Egiak eragindako lotsaz »

Frantzisko I.ak, Eliza katolikoko buruak, kanonizatu berri ditu Joan XXIII.a eta Joan Paulo II.a Aita Santu ohiak. Eta ez da edozelako kanonizazioa izan; esangura handiko mugimendu politikoa izan da, oroz gain.

Joan XXIII.a instituzioaren adar aurrerakoienaren ordezkari handiena izan zen, XX. mende erdialdean. Herritarrengana gerturatu zuen ordezkatzen zuen erakundea; Elizaren egiteko moduei mendeetako hautsa astindu, eta garaietara egokitu zituen ohiturak, hein batean behintzat.

Joan Paulo II.ak, bere aldetik, komunismoaren kontrako aldarrian zuen oinarritua bere mundu ikuspegia. Horrek eta kredo katolikoaren irakurketa ortodoxo eta atzerakoienak markatu zuen haren aitasantutza. Aita Santu Ona, lehena; antikomunista sutsua, bigarrena. Jainko berarekiko maitasun oso bera sentitzen zuten bi gizon, Jainkoa hain kontzeptu etereoa izanda ere, hain definitzen zaila, eta hain modu desberdinean irudikatua izanda batzuen ahotan eta besteen eginetan.

Aita Santuak Benedikto XVI.a, bere aurrekoa, gonbidatu zuen ospakizunera, eta hark onartu egin zuen eskaintza. Mugimendu politiko azkarra, bien aldetik.

Euskal Autonomia Erkidegoan lehendakari bakarra dago. Ez du Euskal Herri osoa ordezkatzen, baina zati bat bai. Kristau katolikoek Aita Santu bakarra duten moduan, gustukoa ala ez, ordezkari berak ordezten gaitu gu EAEn. Eta nahiko nuke geure politikariek Eliza katolikoko buruek erakutsi duten senaz lan egitea. Alegia, Urkulluk Lopez gonbidatzea, Arnaldo Otegik eta Arantza Quirogak Euskal Herria bizileku hobea izateko egindako esfortzua ezagutu eta, zintzotasunez, eskertuko duen ekitaldira. Urkulluk antolatzea, Lopezek onartzea eta Quirogak eta Otegik txalotzea.

Hegoafrikan, apartheid-aren ostean, Egiaren eta Justiziaren artean hautatu behar izan zuten. Justizia erdiestea ezinezkoa zela onartuta —William Kentridge artista hegoafrikarraren berbatan—, Egia aukeratu zuten. Eta Vatikanoan ere bai —zenbat sexu gehiegikeria kasu, zenbat ustelkeria kasu—.

Historia iragana izanik, Justizia lortzea ezinezkoa da. Posible da Egia ezagutzea, baina, eta guztiok geure onena eman dugula sinetsita herri legez batzea. Egiaren aurrean, biluzik, ez dago babestuko gaituen siglarik. Emakume eta Gizon baino ez gara, lur zati honetako zauriak konpontzen saiatzen. Bakoitza bere moduan, baina batera, Egiak eragindako lotsaz.

“Kaioa ondo moldatu da gizakien ohituretara eta bizimodura” »

Bermeoko Udalak, berriz ere, kanpaina bat abiatu du aurten kaio edo itsas txorien habiak Bermeoko eraikinetako teilatuetatik kentzeko. “Habiak kontrolatzea” du helburu dagoeneko hainbat urte dituen proiektu horrek, Gaizka Aurrekoetxea Ingurumen teknik…

Europako Kirol Hiria da Getxo aurten, beste 16 hirirekin »

Aces Europa elkarteak urtero hainbat hiri aukeratzen ditu, kirol arloan egiten duten lana saritzeko asmoz. Aurten, 25.000 eta 50.000 biztanle arteko kontinenteko hamazazpi hiri aukeratu dituzte. Horietako bat da Getxo. Saria nori eman erabakitzeko, ha…

Sozializatzeko bertsoaren eredua »

Eustakio Larrabeiti Eulea bertsolari laukiztarra ezagutzeko, berbatxangoa antolatu dute etziko Erandioko Berbotx, Sopelako Aitxu eta Getxoko Egizu euskara taldeek. 1848an jaio zen Eulea, eta 1936an hil; gerra hasi baino hamabost egun lehenago, hain zu…

IRISGARRITASUNERAKO BERME ESKE »

Santurtziko kaleetan irisgarritasuna bermatzeko lan asko egin dela aitortu arren, oraindik alor horretan zeregin handia dagoela dio EH bilduk. Hain zuzen, Juan Crisostomo Arriaga kalearen irisgarritasun arazo larriak aipatu ditu koalizioak: eskailera …

Igogailu bat jarriko dute Basurtuko sarbide berrian »

BILBO. Zorrotzatik Bilborako Basurtuko sarbidean igogailu publikoa jarriko du udalak, Bentazarrako bizilagunentzat. Errepidea Kaxtrexana eta Altamira auzoekaz lotzeko helburua du zerbitzuak. Feveren geltokiaren eskuin aldean jarriko dute.

Kirolik ez egiteak eragiten ditu munduko heriotzen laurdenak »

Lau heriotzatik bat ariketa fisikorik ez egitearen ondorioz sortutako gaitzek eragiten dute, OMEren arabera. Kirolak, heriotza goiztiarraren arriskua gutxitzeaz gain, gaixotasun koronarioak, arterietako hipertentsioa, diabetesa, ictusa, bularreko eta …

‘UHINAK’ SORTUKO DITU GAUR EH SUKARRAK »

Uhinak bere azken diskoko kantak eramango ditu EH Sukarrak Bermeoko Kafe Antzokiko taula gainera, gaur. 23:30ean hasiko dute kontzertua. Bermeora joaten direnek aukera izango dute 1989an Eibarren (Gipuzkoa) sortu zen taldearen zortzigarren diskoa zuze…

“Orain gorputzak eskatu egiten dit” »

Ohiko osasun kontrola egitera joan zen Joseba Arozena (Getxo, 1960) Algortako osasun etxera, duela bi hilabete. Baina ezohiko proposamena egin zion medikuak. Beti bezala botikak hartzeko agindua emateaz gain, kirol errezeta jarri zion mahaiaren gainea…

Durangoko alde zaharraren egoera salatu dute »

Durangoko alde zaharrean hainbat arazo daudela salatu dute DAZ Durangoko Alde Zaharra auzo elkarteko kideek, udalak ez diela-eta konponbiderik ematen. “Abandonatuta” sentitzen dira. Hain zuzen, 2010ean bilera bat egin zuten udaleko ordezkariekaz, eta …