Bizkaiko Bertsolari Txapelketa igandean hasiko da, Mungian. Abenduaren 16an amaituko da, Bilboko finalarekin. Guztira, sei kanporaketa, hiru finalaurreko eta finala izango dira. 36 bertsolari lehiatuko dira herrialdeko txapela lortzeko.
Albisteak
Komikia, nahierara
Getxoko Komiki Azoka egingo dute gaur hasi eta etzi arte. Berrogei postu egongo dira, eta askotariko gaiez arituko dira hitzaldietan eta tailerretan.
Ez dute itzalik galdu gura
Bilboko Deustu auzoan, udala zumarrak mozten ari da, "gaixorik" daudelakoan. Stop Tala Deusto plataformak, ostera, esan du osasuntsu daudela, eta ez mozteko eskatu du.
Oinezkoen(tzako) hiri bat
Bilbok badu jada Metrominutua, hiriko leku batetik bestera oinez joateko zenbat denbora behar den erakusten duen mapa. Alabaina, hiriaren plangintzak eta diseinuak distantziok luzatzen ditu sarritan: besteak beste, trafiko eta semaforo gehiegi dagoelako, edota oinezkoen bideak moztu egiten direlako.
Liburu “alternatiboen” azoka
Sare Antifaxistak Liburu, Fanzine eta Material Politikoaren V. Azoka egingo du, Portugaleten. Gaur emango diote hasiera ekinbideari, eta igandera arte iraungo du.
Izan zen hiriaz ez ahazteko
Urtero legez, Bilboko Udalak hiriaren historiari lotutako ekintza batzuk eraman ditu aurrera. Aurtengoek, ibilbideak barne, 36ko gerra eta gerraostea izan dituzte ardatz.
Euskararen erabilera abestien bidez sustatuko du Zornotzako Udalak
Kantakatilu egitasmoa jarriko dute martxan urriko lehenengo ostegunean. Hilean behin egingo dira saioak, Zelaieta zentroko auditoriumean. Herriko euskaldunak saretzea da helburu nagusia.
Urdaibaiko presidenteak 9,5eko nota jarri dio denboraldiari
Bermeoko taldeak bederatzigarren aldiz irabazi du liga. Talderik "indartsuena" zutela uste du presidenteak. Lau bider irabazi dute liga eta Kontxa urte berean.
Udako azkeneko olatua, kulturaz eta aisialdiz leporaino
Sopelako Udalak hamargarren urtez antolatuko du asteburu honetan Sopela Kosta Fest jaialdia, herriko elkarteekin elkarlanean. Hainbat ibilaldi, tailer, erakusketa eta lehiaketa antolatu dituzte. Talde hauen kontzertuak izango dira: Stay Homas, O'Funkillo, Olaia Inziarte, Ezpalak, Ibil Bedi, Cecilia Payne, Pasadena, Rudiger eta Lorelei Green
Hamabigarrenaren lehen pausoak
Ekainean eta uztailean barne antolaketa osatu ondoren, Bizkaiko Batzar Nagusiek orain hasiko dute bete-betean legealdia. Haien egiteko nagusiak dira herrialde historikoak dituen eskumenei dagozkien arloak arautzea eta foru aldundiaren jarduna kontrolatzea.