Hiriaren barrunbeetan barrena »

Natalia Salazar Orbe
Hiri iluna eta kez betea. Burdina goriaren lurrunak astun bilakatutako airea sudur zuloetan barrena. Arnasa hartu guran. Kaleak zikin. Halakoak ziren Bilbo eta Barakaldo industrializazio garaian.

Oztopoen eta bihurguneen bizikleta zirkuitua ireki dute Etxebarrin »

Natalia Salazar Orbe
Pump track eta cross country. Atzerriko bi kontzeptu horiek ezagun bihurtzen hasiak dira etxebarritarren artean. Bereziki, kirola eta abentura uztartzea gustuko dutenen artean. Oztopoz, bihurgunez eta sakangunez betetako bi zirkuitu zabaldu dituzte Etxebarrin: bata, bizikletentzako prestatuta dago, eta, bestea, bizikletan, skatean edo patinetan ibiltzeko.

Gogora ekarri eta elkarri eragin »

Ane Maruri Aransolo
Hitz konplexuak dira bakea, gerra, giza eskubideak eta memoria historikoa. Erraz defini daitezke, baina horiei buruzko hausnarketa pertsonala egitea ez da horren gauza erraza izaten. Askok diote bakearen alde egin behar dela, bai eta giza eskubideak errespetatu egin behar direla ere. Baina ez da ohikoa izaten gaur egungo gertaerei buruzko hausnarketa sakona egitea.

Etxebizitza eskubidea, noraezean »

Elkartzen elkarteak salatu du langileei «ezinezkoa» zaiela etxe bat lortzea. Politika publikoen gabeziaz aritu da: Bizkaian, 66.587 etxe huts daude, eta 30.543 sendi etxe baten beharrean. - Irakurri gehiago...

Txorierrin zabor kuota ezartzeko sistema berriak eztabaida sortu du »

Natalia Salazar Orbe

Txorierriko mankomunitateak aldatu egin du errefus ere esaten zaion hondakinen atala pisatzeko sistema, eta, jasotako datuen arabera, herri bakoitzarentzako kuota berriak onartu ditu. Uztailean hartutako erabaki horren arabera, orain arte baino 18.922,80 euro gehiago ordaindu beharko lituzke Larrabetzuko Udalak urtean, hiri hondakin solidoen bilketaren truke. Pisatze sistema aldatzearekin konforme agertu da Larrabetzuko Udala; baita, datuek hala badiote, gehiago ordaintzearekin ere. Baina datuak oker daudela uste du, eta berrikusteko eskatu dio mankomunitateari. Horrek onartu berri du berriz aztertzeko eskaera.

Eskualdeko sei herriren hondakinen bilketa kudeatzen du mankomunitateak: Derio, Larrabetzu, Lezama, Loiu, Sondika eta Zamudio. Azken sei urteetan, udal bakoitzak sortzen zuen hondakin kopurua kalkulatzeko, urtean bi astez pisatzen zituzten edukiontziak, horretarako kamioi bereziak hartuta, propio. Datu horiek oinarri hartuta, herri bakoitzari ordaindu beharreko zenbatekoa ezarria zioten.

Iruzur lupa, Alonsotegi gainean »

Natalia Salazar Orbe

Alfonbra altxatu eta azpian gordetako hautsaren antzera ari dira ateratzen Alonsotegiko aurreko udal agintarien kudeaketan izandako irregulartasunen zantzuak. Orain, futbol zelaia eraikitzeko lanak eta kostuak daude epailearen jomugan.

Hamabi urte egin behar da atzera afera horren sorburura iristeko. 2006ko azaroan inauguratu zuten Bazteitako futbol zelaia. Handik hiru urtera, gabezia batzuk hobetzeko lanak egin zituen udalak. Denera, 3,2 milioi euro inbertitu zituen zelaia martxan jartzeko; hasieran aurreikusitako kostua baino 1,5 milioi gehiago. Orain, futbol zelaiak gabeziak eta hutsuneak dituela ondorioztatu du auditoretza egin duen enpresa independenteak.

Araudia ez du betetzen

Tradizioaren oinatzei segika »

Peru Azpillaga
Gaur hasi eta igandean amaituko da Deiadar Xtreme ultratrail lasterketa. Izena eman duten ehun korrikalariek bost deiadar mendiak lotuko dituzte, 200 kilometroko ibilbidea osatuz. Lasterketak Gernikan izango ditu hasiera eta helmuga, eta antolatzaileek ibilbide motzagoak ere atondu dituzte.

Folk musikak Getxo eta Ermuko kaleak beteko ditu asteburuan »

Peru Azpillaga
Folk musikaren uholdeak Bizkaia blaituko du asteburu honetan. Gurean ohikoak ez badira ere, folk musikaren doinuek Ermuko eta Getxoko kaleak hartuko dituzte Folkez Blai eta Getxo Folk jaialdien bidez.

Argitu gabeko ikasgaiak »

Udako oporrak atzean utzi, eta ateak ireki dituzte Bizkaiko 456 ikastetxeek berriz. Korapilatsua izango da 2018-2019ko ikasturtea hezkuntzaren eremuan: langileek azken urteetan egindako eskaerei erantzun beharko die Eusko Jaurlaritzak, eta hezkuntza ereduaren gaiari heldu beharko diote eragileek eta Hezkuntza Sailak. - Irakurri gehiago...

Errezeloz beteriko pedalkadak »

Ainhoa Larrabe Arnaiz

Getxon hasi, eta 166,4 kilometroko ibilbidea egingo dute ehunka txirrindularik datorren asteazkenean, Oiz mendian jarriko duten metara iristeko. Abuztuaren 25ean abiatu zen Espainiako Vuelta, eta Bizkaiko lurrak zeharkatuko ditu hilaren 12an, lehiaketaren 17. etapan. Historikoki, eztabaida iturri izan da kirol proba, eta egoera politikoaren arabera igaro ditu euskal lurrak. Bizkaian, adibidez, 33 urte egin zituen bertatik igaro gabe, 1970eko hamarkadaren bukaeraz geroztik. Baina 2011tik hona, ia urtero zeharkatu du lurraldea. Milaka herritar bilduko da errepide bazterretan lasterketan zehar, eta erabakitzeko eskubidearen aldeko aldarrikapena eramango du Gure Esku Dago plataformak Libertad es decidir, etorkizuna gure esku dago goiburupean.