BI MUNDU KONTRAJARRI, AURREZ AURRE »

Erabat desberdinak diren bi mundu elkarren ondoan jarriko ditu Txalo antzerki taldeak taula gainean, Arrigorriagan. Ondoko hilobiko tipoa antzeztuko dute, gaur. 20:00etan izango da saioa, Lonbo aretoan. Neskatila pinpirin bat baserrian, eta baserritar bat operan azalduko dira: Maila soziokultural ezberdinetako bi pertsona ariko dira aurrez aurre. Begoña Bilbaok zuzenduko du komedia. Aiora (Aitziber Garmendia) eta Pablo (Iker Galartza) ditu protagonista. Liraina, goxoa eta alarguna da lehenengoa; berekoia, burugogorra eta ezkongabea, bigarrena. Bi mundu ordezkatzen dituzten gazte biek leku berean egingo dute topo: hilerrian.

Ugaon AP-68ko zaratak gutxitzeko lanak egin dituzte »

AP-68 autobidea ondo-ondoan dutela-eta, Ugaoko bizilagunek ibilgailuek egiten duten zarata handia pairatu behar izan dute urteetan. Orain, zarata hori gutxitu egin da, horretarako propio errepide parean jarri dituzten panelei esker.Hain zuzen, San Bar…

LURRARI LEKUA HARTU DIO ITSASOAK »

Itsasoa zakar sartu zen kostaldeko hainbat herritan, joan den domekan. Bizkaian, kalterik handienak Bermeon egin zituen: kai muturra apurtu zuten olatuek, baita Frantxuen Haitzetako horma ere —irudian—. Ura bertako lonjetara sartu zen, indarrez. Idurre Bideguren alkateak azaldu du lehentasuna bi hormok konpontzea izango dela. Beste herri batzuk ere gogor astindu zituen urak. Lekeition, esaterako, San Juan Talako eremuan sortu zuen kalte gehien.

Elikagaien banku bat martxan jarri dute »

DERIO. Hamar boluntarioren laguntzarekin, elikagaien banku bat martxan jarri dute Derion. Bertako Elikagaien Elkarte Solidarioak kudeatzen du. 130 derioztar inguru baliatuko dira elkarte horren lanaz. Hilean behin jaso ahal izango dituzte elikagaiak, …

EH Bilduk dio atea itxi diotela Ezkerralde osorako aterpetxe bat jartzeko asmoari »

EH Bilduk salatu du eskualdeko udalek ateak itxi dizkiotela Ezkerralde osorako aterpetxe iraunkorra martxan jartzeko koalizioak egindako proposamenari. Hain zuzen, Santurtzi, Portugalete, Sestao eta Barakaldoko udalen arteko akordioa proposatzen zuten…

Elkartzearen indarra, agerian »

Orain arte alderdien mapa nahiko zabala zen, baina datozen urteetan are gehiago zabalduko da. Horren adibide da hainbat herri eta auzotan sorturiko herritar plataformek emandako aurrerapausoa. Izan ere, koalizio bateratu bat sortu dute Bizkaian eta Araban datorren urteko foru hauteskundeetara aurkezteko asmoz. Aurrerantzean, Ikune izeneko alderdia izango da beren bilgunea.

Ez da ezerezetik sortutako proiektua. Ikunek hamar bat herritar plataforma bildu ditu dagoeneko, eta horien artean izango dira urte luzez zenbait udal gobernatzen dihardutenak. Esaterako, azken udal hauteskundeetan boto gehien bildu zuten Etxebarriko, Abadiñoko eta Plentziako herritarren zerrendak, Bizkaian, eta Zanbranako herritarren zerrendak, Araban. Orain Ikune sortzeaz arduratu dira. Erabakitzeko eskumena geroz eta murriztuago ikusten dutela eta, jauzi kualitatibo zein kuantitatiboa ematea erabaki dute denen artean. Alvaro Barrios laudioarra izendatu dute koordinatzaile, eta hark azaldu du alderdi koalizio berriaren gako nagusia: “Ikune eta beste alderdi politiko guztien arteko ezberdintasun nagusia herritarren partaidetzan datza. Guk ez daukagu inolako programa ideologikorik; horren ordez, herritarrei galdetzen diegu zein den beraiek nahi duten programa. Ordezkariak lortuz gero, jendearen erabakien alde bozkatzera konprometituko gara”.

Araba, Bizkai eta Gipuzkoan, 80 udalerrik daukate talde independenteetako ordezkaritza. 353 zinegotzi dituzte guztira, eta 39 herritan lortu dute alkatetza. Kasurik aipagarrienetarikoa Etxebarrikoa (Bizkaia) izan daiteke, hogei urte luze igaro baitira boterera heldu zirenetik.

9.000 biztanle dituen herria da Etxebarri. Lehenengoz hauteskundeak irabazi zituztenetik alkate makilari eusten diote. Azkenengo hauteskundeetan, 2011n, bozen %64,24 lortu zituzten. Alde horretatik, herri bakoitzeko errealitatea oso ezberdina dela nabarmendu du Ikunek, eta herritar elkarte horiek hainbat arrazoirengatik sortu direla. Etxebarrin, adibidez, herriko zenbait lekutan gertatzen ari zen utzikeriaren aurka borrokatzeko sortu zen La Voz del Pueblo herritarren zerrenda.

Indarrak batuz lana errazago egin daitekeela jakitun dira Ikunen. Makineria martxan jarri dute dagoeneko: “Bi hilabetean, Ikunen batzen garen taldeak bikoiztu egin gara, eta, hori gutxi balitz, talde independenteak ez dauden hainbat herritan talde berriak sortu dira. Hurbiltzen ari zaizkigun pertsonen jarioa ere etengabekoa da, eta esponentzialki hazten doa”, nabarmendu du Barriosek. Badakite herri handiagoetara zabaltzea lan zaila izango dela, baina hasi dira dinamika berriak lantzen. Badirudi fruituak ematen hasi direla.

Azaroan eman zuten izena alderdi politikoen erregistroan. Ordutik, herritarren babesa jaso duten heinean, “beste alderdi politikoen mesfidantza jasan” behar izan dute. Hala adierazi du, behintzat, Barriosek. Izan ere, beste alderdietako hainbatek maila pertsonalean laguntasuna helarazi dieten arren, alderdietako egituretatik ez zaie horrelakorik iritsi. “Nahiz eta batzeko jaio garen, badakigu Bizkaiko Batzar Nagusietara edo Arabako Biltzar Nagusietara sartuko bagina hainbat urdurituko liratekeela”.

Ikune esperantotik eratorritako hitza da. Nahita egin dute gainera. Hasierako i hori erdarazko Iniciativa hitzetik dator, eta kune hitzak elkarrekin esan nahi du esperantoan. Izan ere, hizkuntzak batzeko asmatu zen esperantoa. “Herritarren artean sustatu nahi dugun batasun hori alderdiaren izenetik has dadin gura dugu”.

Hainbat alderdi ordezkatuko dituen programa osatzeko asmoz, prozesu berritzailea jarri dute martxan. Aniztasunari aurre egiteko, hiru oinarri finkatuko dituzte. Alde batetik, Glokalizazio deituriko kontzeptua sortu dute. Partaidetza behetik gora izatea ziurtatuko du horrek, eta erabakiak hartzeko orduan herri taldeei independentzia ematea. Beste alde batetik, herritarren partaidetzak, “edo herritarrengandik hurbil izateak”, independenteek praktikan jarritako filosofiarekin jarraitzea bermatuko du. Azkenik, hirugarren oinarria giza eskubideen bermea izango da, alderdian parte hartzen duen edonork errespetatu beharko duena.

Nahiz eta euren atarian kritiko agertzen diren gaur egungo politikak hartutako bidearekin, ez dute beren burua iraultzailetzat hartzen. Haratago doaz. “Alderdi politiko bat baino gehiago, demokrazia filosofia berri bat sustatu nahi dugu, edo, hobeto esanda, antzinako filosofia demokratikoa”. Hala ere, jakitun dira egoera jakinetan euren jarrera politikoak agertu beharko dituztela, eta partaideen arteko ideologia aniztasunak lan hori erruz zailduko diela. Hala ere, Barrios baikor agertu da, eta uste du parte hartzearekiko apustua guztien iritziak batzeko gai izango dela.

Datorren urteko hauteskundeak erabakigarriak izango dira Ikuneren etorkizunerako. Lan gogorra izango dute aurrerantzean, baina koalizioak sortzeko prest agertu dira. Alde horretatik, Equo, PACMA edota PUM+J alderdiekin kontaktuan jarri direla azaldu du. Politika geroz eta lokalagoa izango den galdetuta, Ikuneko koordinatzaileak ez du ideia guztiz baztertu: “Herritarrei gehien eragiten dieten arazoak herrietan bertan gertatzen direnak izaten dira”.

Abian da Ikune; abian dira herri plataformak. Zer lortzeko gai diren 2015eko foru hauteskundeek argituko dute.

Literaturan murgilduz »

Kontuleku proiektuaBerrizIrakurzaletasuna gaztetxoenen artean bultzatzeko asmoa duen proiektua abiatu dute Berrizen. Hain zuzen ere, Kontuleku proiektua abiatu du udalak, eta martxan egongo da martxora bitartean, ia zapatu guztietan.Irakurketa familia…

1.192 »

Iaz Gernika-Lumon odola eman zutenen kopurua. 1.192 lagunek eman zuten odola iaz, Gernika-Lumon. Bizkaian, emaileei dagokienez erreferente izaten jarraitzen duen arren, behera egin du azken urtean. Izan ere, aspaldi ez ziren izan 1.200 emaile baino gutxiago.

Merkealdi Azoka egingo dute asteburuan, Sodupen »

GUEÑES. Sodupeko (Gueñes) herriko plazan 7. Merkealdi Azoka egingo dute bihar eta igandean. Herriko merkatariek aurreko denboraldiko produktuak ipiniko dituzte salgai. Bihar 10:00etatik 20:00etara egongo da zabalik. Domekan, berriz, goizeko ordutegia izango du: 10:00etatik 14:00etara. Osotara, hamalau merkatarik parte hartuko dute; iazko azokan baino bat gehiagok.

“Instituzioen gutxiespena eta gainontzeko alderdien jazarpena sufritu genuen” »

Pedro Lobato urte luzez Etxebarriko alkate izandakoa da. La Voz del Pueblo herri plataformako hautagaiak herriko agintea kendu zien ohiko alderdiei duela 22 urte. “Auzotarren bitartez eta auzotarrentzat” gobernatu zuen ordutik. Nahikoa egin duela iritzita, azken hauteskundeetan Lorenzo Oliva gazteari utzi dio lekukoa. Ordutik, haren izena jarri diote Etxebarriko kale bati —Pedro Lobato kalea—, eta San Antonio ikastetxera bueltatu da, irakasle.

Noiz jaio zen La Voz del Pueblo? Zeintzuk ziren garai hartako baldintzak? Zerk eragin zuen taldea sortzea?

La Voz del Pueblo 1990. urte amaieran sortu zen, garai hartan gobernatzen zutenek [PSE-EAJ] San Antonio auzoarekiko erakutsi zuten utzikeria ikusita. Egoeraz nekatuta, min handiena egiten zien lekuan eman genien min: hauteskundeetan, hain zuzen. 1990eko urriaren 26ko hauteskundeetan Ez bozkatu izeneko proposamena egin genuen, eta %80ko abstentzioa lortu genuen auzoan. Urtebete geroago, batzar jendetsu bat antolatu genuen, eta erabaki genuen alderdi independente bat sortzea. Gehiengoak hautagai izendatu ninduen, eta alkatetza lortu genuen.

Nolakoa izan zen plataformaren hasiera?

Instituzioen gutxiespena eta alderdi guztien jazarpena sufritu genuen. Dena den, auzotarren babesa jaso eta baliabideak kudeatzen hasi ginenean gu errespetatzen hasi ziren.

Gogorra egin zitzaizuen beste alderdien indarrari aurka egitea?

Bai, oso gogorra egin zitzaigun, baina inbertitu genituen orduek fruituak eman zituzten, eta hori garbi geratu da gaur egun etxebarritar guztiek daukaten bizi-kalitatean.

Zure iritziz, zer eskaintzen zenuten zuek Etxebarrin beste alderdiek eskaini ezin zutena?

Hurbiltasuna, gardentasuna, zintzotasuna eta egunero erakutsi izan dugula politikan besteak zerbitzatzeko gaudela, ez gure etekinerako.

Zer esango zenieke udal batean tokiko gaiez gain errealitate politikoaz ere hitz egin behar dela pentsa dezaketen pertsonei?

Udalaz kanpoko errealitate politikoa ezagutu eta tratatu egin behar da, baina horrek ez du atzeratu behar gure auzokideen bizi-kalitatean eragin dezaketen neurrien onarpena. Guk bakarrik udalak eta herriak dituen baliabideak kudeatu ditugu, beste foro batzuetan erabaki beharko liratekeen eztabaidetan sartu gabe. Nahiz eta gehiengo zabala eduki, beti egon gara zabalik beste alderdiek aurkezten zituzten proposamenei, betiere herritarrentzako interesgarriak zirela uste izan badugu.

Zer-nolako erantzuna izan zuten beste alderdiek hauteskundeak lehen aldiz irabazi zenituztenean?

Sorpresa handiarekin eta oso oposizio gogorra eginez. Batzuek era osasuntsu batean, eta beste batzuek jasotako kolpea ulertu ezinik.

Zein izan da aurre egin behar izan diozuen trabarik handiena?

350 milioi pezeta zituen udala aurkitu genuen lehen aldiz hauteskundeak irabazi genituenean, eta baliabide ekonomiko faltari eta erakundeen mespretxuari gure berezko baliabideen azterketa sakon batekin egin behar izan genion aurre.

Nola irudikatzen duzu Etxebarri 22 urtez alkatetzan egon ez bazinate?

1991n, Reclorisa izeneko lantegi bat herrian zabaltzeari uko egitea oso lan zaila izan zen, babes handia zeukalako aurreko udalaren, hainbat enpresariren eta erakundeen aldetik. Etxebarriko garapena hipotekatuko zukeen, eta gaur egun daukagun bizi-kalitatearen ordez kutsadura jasan beharko genukeen.

Badirudi herri plataformek politikaz “paso” egiten duzuela, edo gutxienez gaur egun praktikan dagoen politika egiteko moduaz. Zein iritzi daukazu horren inguruan?

Ez dugu paso egiten. Gure taldeak ideologia ezberdina duten hainbat pertsonaz osatuta daude, baina ez dugu uzten eztabaida politikoak gure udalaren bizitza oztopatzea.

Zergatik erabaki duzue Ikune proiektuan parte hartzea?

Gure taldean betidanik sustatu dugu herritarren parte hartzea. Herritarren batzarren bidez egin izan dugu betidanik.