Zenbaterainoko gehiengoa »

EAJ izango da nagusi Bizkaiko foru hauteskundeetan; inork ez du zalantzan jartzen. Alderdiak berak gehiengo osora gerturatzea amesten du. Zalantzan dago ea EH Bilduk bigarren postuari aise eutsiko dion, PSEk gora egingo duen, Podemosen lekua zein izango den eta PPren gainbehera nora iritsiko den. - Irakurri gehiago...

Nagusitasunak eta aulki dantza »

Duela hiru urteko hauteskundeek Bizkaian eratutako mapa aldatu egingo da igandean, aurreikuspen guztien arabera. Elkarrekin Podemos izan zen nagusi 2016an, eta, inkesten arabera, EAJk nagusigoa berreskuratuko du bere gotorlekuan. Indarra hartu, eta Madrilen eragin nahi dute alderdi guztiek. - Irakurri gehiago...

Estalitako historia agerraraziz »

Natalia Salazar Orbe

Laurogei urte baino gehiago igaro dira bonbek herria suntsitu zutenetik. Italiako Aviazione Legionarioko hegazkinek gutxienez 281 bonba jaurti zituzten Durango gainean, eta bonbardaketan 336 pertsona hil ziren. 1937ko martxo odoltsu hartan gertatutakoa ahanzturan gera ez dadin, eta sarraskian bizia galdu zuten herritarrak gogoratzeko, hainbat jarduera antolatu dituzte datozen egunetarako Durangoko Udalak eta Gerediaga elkarteak.

Auzitegiak Mungiako alkatea ikertuko du, prebarikazioagatik »

Aitziber Laskibar Lizarribar
Ager Izagirre Mungiako alkate jeltzalearen kudeaketa susmopean dago. Kudeaketa hori ikertzeko agindu du Bizkaiko Lurralde Auzitegiak, baita aurreko alkate Izaskun Uriagerekaren kudeaketa aztertzeko ere. Prebarikatu ote zuten ikertu nahi du auzitegiak.

Bilboko zubiak betetzera deitu dute, gaixo dauden presoen alde »

Aitziber Laskibar Lizarribar
Txus Martin, Ibon Iparragirre, Gorka Fraile, Joseba Borde, Kepa Arronategi. Bizkaiko bost preso dira, oso gaixotasun larri eta sendaezinak dituztenak. Besteak beste, eskizofrenia eta bihotzeko arazoak ditu Martinek; GIBa Iparragirrek; mingaineko minbizia Frailek; koloneko tumorea Bordek; eta antsiazko nahaste depresibo kronikoa Arronategik.

Erreparaziorik izan ez dutenei, aitorpena »

Natalia Salazar Orbe

Felipa zuen izena; orozkoarra zen. Senarra sozialista zuen, errepublikazalea edota abertzalea izatea gogor zigortzen zen garai hartan. Eta hura ere zigortu zuten: erbesteratu egin zioten gizona. Felipak, berriz, herrian bertan pairatu zituen errepresaliak. “San Martinerako errepidea egiteko lanak egitera behartu zuten; orgarekin lan egitera. Seme-alaba gaztetxoek eramaten zioten haurtxo txikia amari, bularra eman ziezaion errepide hartan lanean ari zen bitartean. Egunean bizpahiru aldiz eramaten zioten. Han lanean ari ziren presoek errespetu handiz tratatzen zutela kontatzen zuen; intimitatea gordetzen laguntzen ziotela”. Karla Santistebanen hitzak dira. Orozkoko memoria historikoa berreskuratzeko lanerako elkartu den herritar talde bateko kidea da. Bihar ikusiko dute argia Feliparenak bezalako lekukotzek, osatu duten ikus-entzunezko batean. Horrez gain, hainbat ekitaldi egingo dituzte, gaur hasita.

Metropoliaren plaza hutsak gogoetarako toki bilakatzeko erronka »

Peru Azpillaga Diez

Etengabeko metamorfosian murgilduta dagoen tximeleta baten antzera, munduak denbora guztian aldatzen du azala. Gutxinaka-gutxinaka, aldaketa txikien metaketek lurrikarak eragiten dituzte gizartean. Aldaketa txiki horiek, ordea, ez dira leku guztietan berdin antzematen.

Galdeketa egingo du Durangoko Udalak, baina obrak gelditu gabe »

Peru Azpillaga Diez
Durangoko trenbidea lurperatu izanaren ondorioz herriaren erdialdean sortu den espazio hutsaren etorkizuna erabakitzeko sortu zen Erabaki plataforma. Lursail berri horretan, Jaurlaritzak, udalaren oniritziarekin, hamazortzi solairuko bost dorre eta babestutako etxebizitza bloke bat eraikitzeko proiektua abiatu zuen uztailean.

Egoerak ez du hobera egin »

Euskal presoen eta haien senideen eskubideek urratuta jarraitzen dutela salatu du Orain Presoak dinamikak. Preso gutxiago izan arren, haien egoerak beti bezain gogorra izaten jarraitzen duela. Espetxe politika hori aldatu dadila eskatzeko, manifestazioak egingo dituzte bihar Bilbon eta Baionan. - Irakurri gehiago...

Herri galdeketen azken olatua »

Igandean izango dira Gure Esku Dago plataformak antolatutako azken herri galdeketak. Bizkaian, Zalla, Balmaseda eta Alonsotegiko herriak izango dira erabakitzeko eskubidea gauzatzen azkenak. - Irakurri gehiago...