100.000 »

Egoitza eta eguneko zentroetarako inbertsioa, eguneko. Bizkaiko Foru Aldundiak egunero, batez beste, 100.000 euro inbertitzen ditu herrialdeko eguneko zentro eta egoitzetan. Aurten, 35 milioi euro emango zaizkie mendekotasuna duten adinekoei.

Erosi, baina zaborrik sortu gabe »

Jakiak poltsetan edo plastikoan bildu beharrean, zuzenean tuperrean sartzea. Erronka horixe jarri die Sopelako Udalak herritarrei. Harategira, arrandegira edo supermerkatura joatean, jaki guztiak plastikoan biltzeko ohitura dago egun. Etxetik tuperra eramatea eta elikagaiak bertan jartzea proposatu du udalak. Helburua: plastikozko eta paperezko hondakin kopurua ahalik eta gehiena murriztea. Sopelako Hondakinen Kontseiluak bultzatutako kanpaina da. Herriko eragileak eta alderdi politikoetako kideak biltzen dira kontseilu horretan.

Hondakinen kudeaketaren eztabaida bolo-bolo dagoen gaia da: bosgarren edukiontzia, atez atekoa edo auzoetako konposta, herri bakoitzean zein eredu jarri eztabaidatzen ari dira hamaika txokotan. Sopelako Udalak, ordea, sortutakoari irtenbidea nola eman pentsatu ordez, aurrerapauso bat ematea erabaki du: hondakin gutxiago sortzea. “Birziklatzean murgildu aurretik, hondakin kopuruaren murrizketa eta berrerabiltzea bultzatu nahi dugu”, adierazi du Saioa Villanueva alkateak.

Tuperraren dinamikak horri erantzuten diola aitortu du Villanuevak. Egunerokotasunean egiten den keinu txikia da, baina ingurumenaren zaintzan eragin zuzena izan dezake, elikagaiak gordetzean ez delako inolako hondakinik sortzen.

Herritarrei erraztasunak emateko asmoz, tuperrak banatzen ari da udala. Familia unitate bakoitzak bat eskuratu dezake, doan. Udaletxera edo Larrabasterrako udal bulegora joan behar dute horretarako. Martxoaren 31 izango da horiek eskuratzeko azken eguna. Otsailaren 7an abiatu zen egitasmoa, eta oraingoz oso harrera ona izaten ari dela adierazi du alkateak: “Lehenengo astean 200 familia inguru etorri ziren tuperra hartzera”. Aitortu du astiro eta pazientziarekin hartu behar dela egitasmoa: “Oraindik goiz da emaitzak ikusteko”.

Dendarien artean ere harrera ona izaten ari da. Gehienek egin dute bat egitasmoarekin. Intxausti arrandegiko langilea da Iñaki Marañon, eta begi onez hartu du egitasmoa. Baina aitortu du jendearen ohiturak aldatzea oso zaila dela: “Jende askok tuperra hartu eta etxean erabiltzeko gorde du”. Eizmendi harategiko Juan Antonio Eloizagak ere bat egin du egitasmoarekin. Adierazi du oraindik goiz dela balorazioa egiteko: “Jendea erosoegia da, eta kosta egiten zaie ohiturak aldatzea, baina goizegi da balorazioetarako”.

Kontzientziazioaren beharra

“Udalak lagundu egiten du, baina herritarrak kontzientzia hartzea ezinbestekoa da”, adierazi du alkateak. Hasiera batean, jakiak ez nahasteko plastikoan bildutako elikagaiak tuperrean sartzen zituztela aitortu du. Eta hori saihesteko azalpenak eman behar izan dituztela. “Plastiko eta paperik gabe, zuzenean janaria tuperrean sartzean dago egitasmoaren eta birziklatzearen gakoa”. Adierazi du jaki guztiak nahastuta tuper bakarrean sartu nahi ez duenak tuper gehiago eraman ditzakeela etxetik. “Ohitura aldaketa bat da”, aitortu du Villanuevak. Adierazi du plastikozko poltsekin gauza bera gertatu zela, “ohitu arte denbora pasatu zen”, eta normaltzat hartzen da orain: “Kontzientzia piztea da gakoa”.

Herritarrak motibatzeko eta herriko komertzioa bultzatzeko sariak banatuko ditu Hondakinen Kontseiluak. Tuperrarekin erosketak egiten dituztenek kutxa batean ordain agiria sartu eta denen artean zozketa bat egingo dute hilero. Saria: 30 euroko erosketa eta tuper txikiago bat.

Tuperrarena ez da udalerrian hondakinen kopurua murrizteko egin duten lehen egitasmoa. Hondartzetako tabernetan plastikozko edalontzi berrerabilgarriak erabiltzen dira, eta antolatzen diren herri bazkarietan ere plater berrerabilgarriak banatzen dituzte. Mahai tresnak etxetik eramaten dituzte herritarrek. Biharko aratuste egunerako antolatu duten herri bazkarian, adibidez, hondakin kopurua asko murriztuko dute.

“Sortzen den hondakin guztitik oso kopuru txikia birziklatzen da Sopelan”, adierazi du Villanuevak. Eta hori aldatzea da udalaren asmoa. Martxoaren 26rako solasaldi bat antolatu du Hondakin Kontseiluak. Kontseiluaren egitasmoak azaldu eta hondakinen kudeaketa ereduak aurkeztuko dituzte. Villanuevaren arabera, “ereduak azaltzea eta zalantzak argitzea izango da asmoa”.

5,6 »

Udalkutxaren likidazioak gehitutako milioiak. 2013ko Udalkutxaren likidazioa 733,2 milioi eurokoa izan da; aurreikusi baino 5,6 milioi gehiago. Beraz, udalek diru hori gehiago izango dute proiektuak garatzeko.

ALADINO, HELDUTASUNERAKO BIDEAN »

Aladino izeneko mutikoa oso berekoia da, eta baita nolabaiteko ezjakina ere. Heldu egin behar du bizitzak eman diezazkiokeen gauza liluragarriak merezi ahal izateko; eta aukera horiek magikoki islatzen dira, lanparako jeinuaren bitartez. Gorakada konp…

1978an neurtutako olatuen garaiera. »

Espainiako Portu Agintaritzaren Abran daukan Bilbo-Bizkaia izeneko buiak 16 metroko olatuak neurtu zituen abenduaren 6an. Kantauri itsasoan neurtuta daudenen artean, ekaitzik handienetakoa izan zen hura.

Metroan, maiztasun handiagoa gaur eta bihar »

GIZARTEA. Inauterietako ospakizunak direla eta, Bilboko Metroak gaueko zerbitzua indartuko du bihar eta datorren asteko zapatuan. Bihar, 23:00etatik 06:00etara, 20 minutuan behin ibiliko dira trenak. Datorren astean, 15 eta 30 minutuan behin ibiliko d…

Barakaldo versus Bilbo »

Eskualdeko senide handiak beste herrietan duen eraginak iritzi ezberdinak sortzen ditu. Batzuek garrantzi handiagoa aitortzen diote auziari; beste batzuek, batere ez. Herritarren jatorriaren arabera bereiz daitezke, batez ere. Gauzak horrela, barakald…

Zeanuritik Lemoara eta Lemoiztik Mungiara linea berriak nahi dituzte »

Arteagako bizilagun batek martxan jarri du Zeanuritik Lemoako tren geltokiraino autobus zerbitzua jartzeko eskaria. Hain zuzen, change.org webgunean sortu du eskaera, eta Itziar Garamendi diputatuari helaraziko diote. Eskatzaileak deritzo Lemoako tren…

AGUR JENDETSUA MIKEL TRUEBARI »

Bi mila lagunetik gora elkartu ziren domekan Santurtziko portuko kiroldegian, azken agurra emateko Mikel Truebari, alboko esklerosi amiotrofikoak jota otsailaren 8an hil zen santurtziarrari. 30 elkarte eta eragilek bat egin zuten, omenaldia elkarreki…

Itxurak hausteko egunak »

Atzo, eguen zuri egunez hasi ziren inauteriak Bizkaian. Aratuste martitzenera bitartean, jai giroa nagusi izango da lurralde historikoko herri eta auzoetan. Oro har, tradizioari eutsita ospatuko dira, baina bada aldaketarik: Bilbon, konpartsen desfile…