Unibertsitatea eta herria elkartzen dituen prozesu bat »

Plateruena antzokia eztabaida prozesu batean sartu zen joan den urtean. Hori abiatzeko, Durangaldeko 30 norbanakoren eta EHUko Gizarte eta Komunikazio Zientzien Fakultateko kideen laguntza izan dute. Delphy ikerketa sistema erabili zuten, antzokiari b…

Parkearen ekarpena Bizkaiko BPGari. »

Parkean dauden enpresek %5,6ko ekarpena egiten diote Bizkaiko barne produktu gordinari. Lurraldeko biztanleria okupatuaren %5,3k lan egiten dute bertan. Parkeko enpresek ordaintzen dituzte ogasunak biltzen dituen zergen %6,4.

Ai, ikurrak! »

Hilabete luzetxoa falta da oraindik St. Patrick’s egunerako, baina garagardo zaleak hasi gara jada atzerako kontuarekin. Eta kontua ez da munduko mingots gozoenaz gozatzeko aitzakiarik behar dugula, baina ospakizunak inportanteak dira. Egun batzuk besteak baino egunago bihurtzea, Gotzon Barandiaranek idatzi zuen bezala. Ikurrak bezain inportanteak dira ospakizunak.

Eta beste hamaika konturekin gertatu legez, New Yorken egiten den desfilea munduko handiena da. Inoiz baino berdeago ageri da sagarra martxoaren 17an eta, bereziki, Fifth Avenue ezaguna. Berde iluna, berde argia, tonu guztietako berdeak, baina dena orlegi; eta airea Happy St. Patrick’s!-ez kutsatua. Baina ez dakiokeela irlandarregia den irlandar bati “Pádraig go brách!” oihukatzea bururatu, agian amerikarregia den amerikar bat iraindua senti daitekeelako. Estatu Batuetan ingelesez, eta kito.

Duela bi aste ospatu zen Superbowleko Coca Colaren iragarkiak eragindako erreakzioekin argi geratu zen hori. Herrialdearen ereserkitzat kasik daukaten America The Beautiful (Amerika ederra) kantua hizkuntza desberdinetan abestuta entzuten zen horretan, eta ulertzen zaila den zalaparta sortu da horren ondorioz, komunikabideetan ere agertzeko modukoa. Kantu hori ere ezin baldin bada ingeles hutsez mantendu, akabu inperioa, antza. Ai, ikurrak!

Ideologikoki aurrerakoiak diren askok ere arbuiatu dute iragarkia, helburu ekonomiko hutsekin gizarte-maila ahulenak, imigranteak, erakarri baino ez zutela egin gura argudiatuta. Eta, seguru asko, hala zen. Baina zer espero zuten kapitalismoaren paradigma den herrialdeko enpresa sonatuenetarikoaren publizitatetik —are gehiago, urteko telebista-segundorik garestienetan—? Mezu etikoak? Bada, zeharka bada ere, horrela izan da.

Ildo bertsuan, Bill de Blasiok, New Yorkeko alkateak, esan berri du ez dela St. Patrick’s-eko desfile famosora joango erakunde antolatzaileak homosexualen ikurrak onartzen ez dituelako. “Ongietorriak dira homosexualak —esan dute—, baina ez dute zertan ikurrik eraman”. Jai berdea kolore larregirekin ez urardotzearren izango da.

Litekeena da De Blasiok hauteskundeak eta bozkatzaileak izatea gogoan, ez homosexualekiko errespetua. Ideiarik ez. Edozelan ere, biba hi, Bill, eta gora kopak! Baina ez dezagun garagardo irlandar batekin egin topa, marroizkak baitira gehienak. Coca Cola batekin egin dezagun, ezen nahiz eta hori ere marroizka izan, sortu zutenean, botila berdeetan saltzen hasi ziren. O, paradoxa.

Ikastaroetatik erakusketetara »

Igorreko Udala duela bost urte hasi zen margolaritza mintegiak antolatzen. Ordutik, urtean sei larunbatetan, Ines Medinak gidatutako tailerrak egiten dituzte. Saio horietan margotzen ikasi, eta beraien kontura hasi dira lanean Bizkaiko hainbat herrita…

2.752 »

Bilbon bost urtetan jarri dituzten aparkalekuak. 2.752 aparkaleku jarri dituzte Bilbon azken bost urteetan. Miribillan eta Xenpelarren beste 432 jartzeko lanetan ari dira egun.

Zabalik da Bilbo-Bilbo martxako izen ematea »

BILBO. Martxoaren 16an egingo da aurten Bilbo-Bilbo bizikleta martxa. 15 urtetik gorakoek parte har dezakete. Aurten, behin betiko izen ematea egin aurretik, aurretiko izen ematea egitea derrigorrezkoa izango da. Zubiarte Merkataritza Zentroan gunea j…

327 »

Iaz foru aldundiaren aholkularitza jasotako nekazariak. 327 nekazaritza ustiapen ibili ziren iaz foru aldundiaren nekazaritza aholkularitzaren programan. 145.000 euro inbertitu zituen higiene, elikadura segurtasun eta hobekuntza genetikoan.

BARREAK ETA HAUSNARKETA, BIAK BAT »

Durangoko Azokan estreinatu ondoren, hainbat herritan egin du geldialdia Dxusturi konpainiaren Konpota bakarrizketa saioak. Gaur Elorriora iritsiko da, Arriola antzokira, 22:00etan. Eneritz Artetxe du protagonista; zuzendari lanetan, berriz, Pablo Iba…

“Inguru sozioekonomikoan pisuzkoak diren gaietara bideratuko da parkea” »

Bizkaiko Zientzia eta Teknologia Parkeak eta Euskal Herriko Unibertsitateak bultzatu dute Leioako Zientzia Parkearen proiektua. Alde batetik, unibertsitate eta enpresen arteko harremana sustatuko duen bikaintasunerako eta berrikuntzarako gunea sortzea…

Elorrioko hainbat herritarrek Gorenera eramango du HAPO »

Elorrioko Auzoak Koordinakundea Espainiako Auzitegi Gorenera jotzeko bidean da, Hiri Antolamendurako Plan Orokorrak nekazari izaerako lur eremu batzuk industriarako urbanizagarri bihurtzeko aurreikusten duen erabakia atzera botatzeko eskatzeko. Izan ere, EAEko Auzitegi Nagusiak ez die onartu HAPO barruan Pulla Azkarreta eremuari dagokion erabakiaren kontra jarritako helegitearen zati hori. Xabier Zarandona koordinakundeko idazkariak azaldu du “kezkatuta” daudela. “Bertoko alderdi abertzaleek ez dute defendatzen lurzoru horren izaera eta estatuko epaitegietara jo behar izan dugu ea ingurumenarekiko sentsibilitate handiagoa erakusten duten ikustera”.

2001az geroztik ibili dira Elorrioko udal gobernuan Hiri Antolamendurako Plan Orokorra osatzen. Euskal Herritarrok alderdiak hasi zuen, ostean EAJk jarraitu zion, geroago EAE-ANVk onartu zuen plana —2011n— eta, egun, EAJk plan horrekin beharrean jarraitzen du.

“Espekulazio” zantzua antzematen dio koordinakundeak aferari. Izan ere, azaldu duenez, 2001 aldera “Sprilur sozietate publikoa agertu zen Elorrion, HAPO eta Durangaldeko Lurralde Zati Plana osatu eta onartu baino lehen”. “Nekazari lurrak erosten hasi ziren. 21 hektarea inguru erosi zituzten”. Jabe guztiek ez zituzten euren lurrak saldu, baina sozietateak erosi nahi zituen guztien “%60 inguru” eskuratu zituen. Saldu ez zituzten lurretako askotan egun “landaketa ekologikoa garatzen dute edo baserritarrek erabiltzen dituzte”, besteak beste.

Orduz geroztik, udalean egon diren alderdi guztiek “premisa berari” eutsi diotela salatu du Zarandonak: Pulla Azkarreta eremuko “nekazari lurretan industrialde bat egin behar dela diote guztiek”.

Erabaki horrek, baina, herrian “polemika sortu” zuela ekarri du gogora. “Elorrion degradatutako lur asko dago hiriko hutsuneetan; lantegiak izandakoak, besteak beste”. Sprilurrek, baina, lur horiek ez zituela nahi izan salatu du. “Epaiketan bertan argi eta garbi esan zuten: ‘Nolatan hasiko gara, baina, eremu horietan kutsadura kentzen? Kostuak oso handiak lirateke’. Beraz, herri osoa degradatutako hutsunez beterik utzi gura dute, kostuak handiak liratekeelako eta nekazari erreserbarik berdeena hartu nahi dute merkeago ateratzen zaielako?”.

Ingurumena babesteko arrazoi horrez gain, baina, beste argudio batzuk ere jaso ditu Auzitegi Gorenera bidean daukaten helegiteak. Hain zuzen, Zarandonak azaldu duenez, “Sprilurrek lur horiek erosi zituenean Durangaldeko Lurralde Zati Planean (LZP) ez zen ezer jasotzen eremu horiei buruz. Lurraldeko Baso arloko Planak (LBP), ordea, nekazari balio handia aitortu zien”.

LZP behin-behinean onartzeko prozesuari 2008an ekin zioten. “2011n behin betiko onarpena eman zitzaion, hain justu, udalak HAPO onartu baitzuen. LZPn, lur eremu horiei zegokienez, orban bat ageri zen, eta, beharrezkoa balitz, eremu horretan enpresak sor zitezkeela zioen. Kasualitatea ote da?”, egin du galdera Zarandonak.

Lurralde Zati Planaren eta Lurraldeko Baso arloko Planaren artean, beraz, “kontraesana” sortu zen. Bigarrenak, ordea, “ez zuen behin-behinekotasunetik aurrera egin. Ez diote behin betiko onarpena eman”. Epaia ez dela “mamian sartu” uste du.

Udala ez da iritzi berekoa

Auzitegi Nagusiak Lurraldeko Baso arloko Planaren irizpideari jarraitu beharko liokeela uste du koordinakundeak, hasieratik “ideia berari eutsi diolako”. Udala, ordea, ez da iritzi berekoa. Joseba Mugika Hirigintza zinegotziak hala dio: “Lurraldeko Baso arloko Plana ez dago onartuta; behin-behineko onarpena besterik ez du. Horren gainetik dago LZP, eta horrek industrial gisa jasotzen ditu lur horiek. Horregatik, Auzitegi Nagusira jo zutenean ez genuen ulertzen oso ondo erabakia, ikusten baitzen bide motza zuela helegiteak. Are zentzu txikiagoa du, gure ustez, Gorenera jotzeak, jakinda lurraldea antolatzeko tresnek nola jasotzen duten eremu horien bokazioa. Uste dugu ez duela ez hanka ez buru onartuta ez dagoen plan bat, balio juridikorik ez duen plan bat, erabiltzeak. Epaileak horretan oinarritu du bere epaia”.

Mugikak ezeztatu egin du Lurralde Zati Planak beren-beregi barneratu izana eremu horiek industriarako izaera izateko aukera. “HAPO eta LZP, biak, garai bertsuan garatu ziren. Plan orokorrarekin urte mordoa ibili ginen. LZPren tramitazio faseak HAPOren onarpena baino pixka bat lehenago gauzatu ziren. Ez da egia eurek diotena. Izan ere, epeei erreparatuz gero, paretsu joan ziren, baina LZP ez zen moldatu lurren izaera hori jasotzeko. LZP, gainera, ez du udalak egiten, Eusko Jaurlaritzatik landutako dokumentua da. Udalak alegazioak egin ditzake, baina ez dauka eraginik dokumentu horretan”.

Espekulazio zantzuei dagokienez, horrelakorik ez dela izan esan du. Gogora ekarri du HAPOk udaleko ordezkari guztien babesa izan zuela, “zinegotzi independente batena izan ezik”. “Ikuspegi politikotik, beraz, berme guztiak ditu. Hirigintza proposamen honen atzean espekulazioa dagoela esatea errealitatea aldatzea da erabat”.

Mugikaren ustez, hirigintza proposamen hori “ezinbestekoa da etorkizunean herri honetan garapen ekonomikoa suspertzeko, lanpostuak sortzeko eta herrira aberastasun sozial eta ekonomikoa erakartzeko”. Horretarako beste lurrik ez dagoela ohartarazi du, gainera, Hirigintza zinegotziak: “Dauden lurrek jabeak dituzte edo ez dira garapen industriala mamitzeko batere aproposak”.

Udalak, bestalde, herritarren artean “polemikarik ez” dagoela deritzo. “Herriak gatazka hori gainditu zuen. Bizilagunek onartuta daukate. HAPO onartu zenean, ordura arte zegoen iskanbila baretu egin zen”, esan du. Gorenean, bada, ez dio biderik aurreikusten Auzo Koordinakundearen helegiteari.

Arrazoia koordinakundeari

Bestalde, EAEko Auzitegi Nagusiak HAPOren kontra jarritako helegitearen zati bat onartu dio Auzo Koordinakundeari; San Bizente Zabaletako lur eremuari dagokiona, hain justu. Eremu horri “hiri lurzoru izendapena kentzea” ebatzi du, “betidanik hiri-lurzoru industriala izan baita, oso kutsatua gainera”, azaldu du Zarandonak.

Epai hori irmoa da. “Sententziak ez du esaten industriara edo etxeak egitera bideratu behar den. Udalak erabaki behar du zein erabilera eman gura dion”. Erabilerei buruzko erabakiak “berriz ere kalkulatu” beharko dituztela esan du. Izan ere, “erabilera industriala ematen badiote, industriara bideratutako lurren kopurua deskontatu egin behar dute Pulla Azkarretatik. Etxeak eginez gero, beste horrenbeste etxebizitzen plan berezitik”.

Udalak, oraingoz, ez du erabakirik hartu. Zinegotziak adierazi duenez, “lur horien bizitegi erabilera aurreikusita zegoen arren, erabakia hartzeke dago, eta ez dagokio Alkatetzari soilik”.