Literaturan murgilduz »

Kontuleku proiektuaBerrizIrakurzaletasuna gaztetxoenen artean bultzatzeko asmoa duen proiektua abiatu dute Berrizen. Hain zuzen ere, Kontuleku proiektua abiatu du udalak, eta martxan egongo da martxora bitartean, ia zapatu guztietan.Irakurketa familia…

1.192 »

Iaz Gernika-Lumon odola eman zutenen kopurua. 1.192 lagunek eman zuten odola iaz, Gernika-Lumon. Bizkaian, emaileei dagokienez erreferente izaten jarraitzen duen arren, behera egin du azken urtean. Izan ere, aspaldi ez ziren izan 1.200 emaile baino gutxiago.

Merkealdi Azoka egingo dute asteburuan, Sodupen »

GUEÑES. Sodupeko (Gueñes) herriko plazan 7. Merkealdi Azoka egingo dute bihar eta igandean. Herriko merkatariek aurreko denboraldiko produktuak ipiniko dituzte salgai. Bihar 10:00etatik 20:00etara egongo da zabalik. Domekan, berriz, goizeko ordutegia izango du: 10:00etatik 14:00etara. Osotara, hamalau merkatarik parte hartuko dute; iazko azokan baino bat gehiagok.

“Instituzioen gutxiespena eta gainontzeko alderdien jazarpena sufritu genuen” »

Pedro Lobato urte luzez Etxebarriko alkate izandakoa da. La Voz del Pueblo herri plataformako hautagaiak herriko agintea kendu zien ohiko alderdiei duela 22 urte. “Auzotarren bitartez eta auzotarrentzat” gobernatu zuen ordutik. Nahikoa egin duela iritzita, azken hauteskundeetan Lorenzo Oliva gazteari utzi dio lekukoa. Ordutik, haren izena jarri diote Etxebarriko kale bati —Pedro Lobato kalea—, eta San Antonio ikastetxera bueltatu da, irakasle.

Noiz jaio zen La Voz del Pueblo? Zeintzuk ziren garai hartako baldintzak? Zerk eragin zuen taldea sortzea?

La Voz del Pueblo 1990. urte amaieran sortu zen, garai hartan gobernatzen zutenek [PSE-EAJ] San Antonio auzoarekiko erakutsi zuten utzikeria ikusita. Egoeraz nekatuta, min handiena egiten zien lekuan eman genien min: hauteskundeetan, hain zuzen. 1990eko urriaren 26ko hauteskundeetan Ez bozkatu izeneko proposamena egin genuen, eta %80ko abstentzioa lortu genuen auzoan. Urtebete geroago, batzar jendetsu bat antolatu genuen, eta erabaki genuen alderdi independente bat sortzea. Gehiengoak hautagai izendatu ninduen, eta alkatetza lortu genuen.

Nolakoa izan zen plataformaren hasiera?

Instituzioen gutxiespena eta alderdi guztien jazarpena sufritu genuen. Dena den, auzotarren babesa jaso eta baliabideak kudeatzen hasi ginenean gu errespetatzen hasi ziren.

Gogorra egin zitzaizuen beste alderdien indarrari aurka egitea?

Bai, oso gogorra egin zitzaigun, baina inbertitu genituen orduek fruituak eman zituzten, eta hori garbi geratu da gaur egun etxebarritar guztiek daukaten bizi-kalitatean.

Zure iritziz, zer eskaintzen zenuten zuek Etxebarrin beste alderdiek eskaini ezin zutena?

Hurbiltasuna, gardentasuna, zintzotasuna eta egunero erakutsi izan dugula politikan besteak zerbitzatzeko gaudela, ez gure etekinerako.

Zer esango zenieke udal batean tokiko gaiez gain errealitate politikoaz ere hitz egin behar dela pentsa dezaketen pertsonei?

Udalaz kanpoko errealitate politikoa ezagutu eta tratatu egin behar da, baina horrek ez du atzeratu behar gure auzokideen bizi-kalitatean eragin dezaketen neurrien onarpena. Guk bakarrik udalak eta herriak dituen baliabideak kudeatu ditugu, beste foro batzuetan erabaki beharko liratekeen eztabaidetan sartu gabe. Nahiz eta gehiengo zabala eduki, beti egon gara zabalik beste alderdiek aurkezten zituzten proposamenei, betiere herritarrentzako interesgarriak zirela uste izan badugu.

Zer-nolako erantzuna izan zuten beste alderdiek hauteskundeak lehen aldiz irabazi zenituztenean?

Sorpresa handiarekin eta oso oposizio gogorra eginez. Batzuek era osasuntsu batean, eta beste batzuek jasotako kolpea ulertu ezinik.

Zein izan da aurre egin behar izan diozuen trabarik handiena?

350 milioi pezeta zituen udala aurkitu genuen lehen aldiz hauteskundeak irabazi genituenean, eta baliabide ekonomiko faltari eta erakundeen mespretxuari gure berezko baliabideen azterketa sakon batekin egin behar izan genion aurre.

Nola irudikatzen duzu Etxebarri 22 urtez alkatetzan egon ez bazinate?

1991n, Reclorisa izeneko lantegi bat herrian zabaltzeari uko egitea oso lan zaila izan zen, babes handia zeukalako aurreko udalaren, hainbat enpresariren eta erakundeen aldetik. Etxebarriko garapena hipotekatuko zukeen, eta gaur egun daukagun bizi-kalitatearen ordez kutsadura jasan beharko genukeen.

Badirudi herri plataformek politikaz “paso” egiten duzuela, edo gutxienez gaur egun praktikan dagoen politika egiteko moduaz. Zein iritzi daukazu horren inguruan?

Ez dugu paso egiten. Gure taldeak ideologia ezberdina duten hainbat pertsonaz osatuta daude, baina ez dugu uzten eztabaida politikoak gure udalaren bizitza oztopatzea.

Zergatik erabaki duzue Ikune proiektuan parte hartzea?

Gure taldean betidanik sustatu dugu herritarren parte hartzea. Herritarren batzarren bidez egin izan dugu betidanik.

Megapark osoa ez dago hartzekodunen lehiaketan »

BARAKALDO. Megapark Barakaldok jakinarazi du Arcona Ibericak, Megapark merkataritza guneko eremu baten jabeak aurkeztutako hartzekodunen lehiaketatik kanpo dagoela. Urtean 18 milioi bisitari baino gehiago dituela jakinarazi du, krisi sasoia izan arren…

744 »

Euskaldunan iaz egindako ekitaldiak. Iaz 744 ekitaldi egin ziren Bilboko Euskalduna jauregian. 494.430 bisitari izan zituen, eta %92ko okupazioa. Bisitari horiek 116.216 euroren irabaziak sortu zituzten.

“Emaitza onekin ilusio gabe egotea seinale bat izan da erabakia hartzeko” »

Motibazio eta ilusio falta argudiatuta, ziklo-krosa uzteko erabakiaren berri eman du Egoitz Murgoitiok (Abadiño, 1983).

Duela bi urte, oraindik ziklo-krosean ibiltzeko urte batzuk bazenituela esan zenuen. Zer gertatu da orain motibazio falta hori izateko?

Ez da ezer jakinik gertatu. Denboraldia hasi zenetik nabaritzen nuen nire burua ez zegoela aurreko urteetan legez. Bidaietan ateratzea asko kostatu zait. Gogorra egin zait egunero entrenatzea eta sakrifizioak egitea ahalik eta mailarik onenean egoteko.

Denboraldia ondo hasi nuen, emaitza onak izan bainituen kanpoan; lehiaketa bat ere irabazi nuen Eslovakian. Emaitza horiek izanik, ilusio eta motibazio gabe egotea seinale bat izan da.

Beraz, azaroan erori baino lehen, jada hartuta zeneukan erabakia?

Bai, denboraldia hasi zenetik nahiko argi neukan azkena izango zela. Saihets hezurreko lesioak azkartu egin du erabakia. Entrenatu ezinik egon naiz, eta lasterketa garrantzitsuenak galdu ditut. Bi hilabetetik gora lehiatu gabe nengoela, erretiratzeko unerik onena zela iruditu zait.

Lehiaketak dituen alderdi batzuekin gustura ez zaudela esan izan duzu. Zeintzuk dira?

Azken urteetan, egutegi indartsua izan dugu: bertoko lasterketarik garrantzitsuenetan lehiatu gara, batetik, eta atzerrira bidaia asko egin ditugu, bestetik. Munduko Kopako lasterketa guztietan parte hartu dugu, baita nazioarteko lehiaketa askotan ere. Aurten, ilusio falta hori nabaritzen hasi naizen heinean, gehiago kostatu zait kanpora ateratzea gertukoak etxean utzita.

Taldea hankamotz geratu da orain.

Bai. Ni erretiratuta, haiek zer gertatuko zain geratzen dira orain. Egoera honetara iritsita, baina, norberak bere buruarentzat onena dela uste duena egin behar du. Espero dut haiek aurrera jarraitu ahal izatea. Haien babes osoa izan dut, gainera, eta hori eskertzekoa da.

Eta, orain, zer egingo duzu?

Ez dakit. Denbora gutxi igaro da erabakia hartu dudanetik. Hala ere, gauza normalak egin gura ditut; bizimodu normal bat egin, etxean denbora gehiago egon eta bizikletarekin loturarik izango ez duen lan normal bat aurkitu.

Bai, nor da? »

Nire inguruko lagun eta ezagun guztiek sakelako telefonoa dute. XXI. mende hasiera honetan, pertsona gutxi ezagutzen dut sakelako telefonorik gabe. Badaude, noski: gure amak eta aitak, esaterako, ez dute horren beharrik izan oraindik. Haientzat telefo…

Landare eta lorezaintza azoka egingo dute bihar »

MARKINA-XEMEIN. Otsaila landare eta arbolak landatzeko hilabetea izaten da. Horregatik, Markina-Xemeinen landare eta lorezaintza azoka egingo dute, Lea-Artibaiko landa garapenerako elkartearen eskutik. Aurtengoa bihar egingo da, 10:00etatik 14:00etar…

“Barrua lasaitzeko eta adrenalina kentzeko modu bat da arrauna” »

Arraunaren mundua atzean utzi ezin duen arraunlari ohia da Gonzalo Soto (Zierbena, 1958). 1978an ekin ostean, 2011n utzi zuen, ofizialki. Tartean, entrenatzaile lanetan ere ibili da. Bilboko Itsasadarra Itsas Museoak eskuratu berri duen Zierbena train…