Lur gaineko sokatira txapelketa jokatu zuten zapatuan, Laukizen. Erandioko Goiherri taldea nagusitu zen; 12 puntu eskuratu zituen. Laukizko Gaztedi geratu zen bigarren, 9 puntugaz; hirugarren Abadiñok egin zuen (6 puntu); Gaztedi B-k hiru puntu eskuratu zituen, eta Laukizko Gaztedi Neskak taldeak, azkenik, ez zuen bat ere lortu. 680 kiloko mailan lehiatu ziren. Abadiñoko taldearentzat, esperientzia berria izan zen, ez baitira lur gainean aritzen, goma gainean baizik.