Etxegabeen kopurua bikoiztu egin da bi urtean: 264 lagun bizi dira kalean »

Natalia Salazar Orbe

Tenperaturek behera egin dute. Hego haizeak ihes egin du, eta iparra gogotik sartu da. Termometroetan gero eta zenbaki baxuagoak ageri dira. Hotzak eta euriak hartu dituzte kaleak. Askok etxeko epelean egiten diete aurre eguraldiaren astinduei. Baina etxerik ez eta euria, eguzkia, haizea eta ateria kale gorrian jasan behar duenik ere bada. Ez dira gutxi, gainera. Bizkaian, 264 zenbatu dituzte. Horietako gehien-gehienak, Bilbon: 211. Duela bi urte egin zuten zenbaketaren ia bikoitza da. Joera, gainera, goranzkoa da. Hala utzi du agerian Eusko Jaurlaritzak, Araba, Bizkai eta Gipuzkoako aldundiek, Eudelek eta zenbait udalerrik Etxerik Gabeko Pertsonentzako Euskal Estrategia garatzeko egin duten ikerketaren ataletako batek. Ikerketa horren helburua da pertsona horiei laguntzeko politika integralak diseinatzea eta ezartzea.

Basoak erosten hasiko dira Igorre, Atxondo, Urduña eta Berriatua »

Aitziber Laskibar Lizarribar

Ahul daude Bizkaiko mendialdeak; gaixo eta indarge. Eta ez da zoriaren ondorio, EH Bilduren ustez. Ez da kasualitatea horrenbeste eremu gaitzak jota egotea. Egungo egoera azken berrogei urteetako kudeaketaren ondorio dela dio; azken hamarkadetako politikak eragin duela gaur duguna. Egoera iraultzeko premiaz ohartarazi du, eta, egoera iraultzeko, orain arteko kudeaketa aldatu beharraz. Lanean jarri da, eta hartu ditu neurri batzuk: alkatetza duen herrietan, basoak berreskuratzea erabaki du; lurrak bereganatu eta lehengoratzea. Basoetara itzultzea.

Protestak iragarri dituzte Ibar Nagusien Etxea bota ez dezaten »

Peru Azpillaga
Ibar Nagusien Etxeak zutik dirau oraindik, Getxon. Auzokideek duela berrogei urtetik baino gehiagotik erabiltzen duten eraikina bota ez dezaten, Itzubaltzetako Plataformak mobilizazioak iragarri ditu azarotik aurrera.

Bilboko Udalak isunak jarriko ditu espaloian bizikletaz ibiltzeagatik »

Peru Azpillaga
Bilboko Udalak orain dela zazpi urte abiatu zuen Bilbobizi, bizikleten mailegu zerbitzu publikoa. Geroztik, haziz joan da egitasmoa. Gero eta erabiltzaile gehiago ditu, eta bizikletak hartzeko geltokiak ere ugaritu egin dira.

Defentsarako bigarren aukera »

Eider Mugartegi

Fronteak egonkortzearekin batera, lehen lerroko defentsaz gain, bigarren defentsa lerroa osatzen hasi ziren faxismoaren aurkako indarrak 1936ko urrian. Bilboko Burdin Hesia bezala izendatutako defentsarako instalazioen ondoren, atzeragoardian egindako defentsarako proiekturik handiena izan zen bigarren lerro hori. Kilometrotako lubaki eta alanbre lerroez gain, hormigoizko hemeretzi metrailadore habia, tunelak, bideak eta komunikazioetarako instalazioak prestatu zituzten.

Herri lanak bultzatuko ditu Bizkaiak, 96 milioi eurorekin »

Natalia Salazar Orbe
Bizkaiko Foru Aldundiak inoizko aurrekonturik handiena izango du 2019an. Denera, 1.253,3 milioi euro kudeatuko ditu, aurten baino 58,6 milioi gehiago. Sailez saileko xehetasunak datorren astean aletuko badituzte ere, ildo nagusietako batzuk zehaztu dituzte asteon Unai Rementeria ahaldun nagusiak eta Jose Maria Iruarrizaga Ogasun eta Finantzen diputatuak.

Harrerak baditu milaka aurpegi »

Ekainean sortu zen Bilboko Auzoetako Harrera Sarea, «instituzioen baliabide faltaren aurrean» Bilbora heltzen diren migranteei harrera duin bat eskaintzeko helburuarekin. Uda osoa lanean eman ostean, proiektua deszentralizatzea erabaki dute; Bizkaia harrera eskualde bilakatzea. - Irakurri gehiago...

Feministon Herria izango da Bilbo »

Aitziber Laskibar Lizarribar

Emakumeak antolatzen ari dira, gero eta gehiago. Auzoz auzo, herriz herri, feminismoa indar hartzen ari da. Hausnarketetan sakontzen, eta ekiten. Aliantzak sortzen. Herri mailan, herrien artean, eta mundu mailan ere bai. Bilbo da, egunotan, horren adierazgarri. Emakumeen Mundu Martxak XI. Nazioarteko Topaketak egin ditu asteon Bizkaiko hiriburuan, eta munduko 42 herrialdetako 130 emakumetik gora batu dira etorkizun feminista bat marrazteko bidean aurrera egiteko helburuz.

Bilboko euskaltegi guztiek agenda bateratua kaleratu dute »

Aitziber Laskibar Lizarribar
AEK eta Bai & By. Labayru, Gabriel Aresti, Bilbo Zaharra. Deustuko Unibertsitateko euskaltegia. Ulibarri. Mikelats eta Juan Mateo Zabala. Mondragon Lingua. Bilbon guztiak, euskara irakastea helburu duten ikastetxeak denak.

Txartel bakarra bideragarri den aztertzeko eskatuko dute Batzar Nagusietan »

Aitziber Laskibar Lizarribar
“Barik txartela, bere garaian, urrats bat izan zen Bizkaiko garraiobide publiko gehienetan erabil zitekeen euskarria izan baitzen”, aitortu du Txartel Bakarraren eta Garraio Sistema Publiko Bateratuaren Aldeko Bizkaiko Foroak.