Bizkaiko Hitza http://bizkaia.hitza.eus Bizkaiko astekaria Fri, 21 Sep 2018 07:43:26 +0000 eu hourly 1 http://wordpress.org/?v=4.0.1 Porlanaren azpian ereindako haziak http://bizkaia.hitza.eus/2018/09/21/porlanaren-azpian-ereindako-haziak/ http://bizkaia.hitza.eus/files/B-Uribe-150x150.jpg http://bizkaia.hitza.eus/2018/09/21/porlanaren-azpian-ereindako-haziak/#comments Thu, 20 Sep 2018 23:15:00 +0000 http://bizkaia.hitza.eus/?guid=516196bc546b1642ddae244ca1375085 Peru Azpillaga
Berdea eta grisa. Garapena eta suntsiketa. Porlana eta lurra. Egoera dialektiko latzean irauten dute egun gizakiak eta naturak bizirik. Azken urteetan, aldaketa handiak izan dira, eta hiri proiektu berriek guztiz itxuraldatu dute Bizkaia.Porlanak aurrea hartu die larre berdeei; horren adibide garbia da Uribe Kostaren egungo izaera.

The post Porlanaren azpian ereindako haziak appeared first on Bizkaiko Hitza.

]]>
Peru Azpillaga

Berdea eta grisa. Garapena eta suntsiketa. Porlana eta lurra. Egoera dialektiko latzean irauten dute egun gizakiak eta naturak bizirik. Azken urteetan, aldaketa handiak izan dira, eta hiri proiektu berriek guztiz itxuraldatu dute Bizkaia. Eraikin berriek estali egin dituzte aspaldiko soroak; larre berdeak goizero bustitzen zituen ihintza hara eta hona lanera doazen autoen kristaletan sortzen da orain. Antzinako zonalde industrialen aurpegi garbiketak eragina izan du inguruko herrietan ere. Porlanak aurrea hartu die larre berdeei; horren adibide garbia da Uribe Kostaren egungo izaera.

Han jazo da, orain dela gutxi, gizakiaren eta naturaren arteko gatazkaren azken borroka: Ibarbengoako aparkalekua. Luze jo du auziak. 2011. urtean eraiki zuten Ibarbengoako metro geltokia; aparkalekua egin arte, ordea, ez da irekiko, eta, beraz, atzerapenak geltoki fantasma bilakatu du gunea. Tosuko bizilagunek aparkalekuaren landa okupatu zuten, eta, zazpi urte horietan zehar, mota guztietako proiektuak, egitasmoak eta tirabirak izan dira: kanpaldiak, erresistentzia baketsua, martxak, manifestazioak, auzolana, nekazaritza… Urteetan luzatu zen erresistentzia jardunak, baina, ez zuen lortu bidea egiterik, eta ostera ere porlana lurrari gailendu zitzaion.

Liskarraren zantzuak nabariak dira oraindik ere. “Tosukoa, egia esan, oso borroka aberasgarria izan da, eta, bataila galdu dugun arren, beste arlo batzuetan aurrerapauso handiak eman ditugu; adibidez, jendearen arreta eta txip aldaketa”, azaldu du Hodei Rodriguez Tosuko asanbladako kideak. Haren esanetan, Tosuko borrokaren ondorioz herritarrek ulertu dute zeresana dutela proiektu urbanistikoen aurrean ere. Aparkalekuaren obrak jada martxan daude, baina Rodriguezek argi du oraindik ere asko dutela esateko.

Horregatik, beste ekintza bat jarri dute martxan: Tosutik Uribe Kostara, porlan azpiko lurra irauliz izeneko jardunaldiak. “Fase aldaketak bultzatu gaitu beste egitasmo mota bat egitera: Tosuko borroka, hasieratik, eskualde osoko borrokatzat hartu genuen, Ibarbengoako aparkalekua puntu estrategikoa zelako haien urbanizazio planean Bilbo Handiaren continuum urbano hori sortzeko”. Ez dute obrak geldiaraztea lortu, baina bai eskualde osoko jendea kezkatzea eta mobilizatzen hastea. Hala, jardunaldi batzuk antolatzea erabaki dute, haien borroka eskualde osora zabaltzeko. “Urbanizazioaren inguruan nolabaiteko kezka duten herri desberdinetako pertsonak batzea izan da helburua, eskualde mailan, gure herrietan ditugun arazoei buruz hausnartu eta zer egin dezakegun planteatzeko”, argudiatu du. Jardunaldien ostean, martxa bat egingo dute Erandiotik Gorlizera.

Egun pairatzen duten garapen urbanistikoko prozesua aspalditik datorrela dio Rodriguezek, eta 2001. urteko BTA Baldintza Teknikoen Agiriaren ondorioz areagotu zela: “Orain dela 40 urte-edo, Bilbo metropoliaren arkitekturaren barruan, Uribe Kosta bizitegi gune bilakatzea erabaki zen; lo hiri erraldoi bat”. Adierazi du ordura arte Uribe Kosta tradizionalki landaz josita zegoen nekazaritza eremua zela. Baina, denboraren poderioz, landa horiek desagertuz joan dira. “BTAn bertan jada planteatu egiten da Bilbotik Plentziaraino continuum bat egiteko ideia, eta, krisiarekin moteldu bazen ere, argi dago ez dutela gelditzeko asmorik”.

Proiektu urbanistiko horrek haien eskualdea “arazoz josi” duela erantsi du Rodriguezek, eta jardunaldietako egitaraua horren isla da. Sei ardatz nagusi izan ditu, guztiak hirien garapenarekin eta urbanizazioarekin lotuak: lotarako herriak, mugikortasuna, prozesu parte hartzaileak, hazkundearen eta nekazaritzaren arteko talka, hiri udatiarren problematika, eta zurikeria. Herri bakoitzean arazo baten inguruko hitzaldia egin dute. Batzuk herri batzuen problematika zehatzak dira, baina gehiengoa eskualde osoak konpartitzen dituen arazoak direla nabarmendu du Rodriguezek. “Arazoak nahiko antzekoak dira eskualde osoan, gauza batzuk zenbait lekutan nabariagoak diren arren. Hazkunde urbanistikoa da arazo guztien arteko haria, eta, azken urteetan argi ikusi dugunez, horrek zurikeria dakar inplizituki”. Hori ikusita, herriak zeresana duela ulertarazi nahi dute.

LOTARAKO HERRIAK

Uribe Kostako eskualdean, etxe ugari egin dira urteotan. Tosuko asanbladak salatu duenez, haien eskualdea Bilbo Handian eta Txorierrin lan egiten duten pertsonentzako lotarako eskualde bihurtu nahi dute, eta horrek ondorio latzak ditu herritarren bizi baldintzetan. “Hasteko, jende gehienak egunero joan behar du Bilbora edo Txorierrira; mugikortasun eta kutsadura arazoak areagotzen dira”, adierazi du. Lotarako herriak “toki mortuak” direla salatu du, trantsiziorako pentsatuta daudelako. “Errepide handi eta ingurabideen ondorioz, herria isolatuta geratzen da, eta lekuak, pixkanaka, zeukan bizitza guztia galtzen du”. Zerbitzuak ere oso urriak direla azaldu du. “Apenas dagoen aisiarako tokirik, eta, beraz, autoa funtsezkoa da edozer gauzatarako: herrian ez dago ezer; lursailak etxebizitzak eraikitzeko erabiltzen dituzte, eta espazio handiak erabiltzen dituzte; saltoki guneak eta denda handiak baino ez dituzte eraikitzen”. Beraz, autoan oinarritzen dira bai aisia eta baita bizitza ere, Rodriguezen esanetan, eta horrek umeei eta zaharrei egiten die kalterik handiena.

MUGIKORTASUNA

Lotarako herri batean bizitzean, mugikortasuna funtsezkoa bilakatzen da egunerokoan. Autorik gabe, adibidez, isolatuta geratzen zara, Rodriguezek dioenez, eta garraio publikoaren menpe. Uste du, ordea, autoak arazoa direla konponbidea baino gehiago. Leioan, adibidez, Artatzako errepideak herri osoa zeharkatzen du, eta 100.000 auto igarotzen dira egunean. “Zifra oso kezkagarriak dira, megalomanoak”. Gogoratu du, gainera, “supertunelaren proposamena” mahai gainean dagoela orain: “Konponbide bat balitz bezala saltzen dute, baina gure ustez ez da hala izango. Ez du zentzurik autoaren erabilera are gehiago bultzatzeak autoan oinarritutako mugikortasun arazo bat konpontzeko”. Rodriguezek dioenaren arabera, Uribe Kostan “etxe mordoa” eraikitzen badira, eta Txorierrin, berriz, “industrialde pila bat”, azkenean jendea egunero batetik bestera mugitzera bultzatzen duzu, horrek dakartzan arazo guztiekin. “Tokiko garapena sustatu beharrean, lanera edo ikastera joateko edota beste edozer gauza egiteko mugitu behar izatea sustatzen dute, eta garraio publikoaren eskasiak garraio pribatuaren menpe bizitzera kondenatzen zaitu”.

UDALAREN PARTE HARTZEA

Azken urteetan biztanleria txikitu egin da Uribe Kostan, eta aurreikuspenek diote joera areagotu egingo dela. Hala ere, Getxoko Udalak zenbait etxebizitza eraikiko ditu Algortako Andra Mari auzoan. 2013. urtean, HAPO Hirigintza Antolamenduko Plan Orokorra berrikusteko, prozesu parte hartzaile bat jarri zuen martxan udalak. Bertan parte hartu zuten herritar gehienek proposatu zuten gehiago ez eraikitzea Andra Marin, baina Getxoko Udalak ez zuen proposamena kontuan hartu. “Horregatik egingo dugu berba prozesu parte hartzaileek dakartzaten tranpen inguruan. Izan ere, instituzioek halako prozesuak erabiltzen dituzte batzuetan haien erabakiaren propaganda egiteko edota nolabait justifikatzeko; eta, ateratzen dena ez badator bat haien iritziarekin, ez dute kontuan hartzen”, kexatu da Rodriguez.

HIRI UDATIARRAK

Jardunaldietako arazorik “lokalenetarikoa” da; hots, estrategia berari erantzuten dion arren, herri batzuei soilik eragiten dien arazo bakarrenetarikoa. Plentzia eta Gorlizeko herriekin dago lotuta batik bat; herri horiei izugarri ugaritzen zaie biztanleria udan. “Plentzia eta Gorlizen 5.000 pertsona inguru daude erroldatuta, eta udan ia 20.000 egoten dira; hau da, biztanleria laukoiztu egiten da, eta horrek arazo asko dakartza”.

Horrekin batera, gazteentzat etxebizitza aurkitzea “oso zaila” dela salatu du: “Etxe asko hutsik egoten dira urte osoan, beste herri batean bizi eta udan soilik datozen pertsonenak direlako”. Gainera, hark dioenez, eraikitzen dituzten etxeak udatiarrengan pentsatuta daude, eta ez dira batere merkeak: “Etxebizitza garestiak dira, igerilekua duten etxeak, igual Neguriko gazteentzako egokiak, baina besteontzat ez dira oso baliagarriak”.

EREDUEN ARTEKO TALKA

“Guk beti egin izan dugu nekazaritzaren aldeko apustua, eta, egun, gazteentzat ezinezkoa da eremu horretan lanean hastea”, nabarmendu du Rodriguezek. Haren esanetan, lursailen birkalifikazioak ezinezko egin du gazteek lur zati bat eskuratu ahal izatea: “Jendeak oso garesti saltzen ditu lursailak, espekulazioaren ondorioz negozio on bat egiteko aukera izango duten esperantza dutelako edota haien lurrak jada urbanizatu direlako”. Horrez gain, Rodriguezek dio eskualdeko landa eremu gehienak suntsitu egin dituztela, errepideak, etxebizitzak edota gune komertzialak eraikitzeko.

Tosuko borroka landa eremuaren eta porlanaren arteko azken liskarra izan da, bi ereduren arteko azken talka. Rodriguezen hitzetan, “lurrak espekulaziorako objektu bilakatu dira; berdeguneak mozkinen izenean estaltzen dituzte. Tosukoa horren aurka sortutako borroka zehatza izan zen, baina, arazoa orokorra izanik, erantzunak ere halakoa izan behar du orain, orokorra”.

Jardunaldietan proposatu dituzten saio guztietan hirigintza ereduaren inguruko problematika landu dute. “Zerbait oso abstraktua iruditzen zaigu, eta askotan esaten digute gauza neutroa dela, interesik gabekoa; baina gure analisia kontrakoa da”, ondorioztatu du. Rodriguezek deritzo urbanizazio prozesuetan kapitalaren interesak gailentzen direla, eta, beraz, “inposatutako” hiri ereduak kapitalaren metaketa bultzatzea duela helburu. “Guk horren aurka egin eta pertsonen beharrizanetan oinarritutako eredu bat eraiki nahi dugu”.

Hori dela eta, jardunaldiokin agerian utzi nahi dituzte haien herrien eraldaketaren atzean dauden interesak, eta bestelako hiri eredu bat eraikitzeko bidean antolatzen hasi. Jendearen gogoak zein diren ikusi eta “zer egin dezaketen” hausnartuko dute. “Jendea prest badago, lanketaren bat aurrera aterako da”. Jada saio guztiak eginak dituzte, eta “oso arrakastatsuak” izan dira. “Gutxi batzuen diru gosearen mesederako urbanizazio neurrigabe eta zentzugabe batzuk dakartzan etorkizun grisa eragotzi nahi badugu, ezin gara instituzioen zain geratu”, adierazi du.

The post Porlanaren azpian ereindako haziak appeared first on Bizkaiko Hitza.

]]>
http://bizkaia.hitza.eus/2018/09/21/porlanaren-azpian-ereindako-haziak/feed/ 0
Zentro espezializatuak eskatu ditu Bilboko Harrera Auzoen Sareak http://bizkaia.hitza.eus/2018/09/21/zentro-espezializatuak-eskatu-ditu-bilboko-harrera-auzoen-sareak/ http://bizkaia.hitza.eus/files/B-Harrera-150x150.jpg http://bizkaia.hitza.eus/2018/09/21/zentro-espezializatuak-eskatu-ditu-bilboko-harrera-auzoen-sareak/#comments Thu, 20 Sep 2018 23:14:00 +0000 http://bizkaia.hitza.eus/?guid=2d95988a61b8eee8bcc16a41da16c692 Aitziber Laskibar Lizarribar
Euren herrietatik ihesi egunero Bilbora heltzen diren errefuxiatu eta migratzaileak hartzeko instituzioek martxan dituzten baliabideak ez dira nahikoa. Argi dute hori Bilboko Harrera Auzoen Sarean biltzen diren herritarrek.

The post Zentro espezializatuak eskatu ditu Bilboko Harrera Auzoen Sareak appeared first on Bizkaiko Hitza.

]]>
Aitziber Laskibar Lizarribar

Euren herrietatik ihesi egunero Bilbora heltzen diren errefuxiatu eta migratzaileak hartzeko instituzioek martxan dituzten baliabideak ez dira nahikoa. Argi dute hori Bilboko Harrera Auzoen Sarean biltzen diren herritarrek. Hain zuzen, sarearen existentzia bera da horren frogarik argiena. Lotarako lekurik gabe, kalean geratzen dira dozenaka pertsona, egunero, Bilbon. Egoera hori ikusita ezin zutela beste aldera begiratu sentituta, antolatzen hasi ziren herritarrak. Ekain amaieratik, ehunka pertsonari eman diete lo lekua eta jatekoa Atxurin, Bilbo Zaharrean, Santutxun. Datozen egunotan utziko dute Santutxuko Karmela etorkinek, eta beste harrera auzo batek hartuko du lekukoa. “Baina hori ez da irtenbidea”. Hori argi dute batez ere Afrikatik iristen direnei oinarrizko baliabideak eskaintzeko lanean ari direnek: “Hori instituzioen lana da”.

Instituzioekin bilera

Aurrez aurre esan diete hori Bilboko Udaleko, Bizkaiko Foru Aldundiko eta Eusko Jaurlaritzako ordezkariei harrera sareko kideek. Aurreko ostiralean bildu ziren udaleko eta aldundiko gizarte zerbitzuetarako teknikariekin eta Jaurlaritzako Lanbide eta Gizarte politiken saileko komunikazio zuzendariarekin. Euren kezka azaldu zieten hiru instituzioetako ordezkariei. Udalak, aldundiak eta Jaurlaritzak martxan dituzten protokolo, plan eta programak ez direla eraginkorrak, ez direla nahikoa eta epe laburrera begirakoak direla esan zieten. Eta orain arte hartu dituzten neurriak zein aurrera begirarako iragarri dituztenak “garbiki eskasak” direla. Ez direla nahikoa egoerari behar bezala erantzuteko.

Harrera Auzoen Sarean biltzen diren herritarrek egunero 150 lagun ingururi harrera egiten dietela ohartarazi dute. Instituzioen baliabideak agortuta, kalean geratzen diren pertsonak artatzen dituztela. Eta ez dela lan erraza azaldu du Jokin Alberdik, Bilboko Harrera Auzoen Sareko kideak: “150 pertsona leku berean izatea eta kudeatzea oso zaila da”. Iluntzean, 20:00etan joaten dira migratzaileak Karmelara. Etorkinek beraiek eta auzokideek prestatutako janaria afaldu, eta herritarrek eramandako esterekin eta mantekin babestuta egiten dute lo, lurrean. Pare bat auzokidek haiekin igarotzen dute gaua, txandaka. Goizean, 08:00etarako husten dute guztiek Karmela.

Kalean igarotzen dute eguna etorkinek. Eta hori ez da batere egokia Alberdiren hitzetan; “mafiek harrapatzeko arriskua dago”. Arreta integrala aldarrikatu du, hargatik. Harrera integrala, eta zentro espezializatuak. Ez zaio horren konplexua iruditzen. Herritarrak boluntarioki egiten ari direna jartzen du horren adibide. Dagoeneko “espezializatzen” ari direla dio. Ohartu direla lotarako lekua eta janaria baino gehiago behar dutela noraezean dabiltzan horiek, eta herritarrak ari direla urratsak egiten bide horretan: boluntario talde batek gaztelera ikasteko ikastaroak ematen dizkie, beste talde batek osasun arreta bermatzeko tramiteak egiten laguntzen die, eta aholkularitza juridikorako talde bat ere badago. Horrez gain, denbora zerekin bete izan dezaten, asteburuetarako ekintzak ere antolatzen ari dira.

Arreta integrala

Alde horretatik, lolekua ematetik harago, arreta integrala eskatu diete instituzioei, eta horri begirako zentro espezializatuak sortzeko. Egunez ere zabalik leudekeen zentroak lirateke, osasun arreta bermatuko luketenak, eta ikastaroak eta beste eskainiko lituzketenak. Gaur egun hiru gau egon daitezke, gehienez, instituzioek egokitutako aterpeetan. Herritarren sareak, sei hilabetera arteko muga jartzeko proposatu du.

Deszentralizazio beharra ere plazaratu du sareak. Instituzioei herriek dituzten baliabideak aztertzeko eskatu diete, migranteei, multzoka, harrera egokia egiteko. Harrera sarea bera ere aukera hori aztertzen ari da.

Instituzioetako ordezkariekin bilera egin ondoren, erantzunaren zain daude harrera taldekoak. Eta, egiten ari diren lana ez dagokiela eurei badakiten arren, instituzioek egiten ez duten bitartean, migratzaileei laguntzen jarraituko dutela ohartarazi dute. Bide horretan, herritarrak egiten ari diren lana ikusarazi eta Bilboko Udalari “dagokion lana egin dezala” eskatzeko, kalejira zaratatsua egingo dute gaur, 19:00etan Ritxi plazatik abiatuta.

The post Zentro espezializatuak eskatu ditu Bilboko Harrera Auzoen Sareak appeared first on Bizkaiko Hitza.

]]>
http://bizkaia.hitza.eus/2018/09/21/zentro-espezializatuak-eskatu-ditu-bilboko-harrera-auzoen-sareak/feed/ 0
Sopela Kosta Fest jaialdiak surfa eta musika batuko ditu asteburuan http://bizkaia.hitza.eus/2018/09/21/sopela-kosta-fest-jaialdiak-surfa-eta-musika-batuko-ditu-asteburuan/ http://bizkaia.hitza.eus/files/B-Sopela-150x150.jpg http://bizkaia.hitza.eus/2018/09/21/sopela-kosta-fest-jaialdiak-surfa-eta-musika-batuko-ditu-asteburuan/#comments Thu, 20 Sep 2018 23:13:00 +0000 http://bizkaia.hitza.eus/?guid=0467baf8c536bfd375291ae9db99b591 Peru Azpillaga

Atzo abiatu zuten V. Sopela Kosta Fest jaialdia, eta, igandera bitartean, Sopelako kaleak eta hondartzak musikaz eta surfez beteko dira. Mota guztietako ekintzak dituen egitarauaren barruan, ikastaroak, lehiaketak, bisita gidatuak eta kontzertuak egongo dira, besteak beste. Ekintza guztiak dohainik izango dira, eta adin guztietako pertsonentzat dira.

The post Sopela Kosta Fest jaialdiak surfa eta musika batuko ditu asteburuan appeared first on Bizkaiko Hitza.

]]>
Peru Azpillaga

Atzo abiatu zuten V. Sopela Kosta Fest jaialdia, eta, igandera bitartean, Sopelako kaleak eta hondartzak musikaz eta surfez beteko dira. Mota guztietako ekintzak dituen egitarauaren barruan, ikastaroak, lehiaketak, bisita gidatuak eta kontzertuak egongo dira, besteak beste. Ekintza guztiak dohainik izango dira, eta adin guztietako pertsonentzat dira.

Surf Business Meeting jardunaldiekin eta Film Laburren Lehiaketarekin abiatu zuten jaialdia, atzo. Lehenengo egitasmoan, surfaren industriak duen garrantziaz aritu ziren. Bertan, surfaren munduan arrakasta izan duten zenbait enpresako ordezkariak izan ziren. Film laburren lehiaketan, ostera, hiru film sarituen proiekzioa izan zen.

Gaur, musikari emango diote bidea jaialdian, eta, Sopela Kantari taldea kalerik kalek ibili ostean, lehenengo kontzertuak izango dira Udaletxeko plazan. Bihar eta etzi, berriz, ekintza eta jarduera andana izango dira egun osoan, denak dohainik; hala ere, batzuetan parte hartzeko beharrezkoa izango da aldez aurretik izena ematea.

Bihar, umeak izango dira nagusi goiz osoan, eta hainbat tailerretan murgiltzeko aukera izango dute: aztarnategi baten indusketa, Egiptoko zibilizazioa, gozogintza ekologiko eta osasuntsua edota kometagintza izango dira landuko dituzten gaietako batzuk. Horretaz gain, ikastaroek ere egunaren zati handi bat beteko dute, eta, surfean, kayaksurfean, surf egokituan eta parapente hegaldietan trebatzeko aukera izango dute bertaratutakoek.

Igandeko egitarauak ere antzeko ekintzak eskainiko ditu. Larunbateko tailerrak ez ezik, hareazko eskulturen tailerra, marinel korapiloen tailerra edota ortu ekologikoak sortzeko eta apaintzeko tailerrak ere izango dira. Gainera, goiz osorako garagardo festa antolatu dute Euskal Garagardo Elkarteko ekoizleek Udaletxeko plazan. Igandean ere surfarekin lotutako ikastaroetan parte hartzeko aukera izango da, eta, eguna biribiltzeko, Markeliñe antzerki konpainiak familiarentzako ikuskizun bat eskainiko du. Gauean, jaialdiari amaiera emateko, Earth Songs Project umeen eta emakumeen abesbatzak rockaren inguruko abesti historikoak landuko ditu Udaletxeko plazan.

Lehiaketarentzako tartea

Urtero bezala, Sopela Kosta Fest jaialdiarekin batera, itsas kirolekin lotutako lehiaketak ere egingo dituzte. Surfa izango da nagusi, baina bestelako itsas kirolek ere izango dute lekua. Itsas kirolek arrakasta handia dute Euskal Herriko kostaldeko txoko askotan, eta Sopelako jaialdian antolatzen diren lehiaketak horren adierazgarri garbia dira.

Hala, bihar eta etzi bitartean surf txapelketa andana izango da: Euskal Herriko surf elkarteen arteko txapelketa, euskal surf zirkuituaren II. eta III. probak, Euskal Herriko surf txapelketa eta beteranoen txapelketa. Horretaz gain, euskal bodyboard zirkuituko I. proba eta kayaksurf txapelketa ere egingo dituzte bi egun horietan. Bihar arratsaldean, Euskal Herriko surf elkarteen arteko txapelketako sari banaketa izango da Udaletxeko plazan.

The post Sopela Kosta Fest jaialdiak surfa eta musika batuko ditu asteburuan appeared first on Bizkaiko Hitza.

]]>
http://bizkaia.hitza.eus/2018/09/21/sopela-kosta-fest-jaialdiak-surfa-eta-musika-batuko-ditu-asteburuan/feed/ 0
Sopela Kosta Fest http://bizkaia.hitza.eus/2018/09/21/sopela-kosta-fest-2/ http://bizkaia.hitza.eus/2018/09/21/sopela-kosta-fest-2/#comments Thu, 20 Sep 2018 23:13:00 +0000 http://bizkaia.hitza.eus/?guid=38f94a70cdffacd385e2cdf7a9c85a1f Musika eta surfa izango dira nagusi Sopela Kosta Fest jaialdian. Hala, adin eta gustu guztientzako ekintza, tailer, ikastaro eta lehiaketak ez ezik, musika talde bikainen kontzertuak ere izango dira.

The post Sopela Kosta Fest appeared first on Bizkaiko Hitza.

]]>
Musika eta surfa izango dira nagusi Sopela Kosta Fest jaialdian. Hala, adin eta gustu guztientzako ekintza, tailer, ikastaro eta lehiaketak ez ezik, musika talde bikainen kontzertuak ere izango dira.

Gaur

18:00 – 21:00. Argazkien ibilbide gidatua, Sopelako kosta gunetik.

19:30 – 21:30. Itsas kantak kalerik kale, Sopela Kantari taldearen eskutik.

20:00 – 02:30. Kontzertuak, Udaletxeko plazan. Moonshajers, The Icer Company, Grises, La Sra. Tomasa eta DJ Tirry & Teri.

Bihar

09:30 – 13:00. Bisita gidatua, burdin hesiaren aztarnen inguruetara.

11:00. Tailerrak, Udaletxeko plazan.

11:30 – 14:30. Kometa taillerra, Arriatara hondartzan.

12:00. Sardina bakalau ikuskizun ibiltaria.

13:00 – 18:00. Parapente hegaldiak, Barinatxa gainetik.

20:00. Sardina erreak, Udaletxeko plazan.

20:00 – 02:30. Kontzertuak, Udaletxeko plazan. Zazkel, Melenas, Liher, El Columpio Asesino eta Travellin’ Brothers .

Etzi

11:00 – 15:00. Sopela Beer Fest.

11:00. Tailerrak, Udaletxeko plazan.

11:00. Hareazko eskulturen taillera, Arriatara hondartzan.

13:00 – 18:00. Parapente hegaldiak, Barinatxa gainetik.

19:00. Chef Nature antzerki ikuskizuna, Udaletxeko plazan.

20:30. Kontzertua, Udaletxeko plazan. Earth Songs Project taldearekin.

The post Sopela Kosta Fest appeared first on Bizkaiko Hitza.

]]>
http://bizkaia.hitza.eus/2018/09/21/sopela-kosta-fest-2/feed/ 0
Hiriaren barrunbeetan barrena http://bizkaia.hitza.eus/2018/09/21/hiriaren-barrunbeetan-barrena/ http://bizkaia.hitza.eus/files/B-Hiria-150x150.jpg http://bizkaia.hitza.eus/2018/09/21/hiriaren-barrunbeetan-barrena/#comments Thu, 20 Sep 2018 23:12:00 +0000 http://bizkaia.hitza.eus/?guid=d838bd106cc07328b500c9d916cd5e7a Natalia Salazar Orbe
Hiri iluna eta kez betea. Burdina goriaren lurrunak astun bilakatutako airea sudur zuloetan barrena. Arnasa hartu guran. Kaleak zikin. Halakoak ziren Bilbo eta Barakaldo industrializazio garaian.

The post Hiriaren barrunbeetan barrena appeared first on Bizkaiko Hitza.

]]>
Natalia Salazar Orbe

Hiri iluna eta kez betea. Burdina goriaren lurrunak astun bilakatutako airea sudur zuloetan barrena. Arnasa hartu guran. Kaleak zikin. Halakoak ziren Bilbo eta Barakaldo industrializazio garaian. Itsasadarraren inguruan eratu zen industrializazio horren motor hura. Batean zein bestean. XIX. mendean mineralentzako 23 kargaleku ere izan ziren Barakaldoko itsasadarrean. Itsasadar hori bera Bilbo eta haren inguruak egituratzen zituen elementua zen. Eraldaketa askoren lekuko ere izan da. Eta horiek guztiek ekarri dute bi hiriak zerbitzuek hartutako espazio bilakatzea. Itsasadarra eta Bilboko eta Barakaldoko etxebizitza sozialak izango ditu aurten ardatz Open House Bilbo jaialdiak. Etxebizitza sozialaren bilakaera historikoa, tipologiari dagokion bilakaera eta bizitzeko modu desberdinak dira hausnarketarako baliatu nahi dituzten alorretako batzuk. Horretarako, herritarrentzako itxita egon ohi diren edo ezezagunak diren espazioak irekiko dituzte bihar eta etzi. Hiriaren historia hobeto ezagutu eta ulertzeko aukera eskainiko dute, arkitekturaren eta hirigintzaren alorretatik aztertuta.

Arkitekturaz harago doan jaialdia da, beraz, Open House. Bilbo eta Barakaldo Iberdrola dorretik edo BECetik begiratuta ikusteko aukera eskainiko badu ere, bizitokia, lanerako lekua zein bisitarako soilik aukeratutako hiriaren zein herriaren bestelako irudi osatua eskainiko du. Besteak beste, Deustuko sifoitik itsasadarra azpitik gurutzatzeko aukera izango da. Bost solairu sakon eraikitako galeriak itsasadarraren bi ertzak lotzen ditu: Deustuko Unibertsitatea eta Arte Ederren Museoa, hain zuzen ere. Bizkaiko saneamendu sarearen lurpeko azpiegiturarik ikusgarrienetako bat ere bada. 460 metro luze den galerian murgilduko dira bisita horretan parte hartzen dutenak.

Elizak, museoak, geltokiak, lantegi ohiak, ikastetxeak zein kirol instalazioak. Iragana eta oraina hobeto ulertzen laguntzeko asmoz, ateak zabalduko dituzte era horretako eta bestelako eraikinek ere. Barakaldon, esaterako, Larrea jauregia dago ikusgai. Bandoen arteko borroka odoltsuen egoitza izan ziren dorretxeak izaera horri eusteko arrazoirik gabe geratu ziren borroka horiek bukatu zirenean. Asko eta asko erabat utzita geratu ziren; beste batzuk, baserri bihurtu ziren; eta Larrea bezalako gutxi batzuk, jauregi bilakatu zituzten. Gaur egun jatetxea da Larrea jauregia. Haren hormak zeharkatzen dituztenek historian atzera egingo dute, bandoen arteko norgehiagoketatik abiatu eta gaur egungo egoerara iritsi bitarteko bidea eginez. Iragana ezagututa geroa nola sortu den ulertuz.

Denera, 67 eraikinen ateak zabalduko dituzte aurten. Iaz, Bilbon bakarrik egin zuten eskaintza, eta 35.000 bisita baino gehiago izan zituzten.

Seinaleak eraikinetan

Jaialdian parte hartuko duten eraikin guztiek seinale bat izango dute kanpoan, eta boluntarioak hantxe izango dira bisitarien zain; informazioa emango diete bisitariei, eta ilarak kontrolatuko dituzte, eraikinak behar bezala erakutsi ahal izateko.

Eraikin bakoitzean, ordu erdi inguruko ibilbide gidatuak egingo dituzte. Bisitaldi bakoitzeko 25 lagun inguruko taldeak eratuko dituzte. Batzuk eta besteak bisitatzeko orduak eraikin bakoitzak dituen aukeren arabera antolatuko dituzte. Jaialdiari buruzko gidaliburuan zein webgunean kontsulta daitezke orduok.

Bisita horiek egiteko, ez da beharrezkoa aurretik izena ematea. Antolatu dituzten bestelako jarduera osagarrietan parte hartzeko, ordea, bai. Sei jarduera osagarri eskainiko ditu jaialdiak: Open Itsasadarra, Open Txiki, Etxebizitza Sozialari buruzko Ibilbide Tematikoak, Open Galindo, Opengram eta Open House Pasaportea.

Open Itsasadarra jardueran parte hartzen dutenek Bilboko Itsas Museoaren eta Barakaldoko Galindoko ontziralekuaren arteko bidea ontziz egin ahalko dute. Bilboko eta haren inguruetako arteria nagusia izan dena ardatz duela agerikoa izango da, beraz, jaialdiko jardueratan. Bilbok historian zehar izan dituen aldaketen lekuko izanak ere eraman du Open House Bilboko protagonista izatera. Open Itsasadarra jardueraren bidez, hiri biak lotu nahi ditu jaialdiak. Era horretan, agerian utziko dute nola hazi eta eraldatu diren itsasadarraren bi ertzak. Iazko jaialdiak eraldaketa hori izan zuen protagonista.

Open Txiki jardueraren bidez, umeentzako arkitektura tailerrak antolatuko dituzte. Etxeko txikienek arkitektura eta hiria bera beste ikuspuntu batetik esperimentatu, hauteman eta deskribatzeko aukera izango dute. Antolatzaileek uste dute era horretan ingurunearekiko interesa piztuko zaiela haurrei.

Etxebizitza Sozialari buruzko Ibilbide Tematikoen barruan Bilboko eta Barakaldoko etxebizitza sozialen arkitekturari buruzko hiru ibilbide eskainiko dituzte. Arkitektoek eta profesional adituek gidatutako saioak izango dira. Hiriko etxebizitzak zer-nolakoak diren erakutsiko dute ibilbide horietan. Baita zer-nolako bilakaera izan duten historian zehar eta zein den Bilbon eta Barakaldon etxebizitza publiko eta sozialaren ondarearen aberastasuna ere.

Open Galindok barruko araztegia barrutik ezagutzeko aukera emango du. Udan hondakin urek utzi dituzten polemiken ostean, jaialdirako ateak zabalduko ditu egunean 35.000 litro ur arazten dituen zerbitzuak.

Bisita eta tailer horiek lehiaketekin eta pizgarriekin uztartu ditu Open Housek. Esaterako, Opengram atalean, argazki lehiaketa antolatu dute. Open House Bilboren izpiritua hoberen irudikatzen duen argazkia sarituko dute.

Bestalde, Open House pasaporteak eraikinetako bisitak sustatzeko balioko du. Hain zuzen, egindako bisita bakoitzean puntuak eskuratuko dituzte bisitariek. Puntu horiek Zazpikaleetako dendetan erabili ahalko dituzten deskontuekin trukatzeko aukera izango dute. Pasaporte horiek eskuragarri izango dira Open Houseko informazio guneetan. Pasaportea eta planoa doan emango dituzte. Gidaliburuak nahi dituenak, berriz, euro bat ordaindu beharko du.

The post Hiriaren barrunbeetan barrena appeared first on Bizkaiko Hitza.

]]>
http://bizkaia.hitza.eus/2018/09/21/hiriaren-barrunbeetan-barrena/feed/ 0
Oztopoen eta bihurguneen bizikleta zirkuitua ireki dute Etxebarrin http://bizkaia.hitza.eus/2018/09/21/oztopoen-eta-bihurguneen-bizikleta-zirkuitua-ireki-dute-etxebarrin/ http://bizkaia.hitza.eus/files/B-Bizi-150x150.jpg http://bizkaia.hitza.eus/2018/09/21/oztopoen-eta-bihurguneen-bizikleta-zirkuitua-ireki-dute-etxebarrin/#comments Thu, 20 Sep 2018 23:11:00 +0000 http://bizkaia.hitza.eus/?guid=ad9ccac870d4d21f678cb19182c60c6c Natalia Salazar Orbe
Pump track eta cross country. Atzerriko bi kontzeptu horiek ezagun bihurtzen hasiak dira etxebarritarren artean. Bereziki, kirola eta abentura uztartzea gustuko dutenen artean. Oztopoz, bihurgunez eta sakangunez betetako bi zirkuitu zabaldu dituzte Etxebarrin: bata, bizikletentzako prestatuta dago, eta, bestea, bizikletan, skatean edo patinetan ibiltzeko.

The post Oztopoen eta bihurguneen bizikleta zirkuitua ireki dute Etxebarrin appeared first on Bizkaiko Hitza.

]]>
Natalia Salazar Orbe

Pump track eta cross country. Atzerriko bi kontzeptu horiek ezagun bihurtzen hasiak dira etxebarritarren artean. Bereziki, kirola eta abentura uztartzea gustuko dutenen artean. Oztopoz, bihurgunez eta sakangunez betetako bi zirkuitu zabaldu dituzte Etxebarrin: bata, bizikletentzako prestatuta dago, eta, bestea, bizikletan, skatean edo patinetan ibiltzeko.

Bekoloso parkean egokitu dituzte aisialdira begirako bi eremuok, guztira 900 metro karratu inguruko eremuan. Pump track zirkuitua itxia da. Ibilbideari dagokionez, 170 metro luze da. Bertan, 30 erabiltzaile ari daitezke aldi berean bizikleta, skate edo patinak hartuta euren abileziak eta trebezia neurtzen.

Cross country zirkuitua mendiko bizikletentzako dago pentsatuta, bereziki. Oztopo natural eta artifizialak saihestea eta horiei aurre egitea izango du egitekoa erabiltzaileak. Beste pista hori 500 metro inguru luze da, eta 60 eta 100 gidari edo txirrindulari artean har ditzake, aldi berean. Bekosolo parkean eraiki gabe geratu den eremua aprobetxatuta atondu dute zirkuitu hori.

Etxebarrin bada bizikletan ibiltzeko ohitura. Hain zuzen, Basahuntzak Kirol Elkarteak bizikleta eskola bat du. Bertako kideek lehentasuna izango dute pistok erabiltzeko, euren jarduerak gauzatu ohi dituzten ordutegietan. Klubak erabiltzen duen ordutegitik kanpo, ostera, edonorentzat zabalik daude.

Txikiak, lagunduta

Zirkuituak erabiltzeko gutxieneko adin mugarik finkatu ez badute ere, udalak erabaki du heldu batek lagunduta joan beharko dutela 12 urtetik beherakoek. Horrez gain, nahitaezkoa da kaskoa eta eskularruak erabiltzea. Eta belaunetako eta ukondoetako babesak erabiltzeko gomendioa ere egin dute.

Suitzan eta AEBetan dira ezagunagoak eta ohikoagoak pump track zirkuituak. Era guztietako erabiltzaileek gozatzeko moduko aukera eskaintzen dute. Trebatuta ez daudenek posible dute, besterik gabe, bideari jarraitzea, lasai asko. Zirkuitua ezagutu eta abilezia garatu dutenei dagokienez, oztopoak aurreikusteko aukera izango dute. Hala, modu jostagarriagoan aritu ahalko dira, saltoak egin, abiadura handia baliatu edota bira itxiagoak eginez. Trebatu ahala, gero eta jardun ikusgarriagoa eskaini ahal izango dute bizikleta zaleek. Helburua da apurka zirkuitua bukatu ahal izatea pedalei eragin gabe, aldapek emandako abiadura baliatuz eta oztopoetan berau gorde edo areagotzeko teknikak menderatu eta garatuz.

Herritarren aisialdirako eraiki dituzten zirkuitu horiek ez ezik, boleibol eta eskubaloi kantxak ere egin dituzte Bekosolo parkean bertan. Skate pista eta aire zabaleko gimnasioa ere badaude bertan. Hala ere, behin-behineko azpiegiturak dira. Izan ere, Eusko Jaurlaritzaren Hezkuntza Sailaren lurretan daude, eta lursail hori etorkizunean eskola publikoak izan ditzakeen beharrizanak asetzeko erabiliko dute. Epe ertainean ez dute aurreikusi lurrok erabiltzeko beharrik. Ordura arte gozatu ahalko dituzte etxebarritarrek.

The post Oztopoen eta bihurguneen bizikleta zirkuitua ireki dute Etxebarrin appeared first on Bizkaiko Hitza.

]]>
http://bizkaia.hitza.eus/2018/09/21/oztopoen-eta-bihurguneen-bizikleta-zirkuitua-ireki-dute-etxebarrin/feed/ 0
Beldurra http://bizkaia.hitza.eus/2018/09/21/beldurra/ http://bizkaia.hitza.eus/2018/09/21/beldurra/#comments Thu, 20 Sep 2018 23:10:00 +0000 http://bizkaia.hitza.eus/?guid=596a81e504bf7fee427ba9f8fd1d0dbe Igor Elordui Etxebarria
Beldurra hiltzeari, beldurra bakardadeari, beldurra gaixotzeari, beldurra gura dugun norbaiten heriotzari, beldurra maitemintzeari, beldurra desmaitemintzeari, beldurra etorkizunari, beldurra porrotari, beldurra aldaketari, beldurra kritikari, beldurra ametsak ez betetzeari... Guztiok izan gara, eta gara, gutxi ala asko, zerbaiten beldur.

The post Beldurra appeared first on Bizkaiko Hitza.

]]>
Igor Elordui Etxebarria

Beldurra hiltzeari, beldurra bakardadeari, beldurra gaixotzeari, beldurra gura dugun norbaiten heriotzari, beldurra maitemintzeari, beldurra desmaitemintzeari, beldurra etorkizunari, beldurra porrotari, beldurra aldaketari, beldurra kritikari, beldurra ametsak ez betetzeari… Guztiok izan gara, eta gara, gutxi ala asko, zerbaiten beldur. Burtsan kotizazioak bezala egiten du beldurrak, gora eta behera, sasoiaren eta egoeraren arabera. Oparo batzuetan, xumeago beste batzuetan, baina balore segurua da (balore, a zer paradoxa) gure emozioen burtsako indizean.

Ez dakit oso ondo zein edadetatik dugun gizakiok oroitzapenak memoriaren biltegian gordetzeko kapazitatea, baina nire umezaroko unerik estugarrietako bat ondo gogoan daukat. Aitarekin eta amarekin paseoan Areetako kaitik nabilela zerbaitekin entretenitu naiz. Burua altxatu dudanean ez daude, ez bata ez bestea, nire ondoan. Ez ditut ikusten. Ez daude. Hankak eta hankak ikusten ditut hara eta hona, nire aurretik pasatzen, baina ez dira aitaren hankak eta ez dira amaren hankak. Ez, ez daude. Bakarrik nago. Beldurra.

Urteak geroago, familiaren argazki-albuma begiratzen, memento hura argazki batean atzeman nuen. Hantxe nago, garaiko sepia koloreko argazki batean; lauzpabost urteko mutikotxoa, kaiko barandari esku batez helduta, bakar-bakarrik eta izua begietan. Polito nengoela eta argazkia ateratzea otuko zitzaien gurasoei. Ezer esan barik nigandik aldendu eta, klik, argazkia atera zidaten. Eta, klik, ordutik beldurra zer den sentitzen hasi nintzen, gaur artio.

Orain, harrezkero berrogei urteak pasatxo, jada lehen lerrokadako zerrendako beldur guztiak, halabeharrez, noiz edo noiz justifikatzen direla ikasi, edo behinik behin ikusi, dudanean, nire zazpi urteko alabaren egunotako beldurrak kudeatzen saiatzen ari naiz, gauero. Hala nola alabari eragiten dioten beldur-indizearen arabera, eta berak ezarritako hurrenkeran: gerrari eta tsunamiei (hildakoak eragiten dituztelako), lapurrei eta munstroei beldurra. Barrakei, hegazkinei, abiadurari eta abarrei, lehen ez eta orain bai beldurra ematen didaten pitokeria horiei aparte, gauza bati diot beldurra, beste ezeren gainetik. Hain zuzen ere, bereak eta nireak oso desberdinak izan arren, alabak sufrituko lukeen edozein gerra-tsunami-lapur-munstrori. Alegia, alabari gertatu ahal zaion edozein zorigaiztoari. Horrek bai ematen dit, orain, beldurra.

Beldurra gainditzea ala berarekin bizitzen ikastea beste erremediorik ez dago, batere beldurrik gabe bizitzea ezinezkoa denez gero. Gainera, esaten dutenez, ona da beldurra egoera arriskutsu eta makurrei azkar eta eraginkortasunez erantzuteko. Baita arrazoi objektiboak egon barik ere, nahiz eta sortu antsietatea eta ezinegona. Eta zuk, zeri (ez) diozu beldur?

The post Beldurra appeared first on Bizkaiko Hitza.

]]>
http://bizkaia.hitza.eus/2018/09/21/beldurra/feed/ 0
“Teknologiaren atzean dauden logikak ikusiko ditugu” http://bizkaia.hitza.eus/2018/09/21/teknologiaren-atzean-dauden-logikak-ikusiko-ditugu/ http://bizkaia.hitza.eus/files/GorkaJulio-150x150.jpg http://bizkaia.hitza.eus/2018/09/21/teknologiaren-atzean-dauden-logikak-ikusiko-ditugu/#comments Thu, 20 Sep 2018 23:10:00 +0000 http://bizkaia.hitza.eus/?guid=5ce33dc2a02043696c36b45ab38e4133 Natalia Salazar Orbe
Teknologia berriei buruzko ikastaroak antolatu dituzte Azkue fundazioak eta Talaios kooperatibak, elkarlanean, euskaraz eta doan. Gorka Julio (Andoain, Gipuzkoa, 1982) izango da irakaslea. Lau ikastaro trinko emango ditu.

The post “Teknologiaren atzean dauden logikak ikusiko ditugu” appeared first on Bizkaiko Hitza.

]]>
Natalia Salazar Orbe

Teknologia berriei buruzko ikastaroak antolatu dituzte Azkue fundazioak eta Talaios kooperatibak, elkarlanean, euskaraz eta doan. Gorka Julio (Andoain, Gipuzkoa, 1982) izango da irakaslea. Lau ikastaro trinko emango ditu, bakoitza 12 ordukoa, Euskararen Etxean. Izena Azkue fundazioaren webgunean eman behar da, Ikastaro teknologikoak loturan.

Zein asmo dituzte Sartu gurekin teknologiaren ur handitan ikastaroek?

Helburua da teknologia euskaraz normalean egiten ez den moduan lantzea. Asmoa da teknologiaren errora joatea eta horren ikuspuntu sakonagoa izatea, edozein jakintza eremutik abiatuta. Ez da zertan aditu bat izan, baina bai gai honetan sakontzeko interesa izan.

Norentzat dira?

Interesa daukan edonorentzat. Batzuk erabiltzaile arruntentzat dira: sakelako bat denok daukagu. Pribatutasunarekiko ardura edo Interneten zer-nola ibili sakonago jakin nahi duenarentzat dira. Beste batzuk, aldiz, sortzaileagoa den pertsona bati suerta dakizkioke interesgarriago: web teknologiak edo webguneak egiteko orduan atzean dauden tripak edo nola egiten den web sinple bat jakin nahi duenarentzat. Eta beste batzuk aproposak dira talde dinamiketan, elkarteetan, kolektiboetan edota enpresetan dabilen jendearentzat; komunikazioa hobetu nahi dutenentzat. Hezkuntzari lotuta daudenak ere badaude; hezkuntza gehiago ukitzen dutenak. Hala ere, aro digitalean gaudenez, edozeinentzat balio dute denek.

Iragarri duzuenez, oinarrizko gauzak landuko dituzue ikuspuntu kritiko batetik. Zer-nola gorpuztuko da hori?

Beste ikastaro batzuekin alderatuz, erroan sakonduko dugu gehiago. Teknologiaren atzean dauden logikak ikusiko ditugu. Teoria eta praktika uztartuko ditugu, une oro azaldutakoa praktikan jarriz. Bestalde, teknologiekiko irakurketa kritikoa susta dezaketen gaiak ere landuko ditugu. Besteak beste, software librea; pribatutasuna; segurtasuna; sorkuntzari dagokionez, atzean dagoen lengoaiak ezagutzeko aukera; eta komunikazioari begira, kontuan hartuko ditugu dauden tresnak. Esaterako, berehalako mezularitza edota Twitter. Horien alternatibak ere emango ditugu, eta nolabaiteko ikuspuntu kritikoa landuko da, arrazoituz zergatik erabiltzen diren edo nola erabil ditzakegun. Zein beste alternatiba edo egiteko beste era dagoen ere azalduko dugu. Azken batean, aukerak irekitzea da proposatzen duguna. Izan ere, ezezagutza dagoenean edo jendea ahaldunduta ez dagoenean, ematen zaiguna onartzen dugu, eta ez dugu jartzen zalantzan. Gutxienez, zalantzan jartzeko gaitasuna lortu nahi dugu, gero norberak erabaki ahal izateko. Esaterako, sare sozialetan, zein jarrera izan behar dugu? Ikastaroetako batean talde komunikazioko tresnen artean Twitter landuko dugu. Haren dinamikak ezagutuko ditugu gero erabakiak norberak har ditzan. Batek erabaki dezake erabiltzea; beste batek, era zehatz batzuetan egitea; eta beste batek, erabiltzea modu kontzientean, eta, gainera, erabilpen oso aktiboa egitea.

Burujabetza teknologikoa: askatasuna eta pribatutasuna sarean izenburupean datorren astean egingo duzuen lehen ikastaroan, zer landuko duzue?

Helburua da ordenagailu baten tripak aztertzen hastea. Zalantzan jarriko dugu kontzeptua bera ere: zer den prozesadorea, zer memoria…. Sarri asko, gailuak erosten ditugu, baina ez dakigu zergatik. Horrez gain, software librea, pribatutasuna eta ia gure gorputzeko atal bihurtu diren sakelakoak aztertuko ditugu. Horiek ezagutu eta teknologiak gure bizitzetan nola eragiten duen landuko dugu. Baloratu. Eta horien guztien erabilerak sortzen digun jakintza edo ezjakintasuna aztertu. Horretan murgildu nahi dugu gure jakintza teknologikoa. Hori guztia, egunerokotasunetik abiatuta. Ustez dakizkigun baina behar bada ez dakizkigun jakintzetatik.

Bigarrena urrian egingo duzue. Sormena eta web teknologikoak izango ditu ardatz. Zer-nola planteatuko duzue?

Webak asko erabiltzen ditugu, baina bakarrik erabiltzaile bezala. Beldur hori kentzeko, Mozilla fundazioak baditu hainbat tresna, eta horiek baliatuz oso modu errazean sor daiteke web sinple bat, web komiki bat, posta-txartel web interaktibo bat… Alegia, programazioa pixka bat landuta. Asmoa da jendeari erakustea teknologia horiek hor daudela guk erabiltzeko. HTMLa eta bestelako kontzeptu arraroak daude. Era sinple batean azalduta, ikus daiteke zer egiteko aukera ematen duten.

Komunikazio tresnak eta informazio kudeaketa landuko dituzue hirugarrenean. Zer aztertuko duzue?

Komunikazioak duen garrantzia eta interesa bistakoak dira askorentzat. Edozein eremutan: eskolan, talde politiko batean zein enpresan, talde komunikazioa oso beharrezkoa da. Bereziki hiru tresna multzo aztertuko ditugu: posta zerrendak edo buletinak, berehalako mezularitza, eta sare sozialen erabilera. Talde komunikazioaren barruan egon daitezkeen aukerak edota erronkak aztertzea da asmoa.

Azken ikastaroa ere edonorentzat zabalik dagoen arren, bereziki interesgarritzat jo duzue hezkuntzari lotuta daudenentzat.

Aro digitalari lotutako heziketa aztertuko dugu. Hezkuntzari lotutako profil batentzat da gehiago. Europatik datorren gaitasun digitalen marko bat badago, eta hori aztertu eta bakoitzak ikusiko du zein gaitasun izan beharko lituzkeen irakasle bezala, eta ikasleek arlo desberdinetan zein jakintza eskuratu beharko luketen. Praktikan jartzeko ere badago gida bat, bakoitzak ikasteko beharrezko dituen teknologiak. Horren arabera, tresnen mapa antzeko bat egingo dugu. Horietako batzuk erabiltzen ikasi eta errotzea da ikastaro honen asmoa. Hori dena bizi osorako trebakuntza plan batean kokatuta.

Zergatik da garrantzitsua teknologia berrien arloan trebatzea?

Egunero presente ditugulako. Gure bizitzari erabat lotuta daude, eta ahalduntzea garrantzitsua da. Behintzat, gai izatea bereizteko norbera murgilduko den inguruneetan zein teknologia erabil daitekeen, horren zentzua ikusi, zertarako den baliagarria eta zertarako ez, eta horretaz jabetzea. Hori da erronka. Horrez gain, ikastaroak euskaraz egingo dira. Gutxi izan ohi dira gai hauen inguruan antolatzen diren ikastaroak, eta euskaraz ez dira egiten. Garrantzitsua da euskarari era honetako ezagutzak ere lotzea.

The post “Teknologiaren atzean dauden logikak ikusiko ditugu” appeared first on Bizkaiko Hitza.

]]>
http://bizkaia.hitza.eus/2018/09/21/teknologiaren-atzean-dauden-logikak-ikusiko-ditugu/feed/ 0
Gogora ekarri eta elkarri eragin http://bizkaia.hitza.eus/2018/09/21/gogora-ekarri-eta-elkarri-eragin/ http://bizkaia.hitza.eus/files/B-Gernika-150x150.jpg http://bizkaia.hitza.eus/2018/09/21/gogora-ekarri-eta-elkarri-eragin/#comments Thu, 20 Sep 2018 23:10:00 +0000 http://bizkaia.hitza.eus/?guid=d56a145e84e30ad7e056f743bcc3f878 Ane Maruri Aransolo
Hitz konplexuak dira bakea, gerra, giza eskubideak eta memoria historikoa. Erraz defini daitezke, baina horiei buruzko hausnarketa pertsonala egitea ez da horren gauza erraza izaten. Askok diote bakearen alde egin behar dela, bai eta giza eskubideak errespetatu egin behar direla ere. Baina ez da ohikoa izaten gaur egungo gertaerei buruzko hausnarketa sakona egitea.

The post Gogora ekarri eta elkarri eragin appeared first on Bizkaiko Hitza.

]]>
Ane Maruri Aransolo

Hitz konplexuak dira bakea, gerra, giza eskubideak eta memoria historikoa. Erraz defini daitezke, baina horiei buruzko hausnarketa pertsonala egitea ez da horren gauza erraza izaten. Askok diote bakearen alde egin behar dela, bai eta giza eskubideak errespetatu egin behar direla ere. Baina ez da ohikoa izaten gaur egungo gertaerei buruzko hausnarketa sakona egitea.

Horregatik, eta leku historiko bezain garrantzitsua lekuko hartuta, bakeari buruz hausnartzeko programa hezitzaile bat aurkeztu du aurten, lehenengoz, Gernika Gogoratuz elkarteak. Herria eredu bihurtuta, eta bertan gertatutakoa aintzat hartuta, bakearen garrantziaz ariko dira. Eusko Jaurlaritzaren laguntzarekin bultzatu du elkarteak ideia, eta Euskal Herriko ikastetxe orok parte har dezake bertan. Giza eskubideen trataera lantzeko aukera ere eskaintzen du proiektuak; izan ere, giza eskubideen tokiko ereduak eta eredu globalak landuko dituzte.

Demokrazia, gizartea, gatazka edota artea lot daitezke bakearekin. Hainbat dira ikastetxeetako ikasleek programaren bitartez landu ditzaketen gaiak. Gizartea, izen moduan, euskaraz oso esanguratsua dela deritzo Andreas Schafter heziketa programaren koordinatzaileak. Benetako giza-arte batean gauden, edo giza banaketa sufritzen ari garen galdetzen dio bere buruari. “Gizartea guztiok gara, eta gure jarrerarekin eraldatzen dugu. Edozein hitz edo jarrerak eragina dauka”.

Bost ildo nagusi ditu programak, eta horietatik nahi dutena aukeratu ahal izango dute ikastetxeek. Memoria historikoa lantzearen garrantziaz jarduteko aukera izango dute, baita gerraren eta miseriaren ondorioez ere. Gainera, demokrazia garaian herritarrek dituzten eskubide eta betebeharrez aritzeko aukera ere izango dute ikasleek. Artea bakearen pedagogiarako tresna izan daitekeela ere har dezakete hausnarketaren oinarritzat. Eta, azkenik, gatazkak eraldatzearen beharraz jardun ahal izango dute parte hartzaileek.

Kultura eta bakearen hiria izenarekin da ezaguna Gernika-Lumo, eta, 1937ko bonbardaketa gertatu eta gero, hainbat dira bertan urtez urte bakearen alde egin diren ekintza eta jarduerak. Programa berri honen bitartez, Gernika-Lumo bisitatzen duten ikasleek bisita “sakona” jasoko dute. “Urte osoan talde ugari etortzen dira Gernikara, bai Euskal Herritik eta bai Frantziatik. Egun seinalatuetan etortzen dira herrira, eta ikuspegi orokorra besterik ez dute jasotzen. Herriko leku esanguratsuak bisitatzen dituzte, baina ez dute bertan gertatutakoari buruz sakontzen, ez eta gertaeren aurrekariei buruz ere”, adierazi du Schafterrek.

Tokiko eredutik abiatuta, XXI. mendeko bakeari buruzko hiru ikuspegi planteatzen ditu programak. Zer gertatu den gogoraraztea, bakea zertarako bultzatu behar den hausnartzea, eta zer egin daitekeen ikustea.

Schafterren berbetan, Gernika-Lumo eta haren historia ezagutaraztea da, hein handi batean, programaren helburu nagusia: “Leku oso garrantzitsua da; gerra garaian leku esanguratsua izan zen udalerria, eta oraindik ere bada. Gure ikuspegitik bisitariei ikusarazi nahi diegu bertan gertatutakoa”. Udalerrian gertatutakoa etorkizunean ez gertatzea da, beraz, landu nahi duten alorretako bat.

Horretarako, beharrezkoa da zer gertatu zen jakitea. “Garai aldaketa eragin zuen bonbardaketaren suntsiketak Gernikan. Hura ez zen zibilen aurkako lehen bonbardaketa izan, baina bai horrenbesteko planifikazioa izan zuen suntsiketa masiboa”, azaldu du Schafterrek. Gerra gertatu aurretik, errepublika garaian, gizartean egon ziren ideologia ezberdinak lantzea ere ezinbestekotzat ikusten du koordinatzaileak. Gizartean zelako planteamenduak egon ziren ikustea, eta gaur egungo gizarte ereduekin alderatzea beharrezkoa da; hainbat antzekotasun daude lehengoaren eta gaur egungoaren artean.

“Krisi garaian bizi gara, eta gizartean sortzen diren mugimenduak ia-ia berdinak dira lehen eta orain. Beraz, gerra aurretik izan ziren gizarte planteamenduak ezagutu behar ditugu. Zer egin behar dugu hemendik aurrera? Zelan saihestuko dugu hori? Eta zelan egingo dugu? Galdera horiek erantzutea beharrezkoa da. Inplikazioa aurkitu behar da horrelako gertaerak berriro gerta ez daitezen”, esan du Schafterrek.

Hausnarketa

Munduan zehar dauden gatazken oinarrian hainbat gizarte planteamendu daude, eta horiek nola erauzi behar diren ikusteko aukera izango dute gazteek programa honen bitartez. “Gerra zibilaren krisi garaitik gaur egungo gizartera zubi bat eraikiko dugu. Gaur egun ere, gerrak eta bonbardaketak dauzkagu munduan zehar, eta horiek bultzatu dituzten arrazoiak antzekoak dira. Gerren ondorioak beti izan ohi dira berdinak, eta herritarrentzat inoiz ez dira onak izan”.

Hausnarketara bideratutako tailer hauek, hain zuzen, gatazka garaian Gernika-Lumon hain esanguratsua izan zen Astran emango dituzte. “Zer izatetik zer izatera hel gaitezkeen ikusteko leku paregabea da Astra. Arma fabrika zena zentro kulturala da orain; esanguratsua”.

Programan zehaztutako ildoak ez dira itxiak, eta ikastetxeen beharrizan eta denboretara egokitu daitezke. “Ideia Gernika-Lumo bisitatzea da, baina baita tailerra egitea eta landutako gaiei buruzko hausnarketa sakona egitea ere”. Schafterrek uste du beharrezkoa dela gazteen ikuspegia lantzea, baina adierazi du lanketa hori “parte hartzailea eta dinamikoa” izango dela. “Kontraesanak mahai gainean jarri behar dira. Lanketa horietatik ateratzen baitira benetako gogoeta pertsonalak”.

The post Gogora ekarri eta elkarri eragin appeared first on Bizkaiko Hitza.

]]>
http://bizkaia.hitza.eus/2018/09/21/gogora-ekarri-eta-elkarri-eragin/feed/ 0
Etxebizitza eskubidea, noraezean http://bizkaia.hitza.eus/2018/09/14/etxebizitza-eskubidea-noraezean/ http://bizkaia.hitza.eus/files/B-Etxea-150x150.jpg http://bizkaia.hitza.eus/2018/09/14/etxebizitza-eskubidea-noraezean/#comments Thu, 13 Sep 2018 23:15:00 +0000 http://bizkaia.hitza.eus/?guid=93b14adaa4008fdc2e622b180c033025 Natalia Salazar Orbe

Bihar beteko dira hamar urte Lehman Brothers inbertsio bankuak porrot egin zuenetik. AEBetako astindu hura mundu osora zabaldu zen. Orduan lehertu zen krisi ekonomikoak eten egin zuen goranzko joera etengabean ari ziren etxebizitzen prezioen igoera. Burbuilak ezin izan zion gehiago eutsi, eta, orduz geroztik, etxebizitzen salneurria apaltzeko joera hasi zen. 2016an, behea jo zuen. Prezioak ez daude edonoren esku, hala ere. Alokairuaren prezioetan gorakada nabarmena gertatu da, gainera, azken urteetan. Batez beste, 970,6 euroan kokatu da Bizkaiko alokairu librearen prezioa. Hala jakinarazi du oraintsu Etxebizitzaren Behatokiak. Etxe berrien prezioari dagokionez, metro koadroa 3.239 euroan dago, batez beste.

The post Etxebizitza eskubidea, noraezean appeared first on Bizkaiko Hitza.

]]>
Natalia Salazar Orbe

Bihar beteko dira hamar urte Lehman Brothers inbertsio bankuak porrot egin zuenetik. AEBetako astindu hura mundu osora zabaldu zen. Orduan lehertu zen krisi ekonomikoak eten egin zuen goranzko joera etengabean ari ziren etxebizitzen prezioen igoera. Burbuilak ezin izan zion gehiago eutsi, eta, orduz geroztik, etxebizitzen salneurria apaltzeko joera hasi zen. 2016an, behea jo zuen. Prezioak ez daude edonoren esku, hala ere. Alokairuaren prezioetan gorakada nabarmena gertatu da, gainera, azken urteetan. Batez beste, 970,6 euroan kokatu da Bizkaiko alokairu librearen prezioa. Hala jakinarazi du oraintsu Etxebizitzaren Behatokiak. Etxe berrien prezioari dagokionez, metro koadroa 3.239 euroan dago, batez beste. Eskubide sozialen aldeko Elkartzen elkarteak salatu du “ezinezkoa” dela etxebizitza bat alokatu edo erostea langileek duten erosahalmenari erreparatuta. Etxebizitza eskubidea ezin dela bermatu, horixe utzi du argi elkarteak egindako azterketak: “75 eta 105 urte artean beharko genituzke etxebizitza bat erosteko”. Hala adierazi du Regina Maiztegi Elkartzen elkarteko kideak.

Soldatak, erosahalmena eta prezioak. Horiek dira herritar xumeen ekuazioan nekez bat datozen aldagaiak. Espainiako Estatistika Institutuaren arabera, 2012az geroztik lehen igoera erreala izan zuten iaz Araba, Bizkai eta Gipuzkoako soldatek: hilean, 2.128 euroko soldatak dituzte, batez beste, lurraldeotako herritarrek. Kopuru horrek atzean duen errealitatea bestelakoa da, ordea. Izan ere, estatistikek eta batez besteko balioek ezkutuan gordetzen diren aldaera ugari izaten dituzte. Soldatei dagokienez, bistakoa da askoz langile gehiagok jasotzen dutela batez besteko kopuru hori baino diru gutxiago. Gehien kobratzen dutenek batezbestekotik duten aldea askoz handiagoa da. Hori azaltzeko, Elkartzenek gogora ekarri du Eustatek 2017ko azaroan argitaratu zuen 2015eko Pertsonen eta Familien Errentaren Estatistika. “Txosten horrek erakusten duenez, Araba, Bizkai eta Gipuzkoako biztanleen %60,1ek batez besteko errenta baino diru sarrera txikiagoak dituzte, edo ez du inolako diru sarrerarik. Hain zuzen, 18 urteko edo hortik gorako biztanleen %12,5ek ez dute inolako errentarik jasotzen. Aurrez aurre, biztanleen %11,8k batez besteko errentaren bikoitza jasotzen dute”.

Sektore desberdinen arteko aldeaz gain, emakumeen eta gizonen artekoa ere jarri du mahai gainean Maiztegik: “Emakumeon urteko batez besteko errenta gizonena baino 10.000 euro txikiagoa da”.

Datu horiek agerrarazita, zenbaki hotzek atzean errealitate gordina ezkutatzen dute. Eusko Jaurlaritzak Etxebizitzaren Gida Planean egindako diagnosian jasoa du alokairu babestuko etxebizitzak eskuratu nahi dituztenek soldataren %30a bideratuko dutela hori ordaintzera. Datu hori oinarri hartuta, herritarrek etxebizitza eskuratzeko dituzten zailtasunak azaleratu ditu Elkartzenek. Lanean dihardutenak, lanean aritu arren “miseriatik ezin irtenik dabiltzan pertsonak”, langabeak, laguntzak jasotzen dituztenak zein ez dituztenak kontuan hartuta, Araba, Bizkai eta Gipuzkoako urteko batez besteko errenta 14.400 euro inguruan kokatu du Maiztegik: “Gure zorpetzeko ahalmena 395 euro izanik [diru sarreren %30], ezinezkoa da etxebizitza erosi edo alokatzea”.

Arazoa are larriagoa da 18 eta 34 urte artean dituztenentzat: “Gaur egungo soldatek %122,8 igo beharko lukete alokairu libre batera sartu ahal izateko. Egoera hori bera are okerragoa da emakumeentzat: emakumeen soldatek %143,3 igo beharko lukete. Eta zer esan 18 eta 24 urte artekoen soldatei buruz: %245,10eko igoera beharko lukete”.

Diru sarrera nahikorik ez izate horrek hainbat pertsonari —bereziki gazteei— bizitza independentea egiteko zailtasunak sortzen dizkie. “Pobrezia eta ongizaterik gabeko egoerak ezkutatzen dira zailtasun horien atzean. Arazook pertsona horien jatorrizko etxeetan gorderik geratzen baitira”. Eusko Jaurlaritzak osatutako Pobrezia eta Gizarte Desberdintasunei buruzko Inkestaren arabera, 2016an etxe independente berri bat osatu nahi zuten 137.840 pertsonetatik 113.623k ezin izan zuten, diru-sarrera txikiegiak izateagatik.

Egoera horri aurre egiteko, gero eta gehiago dira laguntzak eskatu behar dituzten herritarrak. 2018ko urtarrilean 15.375 gizonek eta 21.654 emakumek jaso zuten, Bizkaian, Diru sarrerak Bermatzeko Errenta (DSBE). Etxebizitzarako osagarri gisa 16.542k eskatu zuten. Soldata eta beharrizanei dagokienez, andreen eta gizonen arteko aldea gero eta handiagoa dela azaldu du Elkartzenek. Bestalde, DSBE urtarrilean jaso zutenen %65,8 hemengoak edo Espainiako nortasun agiria duten herritarrak izan dira. “Horrek erabat gezurtatzen du migratzaileen aurkako diskurtso xenofobo eta arrazisten oinarria”.

Etxe hutsak

Azpiegitura arazorik ez dago etxebizitza bat eskuratu nahiko luketen herritarrek berau lortzeko. Bizkaian, 541.178 etxe daude, eta horietatik 66.587, hutsik daude. Hala jaso du Etxebizitzaren Gida Planak. Lurraldean bertan 30.543 pertsona edota sendi daude etxebizitza baten beharrean. Hala ondorioztatu du 2017ko Etxebizitza Beharrei eta Eskariari buruzko Inkestak. Datuon aurrean, Maiztegik uste du argi dagoela irtenbidea badagoela. “Irtenbidea emateko gogoak behar dira”.

Elkarteak uste du administrazio publikoek ez dutela bide horretan laguntzeko baliabiderik jarri. Etxebizitza pribatuen ondoan, babestutako etxebizitzak eskaintzen dituzte Eusko Jaurlaritzak zein zenbait udalek. Behatokiaren txostenaren arabera, babestutako etxebizitzen alokairua egonkor mantentzen da. Hala ere, ELAk ekainean aurkeztu zuen txosten bat ekarri du gogora Elkartzeneko kideak: “2008an babes sozialeko alokairuaren batezbestekoa 194,1 euro zen. 2017an, aldiz, 329,1era igo da: %69,5eko igoera izan du. Zenbat igo dira soldatak? Eta KPIa? Lotsagarria da. Gehiago igo da etxebizitza babestuen prezioa libreena baino”.

Alokatzea, garestiago

Jabetza pribatuaren aldean, Elkartzenek argi dauka: alokairua bultzatzearen aldeko apustua egin du. “Gaur egun egoera oso larria da, garestiagoa delako alokairua etxebizitza libre bat erostea baino”. Etxebideren helburuek ere bide hori marrazten dute. Ekintzek, ordea, bestelakoa.

Gaindegiak gazteen emantzipaziorako zailtasunei buruz apirilean egindako ikerketa baten arabera, krisiaren lehenengo urteetan etxebizitza salerosketen uzkurtzeak alokairuzko etxebizitzen garestitzea eragin zuen, eta, ordutik, prezioak nahikoa egonkor mantendu dira. Hala, hilero soldata finkoa eta epe luzera begirakoa duenarentzat eskuragarriagoa da, 2014az geroztik, etxebizitza bat jabetzan eskuratzea alokairuan bizitzea baino. Hori ez dago denen eskura, ordea.

Etxebizitza Gida Planaren arabera, alokairura bideratzen diren etxebizitzak gutxiengoa dira: “Eskaintzak, gainera, ez dio erantzuten goraka ari den eskariari”. Bizkaian, etxebizitza parkearen %9 dago okupatuta alokairu erregimenean, txosten beraren arabera. 5.046, Jaurlaritzaren hainbat programa zein udalek eskainitakoak dira.

Erabaki politikoek bultzatutako joera da aipatutakoa, Maiztegiren ustez: “Erakunde publikoek alokairu sozialera bideratu beharko lituzkete dituzten etxebizitza guztiak eta hemendik aurrera eraikiko dituzten guztiak. Eta, nola ez, garaia da merkatu libreko errentak mugatzeko. Horretarako, ezinbestekoa da esku-hartze publikoa. Baina instituzioen politika kapitalaren metatze etengabearen logikaren morroia da”.

Baieztapen hori egiteko arrazoiak ere eman ditu. Besteak beste, “Alokabideren bidez ez dute alokairuen prezioan eragiteko inolako asmorik, eta bitartean diru publikoa esku pribatuetara bideratzen dute. Horrez gain, Etxebideren bidez erosketa bultzatzen dute”.

2013 eta 2016 arteko Etxebizitza Planak aurreikusia zuen Araba Bizkai eta Gipuzkoan promozio berriko 3.950 etxebizitza alokairura bideratzea eta, 4.050, salmentara. Lehenengoari dagokionez, 941 gauzatu zituzten. Aitzitik, salmentara 4.767 bideratu zituzten. Alokairuaren helburua, beraz, %23,8an gauzatu zuten, eta salmentari zegokiona, %117,7an. Hori guztia, nahiz eta bere datuek argi erakusten duten alokairua dela herritarrek gehien eskatzen dutena: 2017 hasieran, Etxebiden izena emanda zeuden eskatzaile guztien %83k alokairua nahi zuten. Bizkaian, 26.364k eskatu zuten alokairua eta 5.573k, erostea.

Pobretze faktorea

Etxebizitza eskubidea ezin bermatu izanak eragina du gizartean. Hala uste du Elkartzenek: “Gaur egun etxebizitza pobretze faktore garrantzitsuena da”. Gazteen kasua dago, batetik. “Gazte askok ezinezkoa dute bizitza independente bat egitea. Horrek arazo larriak sortzen ditu: aukeratzen ez diren bizitza proiektuetara behartuta egotea gurasoekin bizitzera, etxea partekatzera, bikotekidean mende egotera ; norbere irudi distortsionatua sortzea galtzaile gisa ikustea ; belaunaldi berriak mendekotasunera kateatzea, kalean pobrezian geratzeko izua hedatzea errealitatea ez borrokatzeko eta eskaintzen dizkiguten ogi apurrak onartzeko”.

Beste aldean etxebizitza lortzea badutenak kokatu arren, gabezia izugarriei egin behar diete aurre: “Diru-sarreren ehuneko handi bat etxebizitza ordaintzera bideratu behar dute eta horrek, gabeziak sortzen dizkie. Besteak beste, berogailua edo argia ez jartzea edota elikadura orekatu bat ezin eramatea”.

Egoera hori guztia iraultzeko irtenbidea etxebizitza merkatuaren logikatik kanpo ateratzea da, Maiztegiren ustez, “eskubide soziala den heinean”. Dagoena baino gehiago eraikitzeak etxebizitzaren arazoa ez duela konponduko dio. “Kontrakoa, baizik, egungo egoera larriaren arrazoia izan baita. Etxebizitza hutsa xahuketa soziala, ekonomikoa eta ekologikoa da”. Etxebizitza hutsak erabili egin behar dira. Hala uste du berak. Etxeok alokairu sozialeko etxebizitza parke publiko baten parte izatera pasatu behar dutela argi du. Horrez gain, “alokairuen prezioak mugatu behar dira, babestutakoak zein merkatu librekoak”. Elkartzenen ustez, “alokairuen prezioek ez lukete errentariaren diru sarreren %15 gainditu beharko”.

The post Etxebizitza eskubidea, noraezean appeared first on Bizkaiko Hitza.

]]>
http://bizkaia.hitza.eus/2018/09/14/etxebizitza-eskubidea-noraezean/feed/ 0