Eusko Jaurlaritzak, Ihoberen bitartez, tokiko ekoberrikuntzarako hamabi proiektu finantzatuko ditu Bizkaian.
Urduña
Eskola publikoko jolastokia. Birnaturalizatu egingo dute, hiri barruan babesleku bat sortzeko. Bero boladen ondorioak arindu eta uholde arriskuak murriztuko ditu.
Belandia. Landa liburutegiaren kanpoaldeko espazioa klimaren arabera egokitzeko irizpideei jarraituz egokituko dute. Eraikina ere irizpide berekin egokituko dute.
Amoroto
Hiri antolamenduko plana. Klima aldaketa hiri antolamenduko plan orokorrean txertatzeko informazioa, jarraibideak eta egokitzapen neurriak prestatuko dituzte, plana idazteko.
Bakio
Akuiferoa. Klima aldaketara egokitzeko, kontserbazio eta hobekuntza jarduketak egiteaz gain, monitorizazio sare bat jarriko dute.
Durango
Hiri azpiegitura berdea. Alienaldeko berdegunea Europako Batasunaren Biodibertsitatearen Estrategiaren Hiria Ekologizatzeko Planaren bitartez egokituko dute.
Santurtzi
Iparragirre etorbidea. Oinezkoentzako leku gehiago izango dute, arkitektura oztopoak kenduko dituzte, eta zuhaitz eremuak sortuko dituzte.
Muxika
Aparkalekua. Klima aldaketara egokitzeko konponbideak ezarriko ditu udalak Ibarruriko aparkalekuan.
Sestao
Lugorriak. Lurzoru emankor bihurtuko dituzte, belardi autoktono eta abeltzaintza leheneratzailearekin.
Zamudio
Organikoa. Bermikonpostatze instalazio bat jarriko dute herriko ikastetxean.
Bilbo
Maria Diaz Harokoa kalea. Korridore berde bihurtuko dute.
Balmaseda
Ekogunea. Baratzeak, konpostatze gunea, ibaiertzeko basoa eta anfibioentzako urmaela izango ditu.