Esnatzeko garaia »

Gaiari buruz gutxi hitz egiten den arren, oso errotuta dago gizartean: bost pertsonatik batek sexu indarkeria motaren bat sufritu du haurtzaroan. Egoera ikusarazteko, protestara deitu du Haurren Kontrako Indarkeriarik Ez plataformak iganderako. Getxoko Telletxe plazan hasiko da, 13:00etan. - Irakurri gehiago...

Autoei lehentasuna kenduko dien ituna onartu dute Bilbon »

Aitziber Laskibar Lizarribar
Mugitzeko beste modu bati begira jarria dago Bilbo. Hiri “atseginagoa” nahi du; lasaiagoa, osasuntsuagoa, jasangarriagoa eta inklusiboagoa; pertsonen ongizatea erdigunean izango duena. Beste urrats bat egin du bide horretan: Mugikortasun Jasangarriaren Aldeko Ituna sinatu berri du.

Otxarkoaga eraberritzeko plana, premia duten auzoetarako proba »

Aitziber Laskibar Lizarribar
Otxarkoagaren birgaitze integrala iragarri dute Bilboko Udalak eta Eusko Jaurlaritzak. Hasiera batean bost eraikin zaharberrituko dituztela azaldu dute, baina askoz sakonagoa dela asmoa: aurrera begira auzo osoari eta bertako bizilagunen bizi kalitateari eragingo dion eraldaketa dela aurkeztutakoa.

Eta, bat-batean, dantza »

Natalia Salazar Orbe

Hiria bera agertoki. Espazio adeitsuak. Naturaz jantzitako eremuak. Arteak konkistatu dituen lekuak. Taula gain horretan, tapizik edo oihalik ez. Aire zabalak markatutako agertokia besterik ez. Artista, ikus-entzuleen pare. Gertu. Aurrez aurre. Dantza, oinezkoaren gozamenerako. Horixe eskainiko du Lekuz Leku jaialdiak, gaur eta bihar, Bilbon. Hala azaldu du Luque Taguak, jaialdia antolatzen duen Fundicion aretoko koordinatzaileak: “Ikus-entzuleak harritu nahi ditugu, eta, aldi berean, hiriko paisaia, kalea, paseoa, erreka, ingurunea eta gorputzaren hauskortasuna uztartu”.

Doinuek kalea astintzeko egunak »

Natalia Salazar Orbe
Eguzkiaren aroari ongietorria. Suaren garrek argiztatutako urteko gaurik laburrena. Kantuak, dantzak, saltoak… Udako solstizioa iritsi dela ospatzeko unea. Horixe irudikatzen du San Joan gauak. Zornotzan garrantzi handia izan du, betidanik, ospakizun horrek.

Nola eutsi zahartzen ari den lurraldeari »

Joera globala den arren, Europako Batasuneko gainerako herrialdeekin alderatuta, abiadura handiagoan ari da zahartzen Bizkaiko populazioa. 2050. urtean, biztanleen %21,5ek 60 urte baino gehiago izango dituzte, eta egoera horrek zuzenean eragingo du lurraldeko sistema ekonomikoan. - Irakurri gehiago...

Estalkiduna bihurtu dute klaustroa »

Aitziber Laskibar Lizarribar

Bilboko Zazpikaleetan dagoen Euskal Museoaren klaustroa estalia da aste honetaz geroztik. Eraikinaren jabeek, Bilboko Udalak eta Bizkaiko Foru Aldundiak, kristalezko estalkia jarri diote. XVII. mendean egindako eraikin horren gunerik bereziena da klaustroa, eta euskal kulturaren altxor garrantzitsuenetarikotzat jotzen den pieza bat gordetzen du bertan 1921. urteaz geroztik: harrizko Mikeldia, adituen arabera 2.200 urte baino gehiago dituena.

Itsasoari itolarria arindu guran »

Aitziber Laskibar Lizarribar

Jada ohikoa da plastikoa gizartean; ohikoegia, duen eraginari erreparatuta. Urtero zortzi tona plastiko isurtzen dira itsasora, eta, orain arteko martxari eutsiz gero, 2050. urtean plastiko gehiago egongo da itsasoan arrainak baino. Hala ohartarazi du Nazio Batuen Erakundeak. Alarma guztiak piztuta daude azken urteetan, eta, igaro berri den Ingurumenaren Nazioarteko egunaren harira, natura plastikorik gabe mantentzeko premia jarri dute erdigunean. Kezka horren eraginez, garbiketa lanari ere ekin diote hainbat gunetan. Bihar, esate baterako, Bermeoko portuko eta Algortako Portu Zaharreko itsas hondoa garbitzeari ekingo diote.

Bi plater mota mahai bakarrean »

Peru Azpillaga

Suak piztu, eta borborka hasi da lapikoetako ura. Kalean zehar barreiatutako sukalde inprobisatuak jendez lepo daude. Txoko guztietatik irteten den lurrinak dantzan jarri ditu munduko arrozei darizkien hamaika usainak. Kolorea eta zaporea dira nagusi Bilboko San Frantzisko auzoan. Jatorri desberdineko lagunek, beren jantzi eta arropekin emandako kolorea. Hamaika kultura desberdinetako pertsonek kozinatutako platerek sortutako zaporea. Bihar egingo den Munduko Arrozak festa da. Urteak joan, urteak etorri, San Frantzisko auzoko plaza mukuru bete eta Bilboko erdigune bilakatzen den eguna.

Soineko dirdiratsua jantzita »

Natalia Salazar Orbe
Eguna irauli. Gauari astindua eman eta kalera atera. Iluntasuna argitu eta jardueraz betetako ospakizunez gozatu. Horixe proposatu du, beste urtebetez, Gau Zuriak. Bilboren sorreraren 718. urteurrena ospatzeko, argiz, musikaz, kolorez eta ikuskizunez jantziko ditu hiriko hainbat kale eta txoko.