak. Askok etxeko epelean egiten diete aurre eguraldiaren astinduei. Baina etxerik ez eta euria, eguzkia, haizea eta ateria kale gorrian jasan behar duenik ere bada. Ez dira gutxi, gainera. Bizkaian, 264 zenbatu dituzte. Horietako gehien-gehienak, Bilbon: 211. Duela bi urte egin zuten zenbaketaren ia bikoitza da. Joera, gainera, goranzkoa da. Hala utzi du agerian Eusko Jaurlaritzak, Araba, Bizkai eta Gipuzkoako aldundiek, Eudelek eta zenbait udalerrik Etxerik Gabeko Pertsonentzako Euskal Estrategia garatzeko egin duten ikerketaren ataletako batek. Ikerketa horren helburua da pertsona horiei laguntzeko politika integralak diseinatzea eta ezartzea.

Basoak erosten hasiko dira Igorre, Atxondo, Urduña eta Berriatua »

Aitziber Laskibar Lizarribar

Ahul daude Bizkaiko mendialdeak; gaixo eta indarge. Eta ez da zoriaren ondorio, EH Bilduren ustez. Ez da kasualitatea horrenbeste eremu gaitzak jota egotea. Egungo egoera azken berrogei urteetako kudeaketaren ondorio dela dio; azken hamarkadetako politikak eragin duela gaur duguna. Egoera iraultzeko premiaz ohartarazi du, eta, egoera iraultzeko, orain arteko kudeaketa aldatu beharraz. Lanean jarri da, eta hartu ditu neurri batzuk: alkatetza duen herrietan, basoak berreskuratzea erabaki du; lurrak bereganatu eta lehengoratzea. Basoetara itzultzea.