Etxebarria parkeko kutsadura hainbat tona lurrez estaliko dute »

Natalia Salazar Orbe
Orain arte tximini gorri garai batek soilik gogorarazten zuen inguruaren iragan industriala. Hala zirudien begien bistara behintzat. Lurrek ezkutuan gordeta zuten, ordea, kutsatutako lurzorua.

Galdeketa egingo du Durangoko Udalak, baina obrak gelditu gabe »

Peru Azpillaga Diez
Durangoko trenbidea lurperatu izanaren ondorioz herriaren erdialdean sortu den espazio hutsaren etorkizuna erabakitzeko sortu zen Erabaki plataforma. Lursail berri horretan, Jaurlaritzak, udalaren oniritziarekin, hamazortzi solairuko bost dorre eta babestutako etxebizitza bloke bat eraikitzeko proiektua abiatu zuen uztailean.

Equok uste du autobide elektrikoa gerarazteko aukerarik badagoela »

Natalia Salazar Orbe

Energiaren kontsumoa eta haren etorkizuna kezka iturri handia dira. Europako Batasunean eztabaidatzen ari diren gai garrantzitsuenetakoa da. Hala azaldu du Florent Marcellesik, Berdeak taldearen barruan ari den Equoko eurodiputatuak. “Eztabaida sakona egin da energia berriztagarriei, eraginkortasun energetikoari, trantsizio energetiko horren barruko parte hartze publikoari eta merkatu elektrikoari buruz”.

Darabilbo abian da, helduek aisian euskaraz egiteko egitasmoa »

Natalia Salazar Orbe
Ikasgeletatik kanpo, eremu akademikotik atera nahi du euskararen erabilera Darabilbo egitasmoak. Aisialdira gerturatuta, helduen artean euskararen erabilera sustatzea du helburu. Aurten ere asmo horri ekin diote, eta hainbat jardue…

Saharako 43 ume, harrera bila »

Natalia Salazar Orbe
Berrogei urtetik gora daramatza Mendebaldeko Saharako herriak bere lurretatik kanporatuta, Aljeriak utzitako basamortuko lurretan. Hamabost urteko gudaren ostean, Fronte Polisarioak eta Marokok su-etena hitzartu zuten 1991n.

Erasoak jasan dituzten zortzi emakume artatu behar izan dituzte aurten »

Natalia Salazar Orbe
Urteko markagailua martxan jarri da berriz ere. 2019a hasi denetik egun gutxi batzuk besterik igaro ez badira ere, indarkeria matxistak eragindako hainbat eraso gertatu dira jada Bizkaian. Zortzi emakume artatu egin behar izan dituzte.

Abran egiten ari diren draga lanak gelditzeko eskatu dute »

Peru Azpillaga Diez
Bilboko Portu Agintaritzak 2016an jarri zuen martxan bere instalazioak handitzeko proiektua. Horretarako, Erdiko Kaia izeneko eremu berri bat eraikitzen ari dira: 39 hilabete iraungo dute obrek, eta itsasoari lapurtutako 33 hektarea gehituko dizkiote portuari.

Bilbobuseko langileek grebara joko dute hilaren 21etik aurrera »

Peru Azpillaga Diez

Bilbobuseko langileek abenduan hasitako mobilizazio eta lanuzteei eutsiko diete urtarrilean; gainera, hilaren 21erako akordiorik lortu ezean grebara joko dutela jakinarazi dute. Hala, zaildu egin da beharginen eta autobus zerbitzua kudeatzen duen enpresaren arteko negoziazioa, eta zenbait alderdi eta sindikatuk Bilboko Udalari eskatu diote esku har dezala arazoa konpontzeko. Auzi honetan, ELA, LAB, UGT, CCOO eta USO sindikatuak dira langileen ordezkariak, eta, orain arte, langile guzti-guztiek hartu dute parte egindako mobilizazio eta lanuzteetan.

Arrantzak utzitako legatua »

Natalia Salazar Orbe

Itsasoari begira bizi den herri bat da Bermeo. Hari lotuta egon da mendeetan, hura zaintzen, haren astinduei eusten eta handik edaten. Arrantzale, saregin, sardinasaltzaile eta neskatilaz josita, itsasoarekiko eta arrantzarekiko loturarik estuena izan duen Busturialdeko herria da. Horrek idiosinkrasia berezia eman dio Bermeori. Izaeraz harago, hizkuntza bera ere jantzi eta aberastu dute itsasoarekin lotutako berbek. Bereziki, arrainen izenek. Azken urteetan erabat aldatu da irudi hori. Ahaztuak dira itsasontziak portuan sartu orduko talaiatik abisua eman eta arraina deskargatzera jaisteko egunak. Orain, herritar gehienek ez dituzte ezagutzen garai batean hartzen ziren arrain mota guztien izenak.

Herritarrak plazan batzeko deia »

Uxue Gutierrez Lorenzo

Hitzordua zehaztua dute Iurretako herritarrek: asteartero, 19:00etan, plazan. Hilabeteak daramatzate Iurretako 50 bat lagunek batzarrak egiten, buruari bueltaka. Astero-astero biltzen dira adin ezberdinetako kideak, ezinegon komun batetik abiatuta: “Hainbat pertsonaren artean hasi ginen berbetan, herrian mugimendu sozialaren eta kulturalaren falta sumatzen genuelako. Kezka horren bueltan hasi ginen elkartzen”. Hala azaldu du Markel Onaindia mugimenduko kideak ideiaren jatorria. Eta, kezkatik tiraka, aisiaren inguruan ere hausnartu dute. “Askotan, tabernara joatean datza gure aisia. Ez da bakarrik kritika bat gainontzekoek egiten ez dutenarekiko, autokritika bat ere bada. Gure esku dago herrian bizitza gehiago egotea eta alternatibak sortzea”. Oinarriak finkatuta, izena ere jarri diote mugimenduari: Iurreta Plazaratu.